1 Timothy 6:11 - De Beebaa Dabu

¹¹ Aagai koe, taane o de Maadua, savini hano gee i mee nei alodahi, gai hagaduu ngae haia gi heohi goe, ma de hai lodo o de Maadua, ma de gai, ma de aloha, ma de lodo mmahi i de golomagi lodo, aama de daudonu.

1 Timothy 6:11 Referans Kwoze

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

2 Timothy 3:17

e hagadabena ange ai tangada o de Maadua gi denga hegau danuaa alodahi.

1 Timothy 4:12

Gai koe gi dee dugua ange dahi dangada gi hagangadi mee ina goe i hiidinga koe goi gauligi huu, gai koe gi se hagaago danuaa ange gi gilaadeu e hagadonusia, i au muna, ma au ngalungalue, ma doo aloha, ma doo gai, aama doo gilimalali.

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

1 Corinthians 10:14

Deenei ai, ogu daina hagamogomogo, goodou saavini hulo gee i de daumaha ange gi denga diinonga.

1 Peter 3:11

Ia gi hano gee i de baubau gai gi haia tanuaa; gai ia gi hagaduu ngae gi saalaa de nnoho paba.

1 Corinthians 6:18

Goodou saavini hulo gee i denga dahulinga dagodo haisala. Haisala ange laa e hai i tua de angaanga, aagai denga dahulinga hai be se manu e hai baasi ange donu gi de angaanga o tangada.

Psalm 34:14

Koe gi hano gee i de baubau, gai haia tanuaa; ma de ssala gi maua e goe de noho paba.

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

1 Corinthians 14:1

Goodou hagaduu ngae i de aloha, ma de llodo mmao i denga duuhanga mai i daho de Hagasaalunga, gai gi kii ange doodou llodo i de pasa pelaabisi.

Romans 14:19

Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

Isaiah 51:1

Nnoho mai hagalaangona agu muna, goodou e hai hegau i de heohi, ma goodou e saalaa Tagi Maolunga: goodou kalo ange diiloo de baba oodou ne hoda mai ai laa, ma de baba oodou ne tuu mai ai;

Psalm 38:20

Dangada e sui mai agu hegau danuaa i de baubau e hagabaubau au i hiidinga dogu hagammahi e hai tanuaa.

2 Kings 5:20

gai Gehazi, tangada hai hegau o Elisha, taane o de Maadua, ne hagadaba i ono lodo, “Tilo, dogu dangada aamua ne dugu Naaman, taane Syria gi hano; ia tee kave goloa aana ne gaamai. Au e hagatoo donu i de mouli o Tagi Maolunga, bolo au e savini naa e hano e kave hanu goloa laa mai i ono daha.”

1 Timothy 6:20

Timothy, koe gi daohia mee alodahi gu lava i de gaavadu gi de goe. Huli gee i denga ngadi muna o dangada e hagadaumee ai ma de tala bolo go de iloo mee abodonu;

Jeremiah 35:4

Gai au ne gaamai gilaadeu gi de hale o Tagi Maolunga, i de aabi o denga dama a Hanan tama daane a Igdaliah, taane hai hegau o de Maadua, e baa ange laa gi de aabi o denga dagi o de henua, gai i honga de aabi o Maaseiah tama daane a Shallum, taane e hagaloosia de haitoga.

2 Chronicles 8:14

Ia ne hili hogi denga hagabuulinga o de gau haimeedabu gi haia alaadeu hegau, bei dagodo muna a dono damana go David, gai denga daane de aamuli o Levi gi haia denga daahili, ma de bale ange de gau haimeedabu i hegau e hai i de laa tubua. Ia ne hili hogi denga hagabuulinga e hagaloosi ina denga haitoga, go hiidinga deelaa de hai a David taane o de Maadua gu tala ange ai.

2 Kings 23:17

Gai ia ne ssili ange, “Ni hadu hagamaanadu aha aagu e gidee adu nei?” Gai denga daane o de aduhale laa ga hai ange, “Go hadu e hagailonga ai taanunga o taane o de Maadua ne humai laa i Judah, ga daalaa mee aau gu hai ange nei gi de mommee o ssigidaumaha i Bethel.”

2 Kings 1:13

Aagai de hodooligi ga hai ange hogi dahi dagi o tinolima ma ono daane gi hulo i tolu hanonga. Gai togodolu dagi o tinolima ne hanage ga duuduli i mada i mua o Elijah, ga dangidangi ange, ga hai ange, “Taane o de Maadua, au e dangidangi adu, koe gi hagamogomogo ina dogu mouli, ma mouli o tinolima daane nei, gimaadeu nii dangada hai hegau niiou.

