1 Timothy 1:3 - De Beebaa Dabu

³ Au ne hai goe gi noho i Ephesus, i dogu masavaa ne hano ai gi Macedonia, gai koe ga hai ai gilaadeu e agoago i hanu agoago gee gi dee agoago ai,

1 Timothy 1:3 Referans Kwoze

1 Timothy 6:3

Gai noo dahi dangada e agoago i hanu mee gee, e dee bei denga agoago heohi a taadeu Dagi Maolunga go Iesu Klisdo, ma agoago i lodo o de Maadua,

2 John 1:7

Go hiidinga gu soa gilaadeu e daahangadia dangada gu hulo saele i henua i lalo, gilaadeu e dee llodo e tala bolo Iesu Klisdo gu humai ma gu hai gi se dangada. Tangada bee nei se dangada e daahangadia dangada gai se hagadaumee niio Klisdo.

1 Timothy 4:11

Koe gi daalaa ange aama de agoago ange dangada i mee nei.

1 Timothy 4:6

Noo koe e tala ange mee nei gi denga daina, gai koe gu se dangada hai hegau danuaa niio Klisdo Iesu, koe gu agoago abodonu i muna o de gai, ma agoago danuaa oou e daudali ai naa.

Revelation 2:20

Aagai e dahi mee aagu e hagasee ai goe: koe e dee buibui de hine go Jezebel, e tala laa bolo ia se pelaabisi, gai e agoago ange ma de hagasenga ogu dangada hai hegau gi haia denga dahulinga dagodo hai be se manu, aama de gai mee gu sigidaumaha ange gi denga diinonga.

Revelation 2:14

Aagai e hanu agu momo mee e hagasee ai goe: e hanu dangada i oodou magavaa e daohi agoago a Balaam, taane ne agoagona ange Balak gi haia gi haisala de gau Israel, gai gi gaina ai e gilaadeu mee gu sigidaumaha ange gi denga diinonga, aama de hai denga dahulinga hai be se manu.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

1 Timothy 6:10

Gai taadeu nnoo ange gi denga sseene go taamada donu o denga hagadaagangaa baubau alodahi; gai aanei donu hiidinga o hanu gu hulo gee mai ai laa i de gai abodonu, gai olaadeu lodo gu velosia i denga mee hagammae lagolago.

1 Timothy 5:7

Agoagona ange hogi gilaadeu i muna nei, gi dee haisala ai gilaadeu.

Philippians 2:24

Gai au e hagadonusia bolo e dee mmule naa donu gai Tagi Maolunga gu dugu mai au gi hanadu gi oodou daha.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

Acts 18:19

Gai ga tae huu gilaadeu gi Ephesus, gai a Paul ga dugu Priscilla ma Aquila i kilaa. Gai ia ne hano gi lo te synagogue ga madaangudu ange ai gi de gau Ssuu.

Acts 18:21

Aagai dono masavaa ne malanga ai e hano, gai ia ne hai ange gi gilaadeu, “Au e ahe mai naa donu gi oodou daha, noo go lodo o de Maadua.” Gai ia ga malanga ga hano gee mai i Ephesus.

Romans 15:26

De nohoanga dabu i Macedonia ma Achaia ne malangilangi i de daohi age dahi bale, ange gi de gau hagaau aloha i magavaa o dangada o de Maadua i Jerusalem.

Romans 16:17

Denga daina, au e dangidangi adu goodou gi dagidiiloo dangada e hagadee heloongoi ina laa magavaa o dangada, ma de haia mee e dee bei de hai oodou gu agoago ai. Goodou gi dee hagabuni ange gi gilaadeu.

2 Corinthians 11:4

Gai noo dahi dangada e humai ga agoago adu goodou i dahi Iesu gee ma de Iesu amaadeu gu agoago adu ai goodou, be go dahi hagasaalunga gee ma de Hagasaalunga oodou gu lava naa i de kave, aabe go dahi longo danuaa gee ma de mee oodou gu daohi naa, gai e moolau naa donu doodou daudali aagena.

2 Timothy 1:18

(Tagi Maolunga gi haia gi maua e ia tegi mai i daho Tagi Maolunga i de laangi laa!) Gai koe gu iloo dagodo o ana hegau lagolago ne bale mai ai au i Ephesus.