1 Timothy 1:9 - De Beebaa Dabu

⁹ Gidaadeu e iloo hogi bolo de hainga tee hai ange gi gilaadeu e heohi, aagai ne hai ange gi gilaadeu e oohaa de hainga ma gilaadeu e hai baasi ange aagena, ma de gau baubau, ma gilaadeu e haisala, ma gilaadeu e hakino gee, ma de hagangadi mee de Maadua, ma gilaadeu e daia ga maakau olaadeu maadua, ma gilaadeu e daia dangada ga maakau,

1 Timothy 1:9 Referans Kwoze

Galatians 3:19

Gai aahee hiidinga ne gaamai ai laa de hainga? De hainga ne gaamai i hiidinga o denga haisala, ga dae gi de masavaa e dae mai ai de hagadiilinga ne gaavee laa de hagatoo donu. Gai de hainga ne gaamai i daho de gau de langi ma tangada e hano i magavaa.

1 Peter 4:18

Gai “Noo e hai ngadaa de hagamouli o tangada heohi, gai aahee ai naa dagodo o tangada baubau ma tangada haisala?”

Romans 5:20

De hainga ne gaamai gi kii ange ai de laumalie de haisala. Aagai ga hagadaga ange naa donu de laumalie de haisala, gai de abodonu o de Maadua e kii ange donu de laumalie.

Galatians 5:23

ma de daudonu, ma dugu iho lodo o tangada; gai e deai donu se hainga e hai baasi ange gi mee nei.

Titus 3:3

Go hiidinga i mua gai gidaadeu alodahi ni dangada llodo ssenga, ma tee hagallongo i muna, gai ne daahangadia, ma de noodia i denga hagadaagangaa lodo odaadeu e malangilangi ai. Gidaadeu ne mouli i de kino ma de lodo gaiaa, gai e hai hegau i de lili ma de hagadau kino.

Romans 6:14

Go hiidinga de haisala gu deai sono sauaa e dagi ai goodou, i hiidinga goodou gu dee nnoho i lalo ssauaa o de hainga, aagai gu nnoho i lalo ssauaa o de abodonu o de Maadua.

Romans 1:30

ni dangada hai samu, ma de kino i de Maadua, ma teai se hagadubu i olaadeu daha, ma de llodo maolunga, ma de pasa hagassoenga, ma de hagahale age mee baubau, ma tee hagallongo ange gi denga maadua,

Revelation 22:15

Gai tua de aduhale e nnoho ai denga gaaduu, ma de gau hai huuhuaa mee, ma de gau dagodo haisala, ma de gau daa dangada, ma gilaadeu e daumaha ange gi denga diinonga, aama dangada alodahi e malangilangi i de hai hegau i de hadu muna.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Titus 1:16

Gilaadeu e hagataba bolo gilaadeu ni dangada e iloo de Maadua, aagai alaadeu dahulinga e hagahadu muna ia; gilaadeu ni dangada e haia dahulinga baubau ma tee hagallongo i muna, gai e deai olaadeu haigamaiana ange gi hegau danuaa.

1 Peter 3:20

go gilaadeu tee daudali laa i muna a de Maadua madagidagi, i de masavaa a de Maadua ne golomagi ai ono lodo ga tali ange gilaadeu i laangi o Noah, i de masavaa a Noah ne hagaduu ai de vaga hale. Gai ne sogoisi donu huu dangada i lo te vaga laa, se dogovalu alodahi gilaadeu ne ola mai i lodo vai laa.

Hebrews 11:31

De gai o Rahab, de hine hai be se manu, ne hai ga tee magau ia madali dangada tee hagallongo i muna, i hiidinga ia ne abodonu ange gi denga daane mulidagi.

2 Thessalonians 2:8

De masavaa laa gai de ia e oohaa de hainga e hagasula mai naa donu, gai Tagi Maolunga go Iesu e daa naa ia ga magau i dana manava, ma de hagalilo ia i dono mahamaha i dono masavaa e ahe mai ai.

Romans 4:13

Gai de hagatoo donu ange gi Abraham ma dono aamuli, bolo henua i lalo alodahi e bolo ange naa gi gilaadeu gi henua ai, tee hai i hiidinga o de hainga, aagai ne hai i hiidinga o delaadeu hagaheohi i de gai.

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Ezekiel 21:25

Goodou denga dagi baubau ma de hakino gee o Israel, gu dae mai doodou laangi, go de masavaa e gaavadu ai doodou hagaduasala.

Jeremiah 23:11

“Denga pelaabisi ma de gau haimeedabu gu dee hai hegau i de mee heohi; gai au gu gidee donu hogi alaadeu hegau baubau i lo togu hale, go Tagi Maolunga e hagadaba.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Proverbs 30:11

E hanu dangada e hagamalaia olaadeu damana gai e dee hagamanuuia olaadeu dinana.

Proverbs 28:24

Tangada e gaiaa ina laa mee a dono damana aabe go dono dinana, ga hagadaba, “Au tigi haisala donu” — se soa donu niio tangada e oohaa ina mee.

Proverbs 28:17

Tangada e dee baba laa ono lodo i dana daa tangada ga magau, e silivaahea saele naa ga dae ai gi dono magau; gai e deai naa donu se dangada e balea ange.