2 Kings 1:9

Gai de hodooligi ne hai ange hogi dahi dagi o tinolima ma ono daane gi hulo gi daho Elijah. Gai tagi laa ne hanage gi daho Elijah, i de masavaa oona e noho ai i honga de mounga, ga hai ange gi de ia, “Taane o de Maadua, e hagadaba de hodooligi, ‘Ahe iho gi lalo!’ ”

1 Kings 20:28

Gai dahi daane o de Maadua ne humai gi daho de hodooligi o Israel, ga hai ange, “E hagadaba Tagi Maolunga, ‘Go hiidinga de gau Syria e maanadu bolo au se maadua niio denga mounga, gai e dee se maadua niio denga mommee soe, deelaa ai, au e dugu adu naa goe gi hagadee kii ina de hagabuulinga hebagi soa nei, gi iloo ai e goodou bolo go au donu go Iahweh.’ ”

1 Kings 17:18

Gai de hine laa ga hai ange gi Elijah, “Taane o de Maadua, ni aha aagu gu hai adu laa gi de goe, gai koe ga humai ai naa e hagamaanadu mai ogu haisala e daa ai dagu dama gi magau?”

1 Samuel 2:27

Gai dahi daane o de Maadua ne humai gi daho Eli, ga hai ange, “E hagadaba Tagi Maolunga, ‘Au ne hagaago ange au gi de huaabodu o doo damana, i de masavaa olaadeu e hai hegau ange ai gi Pharaoh i Egypt.

1 Kings 13:26

De masavaa huu a de pelaabisi laa ne langona ai mee laa, gai ia ga hagadaba, “Taane naa go taane donu o de Maadua ne hai baasi ange laa gi muna a Tagi Maolunga. Gai Tagi Maolunga ga hai dahi laiono gi hagalagohia ina ia ma de daa ia ga magau, bei de hai a Tagi Maolunga gu tala ange ai laa gi de ia.”

1 Kings 13:1

Gai dahi daane o de Maadua ne humai i Judah gi Bethel, bei de hai a Tagi Maolunga gu tala ange ai laa, i de masavaa o Jeroboam e duu ai i gaogao de mommee o ssigidaumaha ma e dudu ai denga mee maanongi.

1 Samuel 9:6

Aagai dono dangada hai hegau ga hai ange gi de ia, “Tilo, e dahi daane o de Maadua e noho i de aduhale nei, ia se daane e hagadubu; mee alodahi aana e tala e hai donu ga bei. Gidaau ga hulo gi ono daha; kana adu ia e maua i de tala mai be dee hee taau hai e hulo ai.”

Deuteronomy 33:1

Deenei de hai a Moses, taane hai hegau o de Maadua, ne hagamanuuia ai de gau Israel, i mua dono magau.

Deuteronomy 16:20

Gai koe gi hai hegau i de hagamodu heohi, gi maua ai e goe gi mouli ma de henua i de henua a Tagi Maolunga doo Maadua e gaavadu gi de goe.

Nehemiah 12:36

madali ono dangada, go Shemaiah, ma Azarel, ma Milalai, ma Gilalai, ma Maai, ma Nethanel, ma Judah, ma Hanani, madali denga mee hagadangidangi a David taane o de Maadua. Gai Ezra tangada sisi e hano i olaadeu mada i mua.

Nehemiah 12:24

Gai dagi o de aamuli o Levi: go Hashabiah, ma Sherebiah, ma Jeshua tama daane a Kadmiel, aama olaadeu daina e tuu laa i de baasi ange laa, e hagadau hagaahe ange ai de abodonu ma de tuhi, bei dagodo muna a David, taane o de Maadua.

1 Chronicles 23:14

Aagai dama daane a Moses, taane o de Maadua, ne sisi olaadeu ingoo madali de aamuli o Levi.

1 Kings 17:24

Gai de hine laa ga hai ange gi Elijah, “Iainei gai au gu iloo bolo koe se daane donu niio de Maadua, gai muna a Tagi Maolunga aau e tala ni muna abodonu.”

Proverbs 15:9

Hegau a tangada baubau ni mee hakino gee ange gi Tagi Maolunga, gai ia e aloha i tangada e hagaduu ngae ma e ssala de mee heohi.

1 Timothy 1:14

Gai tegi laumalie o taadeu Dagi Maolunga ne gaamai gi de au i de gai ma de aloha i daho Klisdo Iesu.

2 Timothy 2:21

Deenei ai, noo tangada e hagagilimalali ia mai i mee e dee hagadubu, gai ia e hai ga se goloa e hai ai hegau hagamogomogo, gai gu vvae gee e hai gi dabu, ma de haigamaiana ange gi tangada aamua o de hale gai gu baba ange e hai denga hegau danuaa alodahi.

2 Timothy 3:10

Gai koe gu iloo donu dagodo o agu agoago alodahi, ma dogu mouli, ma dagu hagatau, ma dogu gai, ma de golomagi ogu lodo, ma dogu aloha, ma dogu hagaduu ngae i de lodo mmahi,