1 Timothy 6:18 - De Beebaa Dabu

¹⁸ Gilaadeu gi haia tanuaa, ma de hagaduu ngae i denga hegau danuaa, gai gilaadeu gi paba ange ma de malangilangi i de abodonu ange gi dangada.

1 Timothy 6:18 Referans Kwoze

Hebrews 13:16

Goodou gi dee ngalo de hai tanuaa ma de ngadi gaavange mee gi dangada, go hiidinga aanei denga hagadaagangaa sigidaumaha o de Maadua e malangilangi ai.

1 John 3:17

Noo tangada e hanu ono goloa, gai ia e gidee dahi ono daina e duasala, aagai ia e dee abodonu ange gi de ia, gai dee hee dana hai e tala ai bolo de aloha o de Maadua e dagodo i ono daha?

Romans 12:8

tangada e hagammahi ina lodo o dangada, gi hagammahi ina ange lodo o dangada; tangada e ngadi gaavange mee, gi lodo mmahi i de ngadi gaavange mee; tangada se dagi gi hagaduu ngae gi dagina; gai tangada e abodonu ange laa gi dangada, gi abodonu ange gi dangada i de malangilangi.

Psalm 37:3

Koe gi hagadonusia Tagi Maolunga ma de hai tanuaa; gai koe ga noho baba i honga de henua ga gaimee ai.

Titus 3:8

Muna nei ni muna abodonu. Gai au e lodo koe gi hagamanadua ina ange gi dangada mee nei, gi kana ange ai dangada gu hagadonusia laa de Maadua gi haia denga hegau danuaa. Mee nei ni mee e danuaa ma de haigamaiana ange gi dangada alodahi.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Luke 12:21

E bei ai hogi dagodo o tangada e hagabudu ina laa ga doange goloa lagolago, gai e dee lava i mee o de Maadua.”

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

2 Corinthians 8:12

Go hiidinga noo tangada gu baba ange, gai ia gi gaavange gi bei mee e hanu i ono daha, e dee go mee e deai i ono daha.

1 Corinthians 16:2

Denga dahi laangi alodahi o de uvigi, gai dahi ma dahi gi vaaea gee dana sseene e daohi age ga doange, e dee tali donu go dogu masavaa e dae adu ai e daohi age ai de mee a tangada.

Isaiah 58:7

E aha, e dee go dau duha ange au gai gi gilaadeu e hiikai, ma de gaavange dahi mommee moo tangada e deai sono hale — ma de hakahu tangada e deai ono malo, i de masavaa aau e gidee ai dono gilisau, gai koe e dee hano e mmuni e dee bale ange doo dangada donu?

Ecclesiastes 11:6

Koe gi doo ina au golee i taiao, gai koe gi dee ngadi noho i de ahiahi, go hiidinga koe e dee iloo be dee hee de mee e somo, go de mee nei aabe go de mee ange laa, aabe go luu mee nei ngaadahi e ssomo.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

3 John 1:11

Dogu soa hagamogomogo, koe gi dee ago ange i hegau baubau nei, aagai koe ago ange i de mee danuaa. Tangada e haia tanuaa se dama donu nii de Maadua, aagai tangada e haia de baubau tigi gidee donu e ia de Maadua.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Acts 9:36

Gai e dahi hahine gu hagadonusia e noho i Joppa, dono ingoo go Tabitha, e bei Dorcas i muna Greek. De hine laa ne lagolago ana hegau danuaa ne hai ma de abodonu ange gi de gau hagaau aloha.

Isaiah 32:8

Aagai tangada abodonu e hai denga hagatau abodonu; gai ia e duudagi de abodonu.

Ecclesiastes 3:12

Au e iloo bolo e deai ange donu se mee e danuaa ange gi dangada, gai go malangilangi ma de hai tanuaa i de masavaa olaadeu e mouli ai.

2 Chronicles 24:16

Gai gilaadeu ga danu ia madali denga hodooligi i de aduhale o David, i hiidinga hegau danuaa aana ne hai ange gi de Maadua ma dono temple i Israel.

1 Peter 3:11

Ia gi hano gee i de baubau gai gi haia tanuaa; gai ia gi hagaduu ngae gi saalaa de nnoho paba.

Acts 11:29

Gai gilaadeu gu hagadonusia i kilaa, ne hagamodu bolo e daohi age hanu mee e bale ange ai denga daina i Judea, i de mee a dahi ma dahi e mau.

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Matthew 5:42

Gai koe gaavange gi tangada e dangidangi adu gi de goe i dahi mee, aude daohia au mee i tangada e lodo laa e hai hegau ai.

Luke 3:11

John ne hai ange gi gilaadeu, “Be goai e lua ono malo gahu gai ia gi gaavange dahi gi tangada e deai sono malo. Gai be goai e hanu ana gai, gai ia gi gaavange hogi hanu gi tangada e deai ana gai.”

Ephesians 4:28

Tangada gaiaa gi dee gaiaa, aagai ia gi hai hegau, ma de hai mee danuaa i luoono lima, gi maua ai e ia i de bale ange gilaadeu e duasala.