1 Timothy 6:16 - De Beebaa Dabu

¹⁶ Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

1 Timothy 6:16 Referans Kwoze

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

1 John 1:5

Gai deenei de muna amaadeu ne langona mai i ono daha amaadeu e tala adu nei gi goodou, bolo de Maadua go de maalama gai e deai donu se damaa gohu daudahi i ono daha.

Psalm 90:2

I mua de hai ga hanu mounga, aabe go dau hai henua i lalo ma mee alodahi iai, gai go koe de Maadua, mai i de masavaa e dee ngado mai ga dae ai gi de masavaa e dee ngado mai.

Colossians 1:15

Klisdo go de hagadulagi donu o de Maadua e dee gidee laa, gai go Tama madua o mee alodahi ne hai i taamada age.

John 6:46

Tigi ai donu se dangada ne gidee e ia Tamana; go Tama donu huu ne humai laa i daho de Maadua, go ia gu gidee Tamana.

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

Psalm 104:2

Ia e gahu i de maalama bei de malo; ia e doha de langi bei de hale malo,

Exodus 3:14

Gai de Maadua ga hai ange gi Moses, “Go Au donu Go Au. Gai koe hai ange gi de gau Israel, ‘Go Au donu ne haia goe gi hanadu gi olaadeu daha.’ ”

Revelation 4:11

“Tagi Maolunga demaadeu Maadua, koe e bau ange gi de kave de mahamaha ma de hagadubu aama de mmahi. Go hiidinga go koe ne haia mee alodahi, gai go dau hagatau ne haia ga hanu mee nei.”

Revelation 1:6

ma de hai gidaadeu gi se nohoanga hodooligi, gai gi ni dangada haimeedabu e hai hegau ange gi dono Maadua ma Tamana — gai ia e bau ange i de kave taadeu tuhi ma de mahamaha aama ssauaa ga hano ai e dee ngado mai. Amen.

Jude 1:25

aama ange gi de Maadua e dahi laa donu huu, go taadeu Ia Hagaola, i hiidinga o Iesu Klisdo taadeu Dagi Maolunga, de mahamaha, ma de maolunga, ma ssauaa e dagi ai, ma de mmahi, mai i mua de hai o mee alodahi aama iainei ga hano ai e dee ngado mai. Amen.

Ephesians 3:21

i lo te nohoanga dabu aama lodo o Klisdo Iesu i denga atangada alodahi, ga hano ai e dee ngado mai! Amen.

Habakkuk 3:4

Ia e masalaba bei dagodo o de maalama; denga uila e dabadaba mai i lo tono lima, go de mommee iai dono sauaa.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Revelation 7:12

ga hagataba, “Amen! De manuuia, ma de mahamaha, ma de heiangi, ma de hagaahe ange de abodonu, ma de hagadubu, ma ssauaa aama de mmahi ni mee nii taadeu Maadua ga hano ai e dee ngado mai! Amen.”

Hebrews 13:8

Iesu Klisdo go tagodo mau donu huu anaahi, ma anailaa nei ga hano ai e dee ngado mai.

Exodus 33:20

Gai ia e hai ange hogi, “Koe e dee maua i de tilo luoogu mada; go hiidinga e deai donu se dangada e gidee au e maua gi mouli!”

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.

John 14:9

Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”

John 8:58

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, i mua de haanau o Abraham, gai au gu dahi donu.”

Philippians 4:20

Gidaadeu ga hagamahamaha de Maadua taadeu Damana ga hano ai e dee ngado mai. Amen.

Deuteronomy 32:40

Au e haalo age dogu lima gi de langi e hagatoo donu: i taulooloa dogu mouli ga hano ai,

De Beebaa go Job 37:23

De Ia Mmahi Mmao laa — gidaadeu e dee maua gi gidee ia; ia e mmahi mmao; ia e dee hagahaisala dana hagamodu muna heohi; ia e heohi mmao, gai e dee hagaduasala gidaadeu.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.

1 John 4:12

Tigi ai donu se dangada ne gidee e ia de Maadua; gai noo gidaadeu e hagadau aaloha, gai de Maadua e noho donu i odaadeu lodo gai dono aloha gu honu abodonu i odaadeu lodo.