1 Timothy 5:3 - De Beebaa Dabu

³ Hagadubu ina denga haahine gu maakau olaadeu bodu gai gu duasala abodonu laa.

1 Timothy 5:3 Referans Kwoze

Deuteronomy 27:19

“E malaia tangada e dee hai hegau i de heohi ange gi tangada henua gee, ma de gauligi gu deai sono damana, aama de hine gu magau dono bodu.” Gai dangada alodahi gi hai ange, “Amen!”

Acts 6:1

Gai de masavaa huu ne kii ange ai de soa dangada gu hagadonusia, gai denga daina e pasa Greek laa ne nnanu i denga daina e pasa Hebrew laa, i hiidinga gilaadeu e dee tilo danuaa ange alaadeu haahine gu maakau olaadeu bodu i de masavaa e duha ai gai i laangi alodahi.

Deuteronomy 14:29

Gai de aamuli o Levi, (go gilaadeu teai se mommee ne vvae ange e henua ai gilaadeu madali goodou,) ma de gau henua gee, ma denga gauligi gu deai olaadeu damana, ma haahine gu maakau olaadeu bodu, e nnoho i oodou aduhale, gilaadeu gi loomai gi gaimee gi boobosu madali goodou. Gai Tagi Maolunga doodou Maadua ga hagamanuuia ai oodou hegau alodahi e hai.

Deuteronomy 10:18

Gai ia e hai hegau i de hagamodu heohi ange gi denga gauligi e deai olaadeu damana, ma haahine gu maakau olaadeu bodu, ma de aloha ange gi de gau henua gee e nnoho i oodou magavaa, aama de gaavange alaadeu gai ma olaadeu malo.

1 Peter 2:17

Goodou hagadubu ina dangada alodahi: aaloha ange gi denga daina ange laa, madagu i de Maadua, gai hagadubu ina de hodooligi maolunga.

Deuteronomy 16:14

Gai goodou ma oodou dama daane ma damaa hine, ma oodou daane ma haahine hai hegau, ma de aamuli o Levi, ma de gau henua gee, ma denga gauligi gu deai olaadeu damana, aama haahine gu maakau olaadeu bodu i oodou aduhale, ga hai taonga ga malangilangi ai.

Deuteronomy 16:11

Gai goodou ga hai ai taonga ma de malangilangi i mada luu mada o Tagi Maolunga doodou Maadua; go goodou alodahi ma oodou dama daane, ma oodou damaa hine, ma oodou daane ma haahine hai hegau, madali de aamuli o Levi i doodou aduhale, ma de gau henua gee, ma denga gauligi e deai olaadeu damana, aama haahine gu maakau olaadeu bodu, i de mommee a Tagi Maolunga doodou Maadua ne hili e dugu ai dono ingoo.

Exodus 20:12

Hagadubu ina doo damana ma doo dinana, gi daulooloa ai doo mouli i honga de henua, a Tagi Maolunga doo Maadua e gaavadu gi de goe.

1 Peter 3:7

Gai e bei hogi, goodou denga daane dau bodu, goodou gi tonu ange gi doodou hai e nnoho ai madali oodou bodu, ma de hagadubu de hine e baageaa ange laa i taane, go hiidinga gilaadeu ni dangada hogi e bolo ange aagena de mouli e dee ngado mai, gi deai ai se mee e buibuia oodou dalodalo.

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

1 Thessalonians 2:6

Gimaadeu e dee ssala hogi de tuhi mai i daho dangada, e dee go de tuhi mai i oodou daha, aabe go mai i daho hanu dangada gee. Gai gimaadeu ne maua i de kave de bale mai i oodou daha i hiidinga gimaadeu ni dangada tala niio Klisdo.

Acts 9:39

Gai Peter ga hidi age ga hano madali luu daane laa. Gai ga dae huu ia gi kilaa, gai gilaadeu ga kave ia gi de aabi i lunga. Gai denga haahine gu maakau olaadeu bodu ne tuu ma e tangi i ono gaogao, ma de hagaago ange gi de ia denga malo lloa ma malo ange laa, a Dorcas ne hai i de masavaa oona goi mouli ai.

Luke 7:12

Gai ga dae huu Iesu gi de haitoga o de aduhale laa, gai ia gu gidee dangada soa e saabai dahi daane magau e kave e danu, gai se dama dagidahi nii dahi hahine gu magau dono bodu. Gai e soa hogi dangada mai i de aduhale ne loomai madali de hine laa.

Luke 2:37

gai ia tee ahe ange e hai bodu, de masavaa laa gai gu madavalu ma haa ono ngadau. Gai ia e dee hano gee donu i de temple, gai ia e daumaha ma de hagahiigai, aama de dalodalo i de boo ma de laangi i kilaa.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Matthew 15:6

gai e danuaa donu dana dee hagadubu dono damana ma dono dinana.’ Deenei ai, goodou gu hai gi dee hai hegau de hainga a de Maadua i oodou dahulinga donu.

Jeremiah 49:11

Dugua au dama e deai olaadeu damana, gai au ga tilo ange gilaadeu; gai au haahine gu maakau olaadeu bodu e maua i de hagadonu au.”

Psalm 146:9

Tagi Maolunga e dagitilo de gau henua gee; ia e bale ange de hine gu magau dono bodu ma de gauligi gu deai sono damana, aagai e hai gi dee ssula hagatau a de gau baubau.

Psalm 94:6

Gilaadeu gu daa denga haahine gu maakau olaadeu bodu ma de gau henua gee, aama denga gauligi gu deai olaadeu damana.

Psalm 68:5

De Maadua e noho laa i honga dono mommee dabu, go tamana o denga gauligi gu deai olaadeu damana, gai ia e buibui denga haahine gu maakau olaadeu bodu.

De Beebaa go Job 31:16

Noo au e dee abodonu ange gi de gau hagaau aloha i olaadeu mee e duasala ai, be e dee bale ange de hine gu magau dono bodu i dono hai ngadaa;

De Beebaa go Job 29:13

Gilaadeu gu hai ngadaa laa e hagamanuuia ngau, gai au ne hai ga malangilangi lodo o de hine gu magau dono bodu.

1 Timothy 5:2

gai haia denga haahine maatua gi bei oo dinana donu, gai denga damaa hine gi bei oo daina haahine donu, i de gilimalali alodahi.

John 1:47

Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”

Acts 9:41

Gai Peter ga poo dono lima ga hagahidi age ia gi duu gi lunga. Gai ia ga hagahi dangada o de Maadua, ma denga haahine gu maakau olaadeu bodu, ga gaavange de hine laa gi gilaadeu, ia gu mouli.