1 Timothy 1:2 - De Beebaa Dabu

² Ange gi Timothy, dagu dama abodonu i de gai. De abodonu ma tegi aama de baba mai i daho de Maadua Tamana ma Klisdo Iesu taadeu Dagi Maolunga.

1 Timothy 1:2 Referans Kwoze

Titus 1:4

Ange gi Titus, dagu dama abodonu i de gai. De abodonu ma de baba mai i daho de Maadua Tamana aama Klisdo Iesu taadeu Ia Hagamouli gi dagodo i oo daha.

2 Timothy 1:2

Ange gi Timothy, dagu dama hagamogomogo. De abodonu, ma tegi, aama de baba mai i daho de Maadua Tamana aama Klisdo Iesu taadeu Dagi Maolunga gi dagodo i oo daha.

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

Romans 1:7

Ange gi dangada alodahi i Rome o de Maadua e aloha ai laa, gai gu hagahi e hai ai dangada o de Maadua: De abodonu ma de baba mai daho de Maadua taadeu Damana, aama mai i daho Tagi Maolunga go Iesu Klisdo gi dagodo i oodou daha.

2 Timothy 2:1

Deenei ai, dagu dama, koe gi lodo mmahi i de abodonu e dagodo laa i daho Klisdo Iesu;

1 Timothy 1:18

Timothy, dagu dama, au e tala adu gi de goe de mee nei, bei dagodo o muna pelaabisi gu tala ai oo dagodo i mua. Gai koe ga daudali ai gi maua ai e goe i de hebagi i de hebagi danuaa,

1 Thessalonians 3:2

gai ga hai taadeu daina go Timothy gi hanadu gi oodou daha, ia se dangada hai hegau hogi niio de Maadua ange gi de longo danuaa o Klisdo madali gimaadeu, gai ia ga hagammahi adu ai goodou ma de hai gi lo taane goodou i oodou kai,

Galatians 1:3

De abodonu ma de baba mai i daho de Maadua taadeu Damana aama Tagi Maolunga go Iesu Klisdo gi dagodo i oodou daha.

1 Timothy 1:12

Au e hagaahe ange de abodonu gi Klisdo Iesu taadeu Dagi Maolunga, go de ia ne hagammahi ina ogu lodo, ia ne hagabinga bolo au se daane e hai hegau i de mee abodonu, ga hili au gi haia ana hegau.

1 Timothy 6:20

Timothy, koe gi daohia mee alodahi gu lava i de gaavadu gi de goe. Huli gee i denga ngadi muna o dangada e hagadaumee ai ma de tala bolo go de iloo mee abodonu;

Titus 2:2

Agoagona ange denga daane maatua gilaadeu gi dee unu gi ssenga, gilaadeu gi ni dangada e hagadubu i daho dangada, ma de maua i de golomagi olaadeu lodo; gilaadeu gi tuu gi makaga i de gai, ma de aloha, aama de hagaduu ngae i de lodo mmahi.

Titus 3:15

Dangada alodahi madali au e gaavadu hogi delaadeu hagaboo gi de goe. Demaadeu hagaboo ange gi gilaadeu alodahi e aaloha i gimaadeu i de gai. De abodonu ⌊o de Maadua⌋ gi dagodo i oodou daha alodahi.

2 John 1:3

De abodonu ma tegi aama de baba gi dagodo i odaadeu daha, mai i daho de Maadua Tamana aama Iesu Klisdo, Tama Daane a Tamana i de muna abodonu ma de aloha.

3 John 1:4

Gai e deai ange donu se mee e kii ange dogu hagamalangilangi, bei dagu langona bolo agu dama e seesee i de mee abodonu.

Jude 1:2

Gi laumalie de abodonu ma de baba aama de aloha i oodou daha.