1 Timothy 5:5 - De Beebaa Dabu

⁵ De hine gu magau dono bodu gai e duasala abodonu, aagai e deai dangada e balea ange ia, dana tali hagalodolodo go de Maadua, gai ia e duudagi tangidangi ange gi de Maadua i de laangi ma de boo.

1 Timothy 5:5 Referans Kwoze

1 Timothy 5:3

Hagadubu ina denga haahine gu maakau olaadeu bodu gai gu duasala abodonu laa.

Luke 2:37

gai ia tee ahe ange e hai bodu, de masavaa laa gai gu madavalu ma haa ono ngadau. Gai ia e dee hano gee donu i de temple, gai ia e daumaha ma de hagahiigai, aama de dalodalo i de boo ma de laangi i kilaa.

1 Peter 3:5

Gai deenei de hai a denga haahine dabu e tali hagalodolodo ange ai gi de Maadua ne hagamahamaha ai gilaadeu; gilaadeu ne hagallongo ange gi olaadeu bodu,

1 Timothy 5:16

Gai noo dahi hine gu hagadonusia laa, e hanu haahine gu maakau olaadeu bodu i dono huaabodu, gai ia gi diiloo ange gilaadeu; gai gi dee dugua ange go de nohoanga dabu e diiloo ange gilaadeu, gi maua ai de nohoanga dabu i de bale ange denga haahine gu maakau olaadeu bodu gu duasala abodonu laa.

1 Corinthians 7:32

Au e lodo goodou gi dee manavasaa. Taane e dee hai bodu e maanadu donu huu mee o Tagi Maolunga, ma dana hai e hagamalangilangi ai Tagi Maolunga,

Luke 18:1

Iesu ne tala ange hogi dahi mee hagasengasenga gi ana dangada agoago, e hagammahi ange ai gilaadeu gi dalodalo i masavaa alodahi gai gi dee baageaa olaadeu lodo.

Psalm 91:4

Ia e haoli naa goe i lalo ono hulu manu ma de buibui goe i lalo luoono bakau; dono hai hegau i de muna abodonu go doo mee hungihungi ma doo buibui.

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

Luke 18:7

E aha, de Maadua e dee bale ange ana dangada gu hili, i delaadeu tangi ange gi de ia i de laangi ma de boo? E aha, ia e hai naa gilaadeu gi daalia i dahi masavaa daulooloa?

Ruth 2:12

Tagi Maolunga gi hagamanuuia ina goe i hiidinga au hegau gu hai, gai gi laumalie doo manuuia mai i daho Tagi Maolunga, go de Maadua o de gau Israel, oou gu humai naa gi ono daha gi buibuia goe i lalo de malu o luoono bakau.”

1 Corinthians 7:34

ma de lodo lagolago. Gai de hine e dee hai bodu aabe go de bua moe e maanadu donu huu hegau a Tagi Maolunga, i dana hai e hagadabu ange ai dono angaanga ma ono lodo gi de ia. Aagai de hine dau bodu e maanadu mee o de mouli nei, ma dana hai e hagamalangilangi ai dono bodu.

Romans 1:12

gai gidaadeu ga hagadau hagammahi ai i odaadeu kai.

Romans 1:5

Gai go ono hiidinga amaadeu ne maua ai i de kave de abodonu o de Maadua ma de hegau a tangada tala, gi maua ai e huaahenua alodahi i de hagallongo ange aama de kai ange gi de ia.

Acts 26:7

Deenei de mee a denga aamuli e dinoangahulu ma dogolua e tali laa, gai gilaadeu ne llodo mmao gi gidee e gilaadeu, gilaadeu ne hagaduu ngae ga daumaha ange gi de Maadua i de boo ma de laangi. De hodooligi go Agrippa, go hiidinga o de tali hagalodolodo nei oogu gu hagabaubau ina ai nei i daho de gau Ssuu.

Lamentations 1:13

Ia ne hai gi hano iho de ahi i de mommee maolunga, gi duungia lodo ogu ivi. Ia ne hhola dahi galauna e buulou ai luoogu vae; gai ia ga hagaahe dua ai au. Ia ne tili au gi noho sogosogo, ma teai ogu mahi mai i taiao ga boo ai.

Isaiah 54:1

“Oo ma gi daahili, de hine dee hua, gai go de hine tee haanau; oo ma gi daahili, oo ma gi malangilangi, de hine tigi ai ono hagalangona; go hiidinga dama a de hine gu dilia e dono bodu e soa ange naa i dama a de hine e dahi ono bodu, go Tagi Maolunga e hagadaba.

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Isaiah 49:21

Gai koe e hagadaba naa i oo lodo, ‘Goai ne hanaua mai dama nei gi de au? Au ne buliaamou ma teai agu dama; au ne gaavee gi dahi henua gee ma de dilia. Gai goai ne haelea age dama nei? Tilo, go au donu huu e doe; aagai go hee ne loomai ai dama nei?’ ”

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Isaiah 3:26

Denga haitoga o Jerusalem e tangi naa ma de hinangalosaa, bei dagodo o de hine e noho i honga de gelegele, gu deai ono malo.

Acts 6:1

Gai de masavaa huu ne kii ange ai de soa dangada gu hagadonusia, gai denga daina e pasa Greek laa ne nnanu i denga daina e pasa Hebrew laa, i hiidinga gilaadeu e dee tilo danuaa ange alaadeu haahine gu maakau olaadeu bodu i de masavaa e duha ai gai i laangi alodahi.

Acts 9:39

Gai Peter ga hidi age ga hano madali luu daane laa. Gai ga dae huu ia gi kilaa, gai gilaadeu ga kave ia gi de aabi i lunga. Gai denga haahine gu maakau olaadeu bodu ne tuu ma e tangi i ono gaogao, ma de hagaago ange gi de ia denga malo lloa ma malo ange laa, a Dorcas ne hai i de masavaa oona goi mouli ai.

Acts 9:41

Gai Peter ga poo dono lima ga hagahidi age ia gi duu gi lunga. Gai ia ga hagahi dangada o de Maadua, ma denga haahine gu maakau olaadeu bodu, ga gaavange de hine laa gi gilaadeu, ia gu mouli.

Philippians 4:6

Goodou gi dee manavasaa i dahi mee daudahi, aagai goodou dalodalo i mee alodahi ma de dangidangi i mee oodou e duasala ai, ma de hagaahe ange de abodonu, ga hai gi iloo e de Maadua oodou mee e duasala ai.

1 Timothy 2:1

I mua mee alodahi gai au e hagammahi adu goodou gi dangidangi, ma de dalodalo, ma de hagabuni ga dalodalo ga hagaahe ange de abodonu i hiidinga o dangada alodahi —

2 Timothy 1:3

Au e hagaahe ange de abodonu gi de Maadua, de ia oogu e daumaha ange aagena i tagi o ogu lodo i de muna abodonu, bei ogu dubuna madagidagi, i dagu masavaa e maanadu ai goe i agu dalodalo i de boo ma de laangi.