1 Timothy 3:1 - De Beebaa Dabu

¹ Muna nei ni muna abodonu: noo dahi dangada e lodo ia gi se dagi i de nohoanga dabu, gai ia e lodo i dahi hegau danuaa.

1 Timothy 3:1 Referans Kwoze

Titus 1:7

Go hiidinga tagi o de nohoanga dabu o de Maadua, e hai donu gi deai ono mee e hagabaubau ina ai — ia gi dee hagamaolunga, be gi moolau de lillili, be gi se dangada e lodo e unu gi senga, be se dangada alasala, aabe go de nnoo hagamau mee,

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

1 Peter 5:2

goodou diiloo ange de hagabuulingaa ssiibi a de Maadua i oodou daha naa, ma de hai hegau gi bei dagodo o denga dagi abodonu, e dee go hiidinga donu huu se hegau gu gaavadu goodou gi haia, aagai go hiidinga doodou malangilangi i de hai lodo o de Maadua; e dee go hiidinga goodou e kave dahi hagaoanga, aagai go hiidinga goodou e llodo abodonu.

1 Timothy 1:15

Muna nei ni muna abodonu gai e heohi taadeu daohi, bolo Klisdo Iesu ne humai gi henua i lalo e hagamouli ai de gau haisala, gai go au hugadoo e haisala i dangada alodahi.

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

2 Timothy 2:11

Muna nei ni muna abodonu: Noo gidaadeu e maakau madali ia, gai gidaadeu e mouli age hogi madali ia.

1 Timothy 4:9

Muna nei ni muna abodonu gai e heohi taadeu daohi.

Philippians 1:1

Mai i daho Paul ma Timothy, luu dangada hai hegau o Klisdo Iesu. Ange gi dangada alodahi o de Maadua i lodo o Klisdo Iesu i Philippi, madali denga dagi ma de gau bale.

Luke 15:10

Au e hai adu gi goodou, de gau de langi a de Maadua e malangilangi donu hogi i de dahuli lodo o dahi dangada haisala.”

Titus 3:8

Muna nei ni muna abodonu. Gai au e lodo koe gi hagamanadua ina ange gi dangada mee nei, gi kana ange ai dangada gu hagadonusia laa de Maadua gi haia denga hegau danuaa. Mee nei ni mee e danuaa ma de haigamaiana ange gi dangada alodahi.

Ephesians 4:12

e hagadabena ange ai ono dangada gi denga duuhanga hegau, e hagaduu age ai de angaanga o Klisdo,

Acts 1:20

“Gai gu sisi i de beebaa o denga Psalm, e hai ange, ‘Dono mommee noho gi ngadi dagodo, gai gi deai dangada e nnoho ai;’ gai ‘Dono duulanga gi gaavange gi dahi dangada gee.’

1 Peter 4:15

Aagai gi deai se goodou e hagaduasala i hiidinga ia se dangada e daia dangada gi maakau, be se dangada gaiaa, be se dangada e haia mee dee heohi, aabe se dangada badai.

1 Thessalonians 5:14

Denga daina, gimaadeu e dangidangi adu goodou gi agoagona ange gilaadeu e vaiduu, ma de hagaaneane ange gilaadeu e daemaha olaadeu lodo, aama de bale ange gilaadeu e baageaa, gai golomagi ina oodou lodo i dangada alodahi.

Romans 11:13

Iainei gai au e basa adu gi goodou denga Gentile. I hiidinga au se dangada tala niio denga Gentile, gai au e tuhi donu dagu duuhanga hegau,

Proverbs 11:30

Hua o de heohi go de manu somo o de mouli; gai tangada heiangi e maua e ia lodo o dangada.