1 Timothy 5:10 - De Beebaa Dabu

¹⁰ gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

1 Timothy 5:10 Referans Kwoze

1 Timothy 6:18

Gilaadeu gi haia tanuaa, ma de hagaduu ngae i denga hegau danuaa, gai gilaadeu gi paba ange ma de malangilangi i de abodonu ange gi dangada.

Titus 3:8

Muna nei ni muna abodonu. Gai au e lodo koe gi hagamanadua ina ange gi dangada mee nei, gi kana ange ai dangada gu hagadonusia laa de Maadua gi haia denga hegau danuaa. Mee nei ni mee e danuaa ma de haigamaiana ange gi dangada alodahi.

Acts 9:36

Gai e dahi hahine gu hagadonusia e noho i Joppa, dono ingoo go Tabitha, e bei Dorcas i muna Greek. De hine laa ne lagolago ana hegau danuaa ne hai ma de abodonu ange gi de gau hagaau aloha.

Titus 3:1

Gai hagamanadua ange gi dangada gilaadeu gi hagadubu ina denga dagi ma gilaadeu iai ssauaa e dagi ai, gilaadeu gi daudali i alaadeu muna, ma de hai gi paba ange gilaadeu gi denga hegau danuaa alodahi;

Titus 2:7

Gai koe haia doo mouli gi se hagaago danuaa i au hegau alodahi e hai. Gai koe gi agoago i de lodo se muna abodonu gai e dee hai gi ni mee e hakadanga ai,

2 Timothy 3:17

e hagadabena ange ai tangada o de Maadua gi denga hegau danuaa alodahi.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

Luke 7:44

Gai Iesu ne huli ange gi de hine laa, gai ia ga hai ange gi Simon, “Galo ange diiloo de hine nei. Au ne humai gi doo hale, gai koe tee gaamai hanu vai e hhui ai luoogu vae, aagai de hine nei gu hhui luoogu vae i ono loimada ma de hagammasa i ono ngaangaaulu.

Matthew 5:16

Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.

1 Peter 2:12

Gai goodou gi dahulinga danuaa i magavaa o denga Gentile, e dee galemu donu delaadeu tala bolo goodou e hai de baubau, gai ga gidee naa huu e gilaadeu oodou hegau danuaa, gai gilaadeu ga tuhi de Maadua i dono laangi e humai ai.

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

Hebrews 13:2

Goodou gi dee ngalo de abodonu ange gi de gau henua gee, go hiidinga deenei de hai a hanu ne abodonu ange ai gi hanu dangada de langi, gai gilaadeu tee iloo donu.

Hebrews 10:24

Gai gidaadeu ga maanadu taadeu hai e hagadau hagammahi ange ai gidaadeu gi de aloha ma denga hegau danuaa,

Titus 3:14

Gai balea ange odaau dangada gi agoagona de hai denga hegau danuaa, gi maua ai e gilaadeu i de bale ange dangada gu duasala abodonu, gilaadeu gi dee ngadi nnoho.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Luke 7:38

gai ia ne humai ga duu i ono dua i gaogao luoono vae ga dangi ai, gai ia ga daamada de hhui luoono vae i ono loimada, ga hagammasa i ono ngaangaaulu, aama de osooso luoono vae ga hagamanongi i de vai laa.

Genesis 18:4

Au e dangidangi adu, goodou gi daalia ange gi gaamai hanu momo vai e hhui ai oodou vae, ma de damaa hagammabu iho i lalo de manu somo nei;

3 John 1:12

Demetrius se daane e tala hagadanuaa i daho dangada alodahi, gai de mee abodonu e tala hagadanuaa hogi ono dagodo. Gimaadeu e tala hagadonu hogi ono dagodo, gai goodou e iloo bolo gimaadeu e tala de muna abodonu.

1 Peter 4:9

Goodou hagadau abodonu ange gi dangada i oodou hale, gai gi dee nnanu.

2 Timothy 3:15

Gai koe e iloo bolo mai i doo gauligi, gai koe gu iloo muna o de Beebaa Dabu, e maua laa i de gaavadu gi de goe de heiangi e dagina ange laa goe gi de hagamouli i doo gai ange gi Klisdo Iesu.

2 Timothy 2:21

Deenei ai, noo tangada e hagagilimalali ia mai i mee e dee hagadubu, gai ia e hai ga se goloa e hai ai hegau hagamogomogo, gai gu vvae gee e hai gi dabu, ma de haigamaiana ange gi tangada aamua o de hale gai gu baba ange e hai denga hegau danuaa alodahi.

