2 Chronicles 1:12 - De Beebaa Dabu

¹² deenei ai, au e gaavadu donu gi de goe de heiangi ma de iloo mee. Au e gaavadu naa hogi gi de goe de lava, ma goloa lagolago aama de hagadubu. Gai tigi ai ange donu se hodooligi gu humai i mua, aabe e humai i oo dua e bei oo dagodo.”

2 Chronicles 1:12 Referans Kwoze

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

2 Chronicles 9:22

Gai de hodooligi go Solomon ne kii ange de lava ma de heiangi i denga hodooligi alodahi o henua i lalo.

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Ephesians 3:20

Gidaadeu gi duuhia de ia e maua laa i de hagahai hegau dono sauaa, gi kii ange i mee odaadeu e dangidangi ange ai aabe go adaadeu maanadu, bei dagodo o dono sauaa e hai hegau laa i odaadeu lodo,

1 Chronicles 29:25

Gai Tagi Maolunga ga hagaamua Solomon i madamada o de gau Israel alodahi, ma de hagamahamaha dono nohoanga hodooligi, gai tigi ai ange donu se hodooligi o Israel i mua ne bei ono dagodo.

Ecclesiastes 2:9

Gai au ne hagadagadaga age ma de maolunga ange i gilaadeu nogo i Jerusalem i mua. Gai dogu heiangi goi dagodo donu huu.

1 Chronicles 29:12

De lava ma de hagadubu ni mee mai i oo daha, gai go koe tagi o dangada alodahi. Doo lima iai ssauaa ma de mmahi, e hagaamua ai dahi ma de gaavange ai de mmahi gi dangada alodahi.

Nehemiah 13:26

E aha, e dee aanei hogi hegau a Solomon ne hai ga haisala ai ia? Gai e deai ange donu se hodooligi e bei ono dagodo i magavaa o denga huaahenua soa. Gai de Maadua ne aloha i de ia, ga hai ia gi hodooligi i Israel alodahi, aagai ia ne haisala hogi i hiidinga o denga haahine henua gee.

Ecclesiastes 5:19

E dahi ange mee: tangada a de Maadua gu gaavange de lava ma goloa lagolago, ma de hai gi maua e ia i de hagadanuaa i mee laa, ia gi gaavee dono duuhanga ma de malangilangi i ana hegau — de mee nei se ngadi gaavange mai i daho de Maadua.

1 Kings 10:24

Gai dangada o henua i lalo alodahi ne loomai gi daho Solomon, e hagallongo ai ana muna e tala i de heiangi a de Maadua gu gaavange laa gi de ia.