1 Timothy 4:12 - De Beebaa Dabu

¹² Gai koe gi dee dugua ange dahi dangada gi hagangadi mee ina goe i hiidinga koe goi gauligi huu, gai koe gi se hagaago danuaa ange gi gilaadeu e hagadonusia, i au muna, ma au ngalungalue, ma doo aloha, ma doo gai, aama doo gilimalali.

1 Timothy 4:12 Referans Kwoze

Titus 2:7

Gai koe haia doo mouli gi se hagaago danuaa i au hegau alodahi e hai. Gai koe gi agoago i de lodo se muna abodonu gai e dee hai gi ni mee e hakadanga ai,

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

2 Timothy 2:15

Gai koe hagaduu ngae haia gi se dangada goe e hagamalangilangi ina de Maadua, se dangada hai hegau e dee dogaa, gai e maua i de agoago muna a de Maadua gi heohi.

1 Peter 5:3

Goodou gi dee ni dagi bei gilaadeu e dagudagu ina ange dangada i olaadeu lalo, gai goodou gi ni mee hagaago danuaa ange gi denga ssiibi.

1 Corinthians 11:1

Ago mai i de au, bei dogu ago ange i Klisdo.

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.

Titus 2:15

Agoagona mee nei; e hagammahi ai olaadeu lodo, ma de hagakana ange gilaadeu i ssauaa gu gaavadu naa gi de goe. Gai koe gi dee dugua ange dahi dangada gi hagangadi mee ina goe.

Matthew 18:10

“Goodou dagidiiloo gi dee hagangadi mee ina e goodou dahi dangada maolalo bee nei. Go hiidinga au e hai adu gi goodou, bolo olaadeu dangada de langi e gidee luu mada o dogu Damana i de langi i masavaa alodahi.

2 Timothy 2:7

Noho hagasaele age agu muna e tala adu nei gi de goe, gai Tagi Maolunga ga hai ai gi donu ange goe gi mee nei alodahi.

James 3:13

Goai i oodou magavaa e heiangi ma de donu? Gai ia gi hagaagona mai i dono hai hegau i de daudonu ma de heiangi.

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

Philippians 4:8

Denga daina, aanei agu muna hagaodi: mee naa huu ni mee abodonu, ma mee e heohi de hagadubu, ma mee e heohi, ma mee gilimalali, ma mee e tilo danuaa, ma mee hagallongo danuaa, ma mee danuaa, ma mee e heohi i de tuhi, goodou hagasaelea mee nei.

1 Thessalonians 2:10

Gai goodou go omaadeu dangada tala hagadonu, gai e bei ai hogi de Maadua, bolo gimaadeu ne hai hegau i de dabu ma de heohi, aama de gilimalali adu gi goodou e hagadonusia.

1 Timothy 1:14

Gai tegi laumalie o taadeu Dagi Maolunga ne gaamai gi de au i de gai ma de aloha i daho Klisdo Iesu.

Zechariah 2:4

ga hai ange, “Savini hannoo hai ange gi tama daane laa, ‘Jerusalem e ahe ange naa ga noholia bei dagodo o denga aduhale e dee buibui, go hiidinga gu soa mmao dangada ma manu haangai e nnoho ai.