1 Timothy 6:6 - De Beebaa Dabu

⁶ Gai se lava laumalie mmao taadeu mau i de hai lodo o de Maadua, ma de malangilangi i mee adaadeu e hanu,

1 Timothy 6:6 Referans Kwoze

Hebrews 13:5

Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”

1 Timothy 6:8

Deenei ai, noo gu hanu adaadeu gai ma odaadeu malo, aagai gidaadeu gi llodo danuaa.

Proverbs 16:8

E danuaa ange doo hagaau aloha, gai koe e hai hegau i de mee heohi, i dau mau goloa lagolago gai koe e dee hai hegau i de hagamodu heohi.

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.

Philippians 1:21

Go hiidinga dogu mouli go Klisdo, gai dogu magau go dagu maua abodonu.

Proverbs 15:16

E danuaa ange de sogoisi oo goloa gai koe e madagu i Tagi Maolunga, i de lagolago oo goloa gai koe e dee baba oo lodo.

Psalm 37:16

Momo goloa o tangada heohi e danuaa ange i de lava o de gau baubau soa;

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

Luke 3:14

Denga daane hebagi ne ssili ange hogi gi de ia, “Gai gimaadeu, ni aha amaadeu e hai?” Ia ne hai ange gi gilaadeu, “Goodou e dee hai gi de mahi sseene a dangada, aabe gi hagabuuia ange ssala gi gilaadeu i de muna hadu; gai goodou gi malangilangi i oodou hagaoanga.”

Exodus 2:21

Deelaa ai, Moses ne noho i daho taane laa, gai Reuel ga gaavange dana damaa hine go Zipporah gi hai bodu ange gi Moses.

2 Corinthians 4:17

Go hiidinga odaadeu hai ngadaa e hai donu huu i dahi masavaa bodobodo, e hagadabena ange ai gidaadeu gi de mahamaha laumalie e dee ngado mai laa, e dee maua laa i de hagahedae ange gi dahi mee daudahi,

Proverbs 28:25

Tangada nnoo hagamau mee e hai naa ga dee heloongoi dangada, aagai tangada e hagadonusia Tagi Maolunga e hagadagadaga age naa.

Jeremiah 35:9

be go de hagatuu hanu hale e nnoho ai gimaadeu, be go de hai gi hanu amaadeu veelengaa grape be ni alahenua aabe ni golee.

Luke 12:15

Gai ia ga hai ange gi dangada, “Goodou kana ange dagidiiloo gi dee nnoo hagamau mee goodou; go hiidinga de mouli o tangada e dee go goloa lagolago.”

2 Kings 6:2

Gidaadeu ga hulo gi Jordan, gai gimaadeu ga gaamai ai dagidahi laagau e hagaduu ai dahi mommee e nnoho ai gidaadeu.” Gai Elisha ga hai ange, “Goodou hulo.”