Proverbs 20:20

Tangada e basa baubau i dono damana aabe go dono dinana, dono mouli e bei naa de laama e diinei laa i lo te gohu boo dangodango.

2 Chronicles 32:21

Gai Tagi Maolunga ne hai gi humai dahi dangada de langi gi daia gi maakau denga daane hebagi alodahi ma denga dagi, aama dagi o de hebagi i de mommee nnoho gaainga o de hodooligi o Assyria. Gai ia ne ahe ga hano gi dono henua gu dogaa. Gai de masavaa oona ne hano ai gi lo te hale daumaha o dono diinonga, gai ana dama daane ga daa ia gu magau i de gadilaasa.

2 Kings 19:37

Dahi laangi, i de masavaa oona e daumaha ai i de hale daumaha o dono diinonga go Nisrok, gai luaana dama daane go Adrammelek ma Sharezer ga daa ia gu magau i de gadilaasa; gai gilaau ga saavini ga hulo gi de henua go Ararat. Gai dana dama daane go Esarhaddon ga sui ia ga hodooligi ai.

2 Samuel 16:11

Gai David ga hai ange gi Abishai ma denga dagi alodahi, “Tilo, dagu dama donu gu ssala dana hai e daa ai au gi magau. Gai taane de aamuli o Benjamin nei e kii ange naa donu dono lodo e daa au gi magau. Dugua donu huu ia gi daalaa ana muna hagamalaia, i hiidinga go Tagi Maolunga ne hagaagona ia.

Deuteronomy 27:16

“E malaia tangada e dee hagadubu ina dono damana ma dono dinana.” Gai dangada alodahi gi hai ange, “Amen!”

Leviticus 20:9

Be goai e hagangadi mee ina dono damana be go dono dinana e daa donu gi magau, i hiidinga ia gu hagangadi mee dono damana be go dono dinana; ia e hagaduasala donu.

Exodus 21:14

Aagai noo tangada se hagabau donu e daa gi magau tangada e baa ange gi de ia, ⌊gai ga savini naa donu ia ga hano gi de mommee o ssigidaumaha,⌋ gai aaua mai ia i de mommee o ssigidaumaha daia gi magau.

Exodus 20:13

Aude daia tangada gi magau.

1 Peter 2:7

Deenei ai, de hadu nei e hagamogomogo adu gi goodou e hagadonusia, aagai ange gi gilaadeu e dee hagadonusia, “De hadu a de gau hagatuu hale ne hagangadi mee laa gu hai go de hadu i tege,”

Hebrews 12:16

Diiloo gi deai se goodou e hai be se manu aabe e hagangadi mee ina denga mee dabu, bei dagodo o Esau; ia ne hagao dahi gumedi gai, i de boolonga o tama madua.

Galatians 5:21

ma de lodo gaiaa, ma de llodo e unu gi ssenga, ma de hai daonga e unu ai ga ssenga dangada ga hagalongaa ai, aama de hai dahulinga alodahi bei mee nei. Au e tala adu gi goodou, bei dagu hai gu tala adu ai i mua, bolo dangada e haia mee nei e dee ulu donu i de nohoanga hodooligi o de Maadua.

Galatians 5:18

Aagai noo go de Hagasaalunga ⌊Dabu⌋ e dagina goodou, aagai goodou e dee nnoho i lalo ssauaa o de hainga.

1 Timothy 4:7

Gai koe gi dee anga ange gi denga ngadi daalanga e dee bei lodo o de Maadua, ma ngadi daalanga a denga haahine madumaatua. Aagai koe agoago i de hai lodo o de Maadua;

1 Timothy 6:20

Timothy, koe gi daohia mee alodahi gu lava i de gaavadu gi de goe. Huli gee i denga ngadi muna o dangada e hagadaumee ai ma de tala bolo go de iloo mee abodonu;

2 Timothy 2:16

Aagai koe huli gee i denga ngadi muna, go hiidinga dangada e haia mee nei e hagadagadaga ange naa donu de baubau.

2 Timothy 3:2

Dangada e aaloha naa donu huu i gilaadeu, ma de nnoo ange gi sseene, ma de pasa hagamaolunga, ma de llodo maolunga, ma de hai samu o dangada, ma tee hagallongo ange gi olaadeu maadua, ma tee llodo e hagaahe ange de abodonu, ma tee dabu,

Titus 1:6

Taane se dagi gi deai ono mee e hagabaubau ina ai, gai gi dahi donu huu ono bodu, ana dama gi ni dangada e hagadonusia, gilaadeu gi dee hagabaubau ina i delaadeu dahulinga baubau, aabe go delaadeu dee hagallongo i muna.

Titus 1:10

Gai e soa dangada e hai baasi ange gi mee nei, gilaadeu ni dangada e daalaa denga ngadi muna ma de daahanga dangada, gai e kii ai hugadoo de gau Ssuu gu tuu dagaholiage laa.

Jude 1:15

e hagamodu muna o dangada alodahi, ma de hagabuu ange sala gi de gau baubau alodahi i hiidinga alaadeu hegau baubau alodahi gu hai, aama muna alodahi a de gau baubau ma de haisala ne hai baasi ange ai gi de ia.”