1 Timothy 4:3 - De Beebaa Dabu

³ Gilaadeu e hai naa dangada gi dee hai bodu, ma de hai gilaadeu gi dee gaina gai a de Maadua gu hai e gai dangada, gai ni mee niilaadeu e hagadonusia ma de iloo de muna abodonu e hagaahe ange ai de abodonu.

1 Timothy 4:3 Referans Kwoze

1 Timothy 4:4

Mee alodahi a de Maadua ne hai e danuaa, gai e deai donu se mee daudahi tili gee, noo gidaadeu e kave ma de hagaahe ange ai de abodonu,

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

Romans 14:6

Tangada e hagadubu ina dahi laangi e hai e hagadubu ai Tagi Maolunga. Tangada e gaina laa gai alodahi e hagadubu Tagi Maolunga i dana gai mee laa, i hiidinga ia e hagaahe ange de abodonu gi de Maadua; aagai tangada e dee gaina mee laa e hagadubu hogi Tagi Maolunga ma de hagaahe ange ai de abodonu gi de Maadua.

Colossians 2:16

Deenei ai, goodou aude dugua ange dahi dangada gi hagamodu ina adu oodou mee e gai be go oodou mee e unu, be go dahi laangi daonga, be go dahi daonga o de duu de maasina i dai, aabe go dahi laangi o Sabbath.

1 Corinthians 8:8

Denga gai e dee maua i de hai gidaadeu gi paa ange gi de Maadua. Gidaadeu e dee kii ange de baubau noo gidaadeu e dee gai mee nei, aabe e kii ange tanuaa i taadeu gai.

Genesis 9:3

Gai au e gaavadu hogi gi goodou denga hagadaagangaa manu alodahi e mouli e gaimee ai goodou, bei dagu hai gu gaavadu ai laa hogi gi goodou denga manu ssomo alodahi.

Colossians 3:17

Gai mee alodahi oodou e hai, i oodou muna be go oodou hegau, gai goodou haia mee nei alodahi i de ingoo o Tagi Maolunga go Iesu, ma de hagaahe ange de abodonu gi de Maadua Tamana i dono ingoo.

1 Corinthians 7:28

Aagai noo koe e hai bodu, gai koe e dee haisala, gai noo dahi bua moe e hai bodu, gai ia e dee haisala hogi. Aagai dangada e hai bodu laa e tuu ange donu gi denga hai ngadaa o de mouli nei, gai au e lodo e buibui goodou i mee nei.

Romans 14:3

Tangada e gaina mee alodahi gi dee hagangadi mee ina tangada e dee maua i de gai mee alodahi. Gai tangada e dee gaina mee alodahi gi dee hagabaubau ina tangada e gaina; go hiidinga de Maadua gu abodonu ange gi de ia.

Hebrews 13:9

Goodou gi dee hagasengalia i denga hagadaagangaa agoago ma agoago gee. Gai e danuaa doodou hagammahi oodou lodo i de abodonu o de Maadua, e dee go hainga ma dahulinga o denga gai. Mee nei e deai donu haigamaiana ange gi gilaadeu e daudali ai.

1 Timothy 2:4

Gai ia e lodo mmao dangada alodahi gi hagamouli, aama de iloo de muna abodonu.

1 Corinthians 6:13

“Denga gai se hai e hhao gi lo te dinae, gai tinae ne hai e hhao ai denga gai,” aagai de Maadua e oha naa donu luu mee nei ngaadahi. De angaanga e dee se mee ange gi denga dahulinga dagodo haisala, aagai se mee ange gi Tagi Maolunga, gai Tagi Maolunga ange gi de angaanga.

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Matthew 15:36

Gai ia ga poo mai denga pelaoaa e hidu aama mamu laa, ga dalodalo, ga dohidohi ga gaavange gi ana dangada agoago, gai ana dangada agoago ga duha ange gi de hagabuulingaa dangada laa.

Ecclesiastes 5:18

Tilo, au gu gidee bolo de mee danuaa ma de heohi go de gaimee ma de unu o tangada, ma de malangilangi i ana hegau alodahi e hai i lalo de laa, i denga laangi sogoisi a de Maadua gu dugu ange e mouli ai ia; deenei dono duuhanga.

Matthew 14:19

Aagai ia ga hai dangada gi nnoho i honga denga helii, gai ia ga poo mai pelaoaa e lima ma mamu e lua laa, gai ia ga galo age gi de langi ga dalodalo, ga dohidohi, ga gaavange gi ana dangada agoago, gai gilaadeu ga duha ange gi dangada.

Acts 27:35

Gai de masavaa aana e tala ange ai muna nei gi gilaadeu, gai ia ga poo mai hanu pelaoaa ga dalodalo ga hagaahe ange de abodonu gi de Maadua i madamada o denga daane laa alodahi, gai ia ga tohi hanu ga daamada de gai.

John 6:23

Gai hanu boose mai i Tiberias ne loomai laa gaogao de mommee a dangada ne gai ai pelaoaa i dua de hagaahe ange a Tagi Maolunga de abodonu.

Luke 24:30

De masavaa oona ne nnoho ange ai e gaimee madali gilaau, gai Iesu ga poo mai dahi pelaoaa, ga hagaahe ange de abodonu, gai ia ga dohidohi ga gaavange gi gilaau.

Daniel 11:37

Ia e dee hagadubu naa donu diinonga a ono maadua, be go tiinonga o denga haahine e llodo ai laa, aabe e hagadubu dahi diinonga gee; go hiidinga ia e tala naa bolo ia e maolunga ange i gilaadeu alodahi.

1 Samuel 9:13

Gai ga tae naa donu huu gooluu gi de aduhale, gai gooluu gu gidee ia, i mua dono hanage gi de mommee daumaha laa e gaimee ai; go hiidinga dangada e dee gaimee naa donu ga dae ai gi dono dae adu, i hiidinga go ia e hagadabu ina ssigidaumaha, gai dua naa huu dana hagadabu mee laa, gai dangada ne saalaa laa i taonga ga gaimee. Noo gooluu e loage iainei, gai gooluu e hedae ange naa donu gi de ia.”

Matthew 15:11

E dee go mee e hhao gi lo te ngudu o tangada e haia ga dee gilimalali ia, aagai go mee e ssao mai i lo tono ngudu, e haia ga dee gilimalali ia.”

1 Timothy 5:14

Deenei ai, au e maanadu bolo denga haahine gu maakau olaadeu bodu goi dama daane laa gi aahe ange gi hai bodu, ga haanau hanu dama, ma de tilo ange olaadeu huaabodu, gi dee maua ai e de hagadaumee i de hagabaubau gidaadeu.