1 Timothy 6:9 - De Beebaa Dabu

⁹ Aagai dangada e llodo gi lava gilaadeu e too ange donu gi denga hagatale, gai e noodia i denga maanadu o de lodo senga aama lodo baubau alodahi e dagina ange laa gilaadeu gi de hagaduasala aama de magau.

1 Timothy 6:9 Referans Kwoze

Proverbs 15:27

Tangada nnoo hagamau mee, e hagahai ngadaa dono huaabodu, aagai tangada e kino i denga ngadi gaavange hagasenga e mouli donu.

1 Timothy 3:7

Ia gi se dangada hogi e hagadubulia i daho de gau tua de mee, gi dee hagadogaa ina ai ia, gai ia gu doo ange gi lo te sele a de ia hagabaubau laa.

Acts 8:20

Aagai Peter ga hai ange gi de ia, “Koe gi magau madali au sseene naa, go hiidinga koe e maanadu bolo koe e maua i de hagao de mee ngadi gaavange a de Maadua i sseene!

Matthew 13:22

Gai golee ne too ange laa gi magavaa o denga manu daladala, go tangada e langona e ia muna laa; aagai mee hagamanavasaa o henua i lalo nei, ma de lava e hagasengalia laa dangada ga hagakabi muna laa, gai tee maua gi hhua.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

Ephesians 4:22

Gai goodou hagauia ma gi dilia gee oodou mouli duai, go tangada duai ne hagasengalia laa i denga lodo donu hakino gee;

Mark 4:19

aagai mee hagamanavasaa o henua i lalo, ma de lava e hagasengalia laa dangada ma de nnoo hagamau mee ga hagakabi muna laa, gai tee maua gi hanu ono hua.

Matthew 26:15

ga ssili ange, “Ni aha oodou e hagao mai ai au noo au e gaavadu Iesu gi goodou?” Gai gilaadeu ne hagao ange ia i e matolu dibaa selevaa.

Matthew 19:22

Gai ga langona huu e ia muna laa, gai ia ga hano gee i kilaa gu dee baba ono lodo, go hiidinga ia se daane lava mmao.

Proverbs 22:16

Be goai e vaivai haia tangada hagaau aloha gi kii ange ai dono lava, ma tangada e ngadi gaavange mee gi tangada lava — gilaau ngaadahi e hagaau aloha donu.

Proverbs 21:6

Denga goloa hagamogomogo e maua i de hadu muna e bei mama o denga vai e moolau laa de lilo, gai e bei ssele o de magau.

Proverbs 20:21

Mee a tangada ne moolau de kave i taamada, e deai donu se manuuia iai i muli mai.

2 Timothy 2:26

gai gi ola mai ai gilaadeu i ssele a de ia hagabaubau, go de ia gu noonoodia gilaadeu, gai gilaadeu ga hai ai ono lodo.

1 Timothy 1:9

Gidaadeu e iloo hogi bolo de hainga tee hai ange gi gilaadeu e heohi, aagai ne hai ange gi gilaadeu e oohaa de hainga ma gilaadeu e hai baasi ange aagena, ma de gau baubau, ma gilaadeu e haisala, ma gilaadeu e hakino gee, ma de hagangadi mee de Maadua, ma gilaadeu e daia ga maakau olaadeu maadua, ma gilaadeu e daia dangada ga maakau,

Luke 21:35

Gai e dae mai naa donu gi honga o dangada alodahi i henua i lalo.

Zechariah 11:5

Dangada e hagao ina gilaadeu e daa gilaadeu ga maakau, gai gilaadeu tee hagaduasala. Dangada e hagao ina gi daha denga ssiibi e hagataba, ‘Duuhia Tagi Maolunga, au gu se dangada lava.’ Olaadeu dangada hagaloosi e dee lodo aaloha ange donu gi gilaadeu.

Isaiah 5:8

E vakaa naa gilaadeu e haia ga lagolago olaadeu hale, ma de hagallaha ange olaadeu alahenua, ga dae ai gi teai ange mommee e doe, gai go goodou donu huu e nnoho i honga de gelegele laa.

Proverbs 23:4

Aude hagadalea ange gi denga goloa lagolago; gai koe gi heiangi ga tuu de hai mee nei.

Psalm 11:6

Ia e hai naa gi loiho gi honga o de gau baubau de ahi ma maga ahi ula; gai tuuhanga i lodo alaadeu ubu go de madangi hagavvela.

Joshua 7:11

De gau Israel gu haisala; gilaadeu gu hagahaisala de hagatoo donu hagaheloongoi aagu ne hai ange gi gilaadeu. Gilaadeu gu kave hanu mee gu hagailonga laa e oha, gilaadeu gu gaiaa ma de hadu muna, gai gu kave mee laa ma gu hagammuni i lodo olaadeu goloa.

Deuteronomy 7:25

Gai goodou duungia olaadeu diinonga i de ahi; gai goodou aude nnoo ange gi denga selevaa ma goolo e hai ai diinonga laa, aabe gi gaavee mee nei e hai ai oodou goloa, kana noodia ai goodou, go hiidinga Tagi Maolunga doodou Maadua e kino mmao i mee nei.

Numbers 31:8

Gilaadeu ne daa hogi denga hodooligi e dogolima o Midian, madali de gau ange laa: go Evi, ma Rekem, ma Zur, ma Hur, aama Reba. Gilaadeu ne daa hogi Balaam, tama daane a Beor i de gadilaasa.

Matthew 6:19

“Goodou gi dee hagaduulia oodou goloa hagamogomogo i henua i lalo, go de mommee e gaina ai e de goa ma de hongagelegele baalanga, aama de gaiaadia e de gau gaiaa.

Luke 12:21

E bei ai hogi dagodo o tangada e hagabudu ina laa ga doange goloa lagolago, gai e dee lava i mee o de Maadua.”

1 Timothy 6:10

Gai taadeu nnoo ange gi denga sseene go taamada donu o denga hagadaagangaa baubau alodahi; gai aanei donu hiidinga o hanu gu hulo gee mai ai laa i de gai abodonu, gai olaadeu lodo gu velosia i denga mee hagammae lagolago.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

Titus 2:12

ma de agoago mai ai gidaadeu gi dilia hegau baubau ma lodo o henua i lalo, gai gi golomagi ina odaadeu lodo, ma de hai hegau i de heohi, aama de hai lodo o de Maadua i henua i lalo nei;

1 Kings 21:6

Ia ga hai ange gi dono bodu, “Go hiidinga au ne hai ange gi Naboth, taane Jezreel, ia gi gaamai dana veelengaa grape gai au ga hagao, aabe noo ia e lodo, gai au ga gaavange dahi veelenga gee e hagahesuihagi ai; aagai ia ne hai mai, ‘Au e dee gaavadu donu dagu veelengaa grape gi de goe.’ ”