2 Chronicles 22:1 - De Beebaa Dabu

¹ Gai dangada e nnoho i Jerusalem ne hai Ahaziah, tama gauligi a Jehoram, gi suuia dono damana gi hodooligi ai, go hiidinga dangada ne loomai laa madali de gau Arabia gi de mommee nnoho gaainga, gu daa ma gu maakau denga dama maatua alodahi. Gai tama daane a Jehoram go Ahaziah gu hodooligi i Judah.

2 Chronicles 22:1 Referans Kwoze

2 Chronicles 36:1

Gai dangada o de henua ga hai Jehoahaz tama daane a Josiah gi suuia dono damana gi hodooligi ai i Jerusalem.

2 Chronicles 33:25

Aagai dangada o de henua ga daa gu maakau gilaadeu alodahi ne daia de hodooligi go Amon, gai gilaadeu ga hai dana dama daane go Josiah gi suuia ia gi hodooligi ai.

2 Chronicles 26:1

Gai dangada alodahi o Judah ne kave Uzziah, gu madaangahulu ma ono laa ono ngadau, ga hai ia gi suuia dono damana go Amaziah gi hodooligi ai.

2 Chronicles 23:3

Gai dangada alodahi ga hai dahi hagatoo donu hagaheloongoi madali de hodooligi i de hale o de Maadua. Gai Jehoiada ga hai ange gi gilaadeu, “Tilo, deenei tama daane a de hodooligi e hai gi hodooligi, bei de hai a Tagi Maolunga gu hagatoo donu ai laa i dagodo o de aamuli o David.

1 Chronicles 3:11

tama daane a Jehoshaphat go Jehoram, tama daane a Jehoram go Ahaziah, tama daane a Ahaziah go Joash,

2 Chronicles 22:2

Gai Ahaziah gu madalua ma lua ono ngadau i de masavaa oona ne dae ange ai ga hodooligi, gai ia ne hodooligi i Jerusalem i e dahi ngadau. Gai de ingoo o dono dinana go Athaliah, de mogobuna o Omri.

2 Chronicles 25:23

Gai Jehoash de hodooligi o Israel ne poo Amaziah de hodooligi o Judah, tama daane a Joash, tama daane a Ahaziah i Beth Shemesh, gai ia ga kave ia gi Jerusalem. Gai ia ga oha iho e haalau sugilima o de buibui o Jerusalem, mai i de Haitoga o Ephraim ga hano ai gi de Haitoga i Tege.

2 Kings 8:16

Gai de lima ngadau huu o Joram, tama daane a Ahab ne hodooligi ai i Israel, gai Jehoram, tama daane a Jehoshaphat, gu dae ange ga hodooligi i Judah.

2 Kings 9:1

Gai Elisha ga hagahi dahi mai i de hagabuulinga o denga pelaabisi, ga hai ange gi de ia, “Hagabigibigi age oo malo gi doo daogubu, mage gaavee dahi manu lolo madali goe hannoo ai gi Ramoth i Gilead.

2 Kings 10:13

gai ia gu hedae ange gi hanu dangada o Ahaziah, de hodooligi o Judah, gai ia ga ssili ange, “Goodou goai?” Gilaadeu ne hai ange, “Gimaadeu ni dangada niio Ahaziah, gai gimaadeu ne loomai gi daho dama a de hodooligi ma tinana o de hodooligi.”