2 Chronicles 1:11 - De Beebaa Dabu

¹¹ Gai de Maadua ga hai ange gi Solomon, “Go hiidinga deenei doo mee e lodo ai, gai koe tee dangidangi mai i de lava ma goloa lagolago, be go de hagadubu, aabe go de daa gi maakau oo hagadaumee, koe tee dangidangi mai hogi au gi haia gi daulooloa doo mouli, aagai koe ne dangidangi mai i de heiangi ma de iloo mee, gi maua ai e goe i de dagi dogu huaadangada, go gilaadeu aagu gu hai goe gi dagina,

2 Chronicles 1:11 Referans Kwoze

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

Proverbs 23:7

go hiidinga ia e bei tangada e maanadu laa de hagaoanga. Ia e hai adu naa gi de goe, “Gaimee ma de unu,” gai ia e dee lodo donu koe gi gaimee.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”

James 3:13

Goai i oodou magavaa e heiangi ma de donu? Gai ia gi hagaagona mai i dono hai hegau i de daudonu ma de heiangi.

1 Kings 3:28

Gai ga langona huu e de gau Israel alodahi de hai a de hodooligi ne hagamodu ai de mee laa, gai gilaadeu gu llele mouli i hegau a de hodooligi ne hai, go hiidinga gilaadeu gu tonu ange bolo de Maadua gu gaavange gi de ia de heiangi, gai ia ga hagamodu ai muna i de heohi.

Hebrews 4:12

Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

Acts 5:4

E dee niiou de alahenua i mua dau hagao gi daha? Gai e dee niiou hogi ssauaa e hai ai de hagaoanga? Gai gu aha gu maanadu ai naa goe i oo lodo de hai de hegau baubau nei? Koe tee hadu muna ange gi dangada, aagai koe ne hadu muna ange donu gi de Maadua.”

Proverbs 14:8

Tangada maanetonu e heiangi i de hagasaele dono haiava e hano ai, aagai de gau llodo ssenga e hagasengalia donu.

1 Chronicles 28:2

Gai de hodooligi ga duu age ga hai ange, “Ogu daina ma ogu dangada, goodou hagalaangona agu muna. Au gu lodo e hagaduu dahi hale e dugu ai de ngavesi o de hagatoo donu hagaheloongoi a Tagi Maolunga, go de mommee e dugu ange aagena luu vae o taadeu Maadua; gai au ne hagadabena mee e hagaduu ai.

1 Kings 8:18

Aagai Tagi Maolunga ne hai ange gi dogu damana go David, ‘Go hiidinga koe ne maanadu de hagaduu dahi hale e hagadubu ai dogu ingoo, gai se mee danuaa donu aau gu maanadu naa i oo lodo.

2 Chronicles 1:12

deenei ai, au e gaavadu donu gi de goe de heiangi ma de iloo mee. Au e gaavadu naa hogi gi de goe de lava, ma goloa lagolago aama de hagadubu. Gai tigi ai ange donu se hodooligi gu humai i mua, aabe e humai i oo dua e bei oo dagodo.”

1 Kings 10:24

Gai dangada o henua i lalo alodahi ne loomai gi daho Solomon, e hagallongo ai ana muna e tala i de heiangi a de Maadua gu gaavange laa gi de ia.

Proverbs 8:15

Go au, de heiangi o denga hodooligi e dagi ai, gai denga dagi e hagatuu ai denga hainga heohi,