2 Timothy 1:5

Au e manadua hogi doo gai se muna abodonu laa, ne daamada mai laa i daho doo dubuna hahine go Lois aama doo dinana go Eunice. Gai au e hagadonu bolo e dagodo hogi i oo daha iainei.

1 Timothy 5:25

Gai e bei ai hogi, hegau danuaa a hanu e iloo danuaa donu; aagai hegau danuaa tigi iloo laa e dee maua donu i de hagammuni.

1 Timothy 2:10

aagai gilaadeu gi dahulinga danuaa, go mee e heohi i hai a denga hine e hagataba laa, bolo gilaadeu ni dangada e daumaha ange gi de Maadua.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

Acts 22:12

Gai e dahi daane go Ananias dono ingoo, ia se daane e daudali i de hainga, ma de duuhia i daho de gau Ssuu alodahi e nnoho i kilaa,

Acts 10:22

Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.”

Acts 9:39

Gai Peter ga hidi age ga hano madali luu daane laa. Gai ga dae huu ia gi kilaa, gai gilaadeu ga kave ia gi de aabi i lunga. Gai denga haahine gu maakau olaadeu bodu ne tuu ma e tangi i ono gaogao, ma de hagaago ange gi de ia denga malo lloa ma malo ange laa, a Dorcas ne hai i de masavaa oona goi mouli ai.

Acts 6:3

Deenei ai, denga daina, goodou hilihilia e dogohidu daane i oodou magavaa e hai hegau i de muna abodonu, gai e hoohonu i de Hagasaalunga ⌊Dabu⌋ ma de heiangi, gai gidaadeu ga dugu ange gilaadeu gi haia de hegau nei.

Isaiah 1:17

gai agoagona de hai tanuaa! Hagaduu ngae saalaa de hagamodu heohi, balea ange gilaadeu e duasala. Balea ange denga gauligi gu deai olaadeu damana, buibuia denga haahine gu maakau olaadeu bodu.

Psalm 119:4

Koe gu lava i de hagaduu au muna gu hagasauaa gai dangada gi kana ange gi daohia.

Leviticus 25:35

“ ‘Noo dahi dangada i oo daha gu hagaau aloha, ia gu dee maua i de hagadanuaa ia, gai koe balea ange ia bei dau hai e bale ange ai laa tangada henua gee, aabe se dangada e noho gaainga i oo daha, gi maua ai e ia i de noho i oo daha.

Genesis 24:32

Gai taane laa ne hano gi de hale, gai a Laban ga dugu iho goloa a denga gamelo e hagauda laa, gai ia ga gaavange helii ma gai a denga gamelo, aama vai e hhui ai luu vae o tangada laa aama denga daane madali ia.

Genesis 19:2

ga hai ange, “Luoogu dangada aamua, au e dangidangi adu, gooluu taa mai gi de hale o dooluu dangada hai hegau, ga nnoho ai aaboo nei. Gai gooluu ga hhui ai ooluu vae ga sseni ai aaboo nei; gai gooluu ga oho age ai ga hulo i boo taiao.” Gai gilaau ga hai ange, “E deai, gimaau e sseni donu huu i duaahaho aaboo nei.”

1 Timothy 5:16

Gai noo dahi hine gu hagadonusia laa, e hanu haahine gu maakau olaadeu bodu i dono huaabodu, gai ia gi diiloo ange gilaadeu; gai gi dee dugua ange go de nohoanga dabu e diiloo ange gilaadeu, gi maua ai de nohoanga dabu i de bale ange denga haahine gu maakau olaadeu bodu gu duasala abodonu laa.

1 Timothy 3:7

Ia gi se dangada hogi e hagadubulia i daho de gau tua de mee, gi dee hagadogaa ina ai ia, gai ia gu doo ange gi lo te sele a de ia hagabaubau laa.

Genesis 43:24

Taane laa ne kave denga daane laa gi de hale o Joseph, ga gaavange hanu vai e hhui ai olaadeu vae, ma de haangai ange alaadeu donkey.

1 Timothy 3:2

Tangada e dagi i de nohoanga dabu, gi deai ono mee e hagabaubau ina ai; gai gi dahi donu huu ono bodu, ia gi dee unu gi senga, ia gi maua i de golomagi ono lodo, gai gi se dangada e hagadubu i daho dangada, ma de abodonu ange gi dangada i dono hale, gai ia gi maua i de agoago;

Matthew 25:17

E bei ai hogi tangada ne gaavee laa e lua talent, ia ne maua ange e lua talent.