1 Timothy 6:5 - De Beebaa Dabu

⁵ ma tee heloongoi magavaa de gau maanadu baubau, e dee iloo laa e gilaadeu de muna abodonu. Gilaadeu e maanadu bolo alaadeu hai daumaha e hai ga maua e gilaadeu sseene lagolago.

1 Timothy 6:5 Referans Kwoze

2 Timothy 3:5

gilaadeu e hagaago donu huu de hai lodo o de Maadua, aagai gilaadeu e hagangadi mee donu ssauaa o de Maadua. Gai koe gi dee hagabuni ange gi gilaadeu e haia mee nei.

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

Titus 1:11

Gai e heohi donu de hai de gau bee nei gi dee pasa, go hiidinga gu soa huaabodu alaadeu ne hai gi huuhuli gee i de mee heohi i alaadeu agoago dee heohi nei. Gai gilaadeu e hai mee nei i hiidinga delaadeu llodo i sseene.

2 Timothy 3:8

Denga daane nei e bei dagodo o Jannes ma Jambres, go luu daane ne hai baasi ange laa gi Moses. Gai gilaadeu e hai baasi ange donu gi de mee heohi, gai ni daane hakino gee alaadeu maanadu, de gau bee nei gu dee daohi de gai abodonu.

1 Timothy 6:6

Gai se lava laumalie mmao taadeu mau i de hai lodo o de Maadua, ma de malangilangi i mee adaadeu e hanu,

1 Timothy 3:3

ia gi dee lodo e unu gi senga, ia gi dee alasala aagai gi daudonu, ia gi dee lodo e hagadaumee, ma tee nnoo ange gi sseene.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Matthew 12:33

“Noo e danuaa de manu somo, gai ono hua e danuaa hogi; gai noo e baubau de manu, gai ono hua e baubau hogi, go hiidinga dangada e madea de manu somo i ono hua.

1 Timothy 1:6

Hanu gu hulo gee mai i mee nei, gai ga daudali ange i hanu ngadi muna;

Revelation 18:3

Gai denga huaahenua alodahi gu unu uvaini o dono dagodo haisala, go hiidinga denga hodooligi o henua i lalo gu dagodo haisala madali ia, de gau hagao mee o henua i lalo gu lava mmao i delaadeu ago ange i dono dagodo haisala.”

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

2 Peter 2:15

Gilaadeu gu tili de haiava heohi, ma de daahuli gee ai. Gilaadeu gu daudali ange i de haiava o Balaam tama daane a Beor, go taane ne nnoo ange laa gi goloa e maua i hegau baubau.

1 Timothy 3:8

Gai e bei hogi denga deacon, gilaadeu gi ni dangada e hagadubu i daho dangada, gilaadeu gi dee hadu muna, ma tee llodo e unu uvaini lagolago, gai gi dee nnoo hagamau mee.

2 Thessalonians 3:6

Denga daina, gimaadeu e hai adu i de ingoo o taadeu Dagi Maolunga go Iesu Klisdo, goodou gi dee hagabuni ange gi denga daina alodahi e ngadi nnoho laa donu huu, gai e dee daudali i dahulinga oodou gu kave mai i omaadeu daha.

Matthew 21:13

Gai ia ne hai ange gi gilaadeu, “Gu sisi e hai ange, ‘Dogu hale e hagaingoo ange go de hale dalodalo;’ aagai goodou gu hai gi se mommee niio de gau gaiaa.”

Ezekiel 33:31

Gilaadeu e loomai gi oo daha, bei alaadeu mee e hai i de laa tubua. Gilaadeu e loomai ga nnoho i oo mada i mua ga hagallongo ai au muna e tala, aagai gilaadeu e dee hai hegau ai donu. Gilaadeu e tala bolo gilaadeu e aaloha, aagai olaadeu lodo e hoohonu i de nnoo hagamau mee.

Jeremiah 8:10

Deenei ai, au e gaavange naa olaadeu bodu gi hanu daane gee, gai olaadeu alahenua e gaavange naa gi olaadeu hagadaumee. Mai i tangada maolalo ga dae ai gi tangada maolunga, gilaadeu alodahi gu nnoo hagamau mee; denga pelaabisi ma de gau haimeedabu gu se dagodo daudahi donu, gilaadeu alodahi e hegau i de hagasenga.

Jeremiah 6:13

Mai i tangada maolalo ga dae ai gi tangada maolunga, go gilaadeu alodahi e nnoo ange laa gi mee e maua i hegau dee heohi; gai mai i denga pelaabisi ga dae ai gi de gau haimeedabu, gilaadeu alodahi e hai hegau i de hadu muna.

Isaiah 56:11

Gilaadeu e bei denga gaaduu hiikai, e dee maua laa gi boobosu. Gilaadeu ni dangada hagaloosi ssiibi e dee tonu; gilaadeu alodahi gu daudali donu huu i olaadeu lodo, dahi ma dahi gu ssala donu huu mee e danuaa ange gi de ia.

Revelation 18:13

ma cinnamon, ma mee hagamaanongi, ma mee maanongi e dudu laa, ma myrrh ma frankincense, ma uvaini, ma lolo olive, ma pelaoaa lligi, ma grain, ma kaau, ma ssiibi, ma hoosa ma hada hebagi, ma de gau hai hegau dee ilaage.

1 Corinthians 11:16

Noo dahi dangada e lodo e hai baasi mai i de mee nei, gai e deai ange donu se dahulinga odaadeu e hai hegau ai, gai e bei ai hogi denga nohoanga dabu o de Maadua.

1 Timothy 4:7

Gai koe gi dee anga ange gi denga ngadi daalanga e dee bei lodo o de Maadua, ma ngadi daalanga a denga haahine madumaatua. Aagai koe agoago i de hai lodo o de Maadua;

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.