1 Timothy 2:4 - De Beebaa Dabu

⁴ Gai ia e lodo mmao dangada alodahi gi hagamouli, aama de iloo de muna abodonu.

1 Timothy 2:4 Referans Kwoze

Ezekiel 18:32

Au e dee malangilangi i de magau o dahi dangada daudahi, go de Ia Aamua go Iahweh e hagadaba; deenei ai, goodou daahuli oodou lodo gi mouli ai goodou.

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.

Ezekiel 18:23

Goodou e maanadu bolo au e malangilangi i de magau o tangada baubau? go de Ia Aamua go Iahweh e hagadaba. E dee go de dahuli gee i ana hegau gi mouli ai ia?

Titus 2:11

Go hiidinga de abodonu o de Maadua ne hagaago mai, gi hagamouli ai dangada alodahi,

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

1 Timothy 4:10

Gai deenei taadeu mee e hai hegau ange ma de hagammahi ange aagena, go hiidinga taadeu tali hagalodolodo go daho de Maadua e mouli laa iai, go de Ia Hagamouli o dangada alodahi, gai ange donu gi gilaadeu e hagadonusia.

Isaiah 45:22

Henua i lalo alodahi, daahuli mai gi de au, gi ola ai goodou; i hiidinga go au donu huu de Maadua, e deai ange donu.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Revelation 14:6

Gai au ne gidee ange hogi dahi dangada de langi e lele i lo te moana i lunga, ia e kave de longo danuaa dee ngado mai laa, e tala ange gi dangada e nnoho i henua i lalo, go denga huaahenua ma denga aamuli, ma dangada e pasa i denga hagadaagangaa muna, aama denga huaadangada alodahi.

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Titus 1:1

Mai i daho Paul, tangada hai hegau o de Maadua, gai se dangada tala niio Iesu Klisdo, e hai ai gi hagadagadaga age kai o dangada a de Maadua gu lava laa i de hili, ma delaadeu iloo de mee abodonu, e haia laa gi maua e gilaadeu i de hai lodo o de Maadua,

Isaiah 55:1

Loomai, goodou alodahi e hieunu, loomai gi de vai; gai goodou e deai oodou sseene, loomai, hagao ina ma gi gaina! Loomai hagao ina uvaini ma vai uu e dee hagao i sseene, gai e deai sono hagaoanga.

2 Timothy 3:7

denga haahine bee nei e agoago ina i masavaa alodahi, aagai e dee maua gi tonu ange gi de muna abodonu.

Luke 14:23

Gai dono dangada aamua ga hai ange hogi gi de ia, ‘Hannoo gi honga haiava ma dao haiava i tua de aduhale, usuusuhia ange ai dangada gi loomai, gi haoa gi honu dogu hale.

Luke 1:77

ma de hai gi iloo e ono dangada dagodo o de hagaola, i hiidinga dono degi ange gi olaadeu haisala,

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

John 17:17

Vaea gee gilaadeu i de muna abodonu; au muna go de muna abodonu.

John 6:37

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Hebrews 10:26

Gai noo gidaadeu se hagabau donu e haisala, i dua taadeu iloo de muna abodonu, aagai gu deai ange donu se sigidaumaha e maua i de kave gee odaadeu haisala,

Habakkuk 2:14

Go hiidinga henua i lalo e hhao naa ga honu i de iloo mee o de mahamaha o Tagi Maolunga, bei de hagahonu o tai i denga lausedi.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Romans 11:14

gai au ga hai ai gi llodo gaiaa ogu dangada go de gau Ssuu, gi hagamouli ai hanu gilaadeu.

James 3:14

Aagai noo goodou e llodo gaiaa ma de ssala donu huu oodou mee e llodo ai, gai goodou gi dee pasa hagasoenga, aabe gi hagahadu muna ina de mee abodonu.

2 John 1:1

Mai i daho tagi hagadubu. Ange gi de hine hagadubu gu hilia laa ma ana dama, go dangada oogu e aloha ai i de muna abodonu — gai e dee go au donu huu, aagai go gilaadeu alodahi e iloo de mee abodonu —