1 Timothy 1:7 - De Beebaa Dabu

⁷ gilaadeu e llodo e hai gi ni dangada e agoagona de hainga, gai gilaadeu e dee tonu ange gi alaadeu mee e tala, aabe go mee alaadeu e tala hagadonu.

1 Timothy 1:7 Referans Kwoze

Romans 1:22

Gilaadeu e hagataba bolo gilaadeu ni dangada heiangi, aagai gilaadeu ni dangada donu llodo ssenga;

2 Peter 2:12

Aagai de gau bee nei e bei dagodo o denga manu alasala, e dee maua i de hagasaele dahi mee, gai ne haanau mai e daa gi maakau; gilaadeu e pasa hagangadi mee i mee olaadeu e dee tonu ange aagena, gai e daa naa donu gi maakau bei olaadeu dagodo.

1 Timothy 6:4

gai ia se dangada hagasoenga hagamaolunga ma teai donu ana mee e iloo. Ia se dangada e lodo e hagadau gaavange ma de hagadaumee i hagadoonunga o denga muna, go mee e hidi mai ai de hagadau llodo gaiaa, ma de hagadau kino, ma de hagadau hagabaubau, ma de hagadau dee hagadonu,

Galatians 3:5

E aha, de ia ne gaavadu gi goodou de Hagasaalunga ⌊Dabu⌋, ma de hai denga mee hagalele mouli i oodou daha, ne hai laa mee nei i dono daudali i de hainga, aabe go hiidinga doodou langona de longo danuaa ga kai ange aagena?

2 Timothy 3:7

denga haahine bee nei e agoago ina i masavaa alodahi, aagai e dee maua gi tonu ange gi de muna abodonu.

Galatians 3:2

Gai au e ssili adu gi goodou dahi mee: goodou ne kave laa de Hagasaalunga ⌊Dabu⌋ i doodou hai hegau i de hainga, aabe go doodou langona muna o de longo danuaa ga kai ange aagena?

Galatians 4:21

Au e ssili adu gi goodou e llodo laa e nnoho i lalo de hainga, goodou tigi langona naa donu muna gu tala laa i de hainga?

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Acts 15:1

Aagai gu loomai hanu daane i Judea gi Antioch ga agoago ange denga daina, ga hai ange, “Noo goodou e dee tuu dagaholiage bei dagodo muna o de hainga a Moses, gai goodou e dee hagamouli donu.”

Matthew 21:27

Gai gilaadeu ga hai ange gi Iesu, “Gimaadeu e dee iloo.” Gai ia ga hai ange gi gilaadeu, “Au e dee tala adu hogi be go hee ne humai ai ssauaa aagu e hai ai nei mee nei.

Luke 2:46

Gai dua huu e dolu laangi, gai gilaau gu gidee ia i lo te buibui o de temple, ia e noho i daho de gau agoago o de hainga, ma e hagallongo ai alaadeu agoago, aama de ssili ange ana muna gi gilaadeu.

James 3:1

Denga daina, gi dee soa goodou e hai gi ni dangada agoago, go hiidinga goodou e iloo bolo gidaadeu e agoagona ange dangada e kona ange de hai e hagamodu ai odaadeu muna.