1 Timothy 6:14 - De Beebaa Dabu

¹⁴ koe gi daudali i de hainga gu gaavadu gi de goe i de gilimalali abodonu, gai gi deai oo mee e hagabaubau ina ai ga dae ai gi de humai o taadeu Dagi Maolunga go Iesu Klisdo;

1 Timothy 6:14 Referans Kwoze

2 Peter 3:14

Deenei ai, ogu soa hagamogomogo, go hiidinga goodou e tali de hai mee nei, goodou hagaduu ngae haia gi deai duulangaa mee gelegele, aabe ni mee baubau i oodou daha, aama de nnoho paba.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

1 Thessalonians 5:23

De Maadua o de baba gi haia gi dabu abodonu goodou. Gai oodou hagasaalunga ma oodou lodo aama oodou angaanga alodahi gi gilimalali, i de masavaa o taadeu Dagi Maolunga go Iesu Klisdo e humai ai.

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

2 Timothy 4:1

Au e tala adu gi de goe i mada luu mada o de Maadua aama Klisdo Iesu, go de ia e hagamodu ina muna o dangada e mouli ma gilaadeu gu maakau, i de masavaa oona e hagasula mai ai, ga hagaduu age dono nohoanga hodooligi.

2 Thessalonians 2:8

De masavaa laa gai de ia e oohaa de hainga e hagasula mai naa donu, gai Tagi Maolunga go Iesu e daa naa ia ga magau i dana manava, ma de hagalilo ia i dono mahamaha i dono masavaa e ahe mai ai.

Colossians 4:17

Gai goodou hai ange gi Archippus, “Koe gi diiloo hagalava ina tuuhanga hegau a Tagi Maolunga gu gaavadu koe gi haia.”

Colossians 1:22

Aagai iainei ia gu hagadanuaa oodou magavaa i de angaanga o Klisdo i dono magau, gai ia ga gaavange ai goodou gi de ia, goodou gu dabu ma de gilimalali, gai gu dee hagabaubau i mada luoono mada —

Philippians 1:10

gi maua ai e goodou i de buni ange gi de mee heohi, gai goodou gu gilimalali ma teai oodou baubau i de laangi o Klisdo e ahe mai ai.

1 Corinthians 1:8

Gai go ia e hagammahi ina oodou lodo ga dae ai gi de hagaodi, gai goodou gu dee hagabaubau i de laangi o taadeu Dagi Maolunga go Iesu Klisdo e humai ai.

Song of Songs 4:7

Dogu dau soa, koe e mahamaha mmao; e deai donu se mee baubau daudahi i doo angaanga.

1 John 3:2

Ogu soa hagamogomogo, gidaadeu gu ni dama donu nii de Maadua iainei, gai tigi iloo danuaa odaadeu dagodo i muli mai. Gai gidaadeu e iloo bolo de masavaa naa huu o Klisdo e hagasula mai ai, gai gidaadeu e bei naa ono dagodo; go hiidinga gidaadeu e gidee danuaa naa donu ono dagodo.

1 Peter 1:19

aagai goodou ne hagao i dodo hagamogomogo o Klisdo, ssiibi gauligi e deai laa mee baubau i dono angaanga.

1 Timothy 6:20

Timothy, koe gi daohia mee alodahi gu lava i de gaavadu gi de goe. Huli gee i denga ngadi muna o dangada e hagadaumee ai ma de tala bolo go de iloo mee abodonu;

2 Thessalonians 2:1

Gai dagodo o de ahe mai o taadeu Dagi Maolunga go Iesu Klisdo, ma taadeu hagabuni madali ia, denga daina, gimaadeu e dangidangi adu:

1 Thessalonians 3:13

gai ia ga hagammahi ai oodou lodo, ga hai gi odi ange danuaa oodou dagodo, gai goodou gu dabu i mada luu mada o de Maadua taadeu Damana, i de humai o taadeu Dagi Maolunga go Iesu madali ono dangada dabu alodahi.

Philippians 2:15

gi dee haisala ai goodou, gai gi gilimalali bei dagodo dama a de Maadua e heohi abodonu laa, i doodou nnoho i magavaa o de atangada baubau ma de hai alaadeu hai, gai goodou gi ni mee e hagamaalama ina dangada, bei dagodo o denga heduu e hagamaalama ina laa lo te langi i lunga,

Philippians 1:6

Gai au e iloo abodonu bolo de Maadua ne damadaa ina laa de hegau danuaa i oodou lodo naa, e duudagi naa donu de hegau naa ga dae ai gi dana hagalava i de laangi o Klisdo Iesu e ahe mai ai.

Ephesians 5:27

gai ia ga kave ai gi niiona de nohoanga dabu gu hagamahamaha laa, gu deai mee baubau iai, be ni mee vinivini iai, aabe ni mee bei mee nei iai; gai gu dabu aama teai mee baubau iai.

1 Chronicles 28:20

Gai David ne hai ange hogi gi dana dama go Solomon, “Koe gi lodo mmahi ma de lo taane i de hai de hegau nei. Aude madagu aabe gi lodo baageaa, go hiidinga Tagi Maolunga de Maadua, dogu Maadua, e noho madali goe. Ia e dee hano gee naa donu i oo daha aabe tili goe ga dae ai gi de lava hegau o de hale o Tagi Maolunga.

2 Peter 2:21

Gai e danuaa ange noo gilaadeu tee iloo de haiava heohi, i delaadeu tonu ange gi de mee nei, aagai muli mai gilaadeu gu daahuli gee i muna dabu gu gaavange laa gi gilaadeu.

2 Peter 3:2

Gai goodou gi manadua muna gu tala laa madagidagi i daho denga pelaabisi dabu ma muna a Tagi Maolunga de Ia Hagaola gu tala mai laa i daho oodou dangada tala.