2 Chronicles 10:8 - De Beebaa Dabu

⁸ Aagai Rehoboam tee daudali i hagasaele a denga daane maatua ne tala ange gi de ia. Gai ia ne madaangudu ange gi denga daane mmodo, ne maatua age laa madali ia, ma de hai hegau ange gi de ia.

2 Chronicles 10:8 Referans Kwoze

Proverbs 1:25

goodou ne hagangadi mee agu muna hagaheohi alodahi, gai goodou ne kino donu i agu muna ne hagasee ai goodou,

2 Samuel 17:14

Gai Absalom ma denga daane alodahi o Israel ne hai ange, “Muna bale a Hushai, taane Erek, e danuaa ange i muna bale a Ahithophel.” Go hiidinga Tagi Maolunga gu hai gi dee ssula muna bale a Ahithohphel, gai ia ga hagahai ngadaa ai Absalom.

Isaiah 30:1

E hagadaba Tagi Maolunga, “E vakaa naa denga dama hai alaadeu hai, e haia laa hanu hagatau gai e dee bei agu hagatau, gilaadeu e hagaheloongoi ma denga huaahenua aagai e dee hai hegau i ssauaa o dogu hagasaalunga, gai gilaadeu e hagalagolago olaadeu haisala.

Ecclesiastes 10:16

E vakaa naa de henua noo dono hodooligi se gauligi, gai ono dagi e hai daonga mai i taiao.

Proverbs 25:12

Tangada heiangi e hagaseegina laa tangada e lodo laa e hagallongo ana muna, e bei de hakai goolo aabe se mee hagalaagii goolo.

Proverbs 19:20

Kana ange hagalaangona muna bale ma de daohi denga agoago, gai koe e sula naa ga se dangada heiangi i muli mai.

Proverbs 13:20

Tangada e daudali ange i de gau heiangi e hagadaga ange naa de heiangi, aagai tangada e hagabuni ange gi de gau llodo ssenga e hagaduasala donu.

Proverbs 9:9

Agoagona ange tangada heiangi gi kii ange ai dono heiangi; agoagona ange tangada heohi, gi kii ange ai dana mee e iloo.

2 Chronicles 10:9

Ia ne ssili ange gi gilaadeu, “Dee hee doodou hagasaele? Dee hee taadeu hai e pasa ange ai gi dangada gu hai mai nei gi de au, ‘Haia gi maamaane ange de laagau hagahai hegau a doo damana ne hagauda mai gi gimaadeu’?”

Proverbs 27:10

Aude dilia doo soa ma ssoa o doo damana; aude hano gi de hale o doo daina i de masavaa oou e hai ngadaa ai. E danuaa ange doo hano gi daho tangada e baa adu laa gi de goe i doo hano gi doo daina e mmao gee laa.