1 Timothy 5:14 - De Beebaa Dabu

¹⁴ Deenei ai, au e maanadu bolo denga haahine gu maakau olaadeu bodu goi dama daane laa gi aahe ange gi hai bodu, ga haanau hanu dama, ma de tilo ange olaadeu huaabodu, gi dee maua ai e de hagadaumee i de hagabaubau gidaadeu.

1 Timothy 5:14 Referans Kwoze

Titus 2:5

Gilaadeu gi golomagi ina olaadeu lodo, gai gi gilimalali, gilaadeu gi kana ange gi haia hegau i olaadeu hale, gilaadeu gi abodonu ange, aama de hagadubu olaadeu bodu, gi dee hagabaubau ina ai muna a de Maadua.

1 Timothy 6:1

Gai de gau hai hegau dee ilaage alodahi gi hagadubu ina olaadeu dangada aamua, gi dee hagabaubau ina ai de ingoo o de Maadua aama amaadeu agoago.

Titus 2:8

gai au mee e agoago ai gi dee maua e dangada i de hagabaubau, gai gi dogaa ai tangada e hai baasi adu gi de goe, gu deai ana mee e maua i de hagabaubau ai gidaadeu.

1 Timothy 4:3

Gilaadeu e hai naa dangada gi dee hai bodu, ma de hai gilaadeu gi dee gaina gai a de Maadua gu hai e gai dangada, gai ni mee niilaadeu e hagadonusia ma de iloo de muna abodonu e hagaahe ange ai de abodonu.

Daniel 6:4

Gai denga daane hagaseesee ange laa, ma dagi o denga vaaenga ne ssala delaadeu hai e hagabaubau ai Daniel i de hainga. Gai gilaadeu tee gidee dahi mee dee heohi daudahi e hagabaubau ai ia, go hiidinga ia e hai hegau i de mee abodonu, teai hogi se mee hakino gee be se dee kana ange i ono daha.

Proverbs 14:1

De hine heiangi e hagaduu age dono hale, aagai de hine lodo senga e oha iho dono hale.

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

1 Timothy 5:11

Aagai koe gi dee daohia ingoo o denga haahine gu maakau laa olaadeu bodu gai goi dama daane huu. Go hiidinga de masavaa naa huu o lodo o de angaanga e hagadaahuli gee ai gilaadeu i Klisdo, gai gilaadeu gu llodo e hai bodu.

1 Timothy 2:8

Au e lodo denga daane i mommee alodahi gi haalo ina olaadeu lima dabu gi dalodalo ai, gilaadeu gi dee lili aabe gi hagadaumee.

2 Corinthians 11:12

Gai au e duudagi naa donu huu de hai agu mee e hai nei, e hai ai gi dee maua e gilaadeu e llodo naa e tala bolo alaadeu hegau e bei donu amaadeu hegau e hai nei.

Romans 14:13

Deenei ai, gidaadeu ga tuu taadeu hagadau hagabaubau; aagai gi baba i odaadeu lodo bolo gidaadeu e dee hai dahi mee e hagabaageaa ai lodo o dahi, aabe gi ahe dua ai dahi oodou daina.

2 Samuel 12:14

Aagai go hiidinga koe gu hai hagadaumee o Tagi Maolunga gi hagangadi mee ina ia, i dau hai de hegau nei, tama gu dai haanau adu naa gi de goe e magau naa donu.”

Genesis 18:9

Gai gilaadeu ga ssili ange gi Abraham, “I hee iai doo bodu go Sarah?” Gai ia ga hai ange, “Ia i lo te hale malo.”

Genesis 18:6

Gai Abraham ne hagamoolau ga hano gi daho Sarah i de hale malo, ga hai ange, “Hagamoolau hagabau ina e dolu hagabaaunga pelaoaa lligi dao ina ai hanu pelaoaa.”

Jeremiah 29:6

Gai goodou hai bodu ga hagadili oodou dama, gai hagahai bodu ina oodou dama daane ma oodou damaa hine, gai gilaadeu gi hagadili ina alaadeu dama gi soa, e dee hai gi sogoisi mai goodou.