1 Timothy 1:15 - De Beebaa Dabu

¹⁵ Muna nei ni muna abodonu gai e heohi taadeu daohi, bolo Klisdo Iesu ne humai gi henua i lalo e hagamouli ai de gau haisala, gai go au hugadoo e haisala i dangada alodahi.

1 Timothy 1:15 Referans Kwoze

Mark 2:17

Gai ga langona huu e Iesu muna laa, gai ia ga hai ange gi gilaadeu, “Gilaadeu e mmahi e dee ssala tangada hai magi, gai go gilaadeu e mmagi e saalaa ia. Au tee humai e hagahi gilaadeu e heohi, aagai go gilaadeu e haisala.”

Luke 19:10

Go hiidinga Tama a Tangada ne humai e ssala ma de hagaola gilaadeu gu dee maaleva laa.”

John 12:47

Gai noo tangada e langona agu muna aagai e dee daudali ai, gai au e dee hagamodu ono muna, go hiidinga au tee humai e hagamodu muna o henua i lalo, gai au se humai e hagaola henua i lalo.

John 1:12

Aagai gilaadeu alodahi e gaavee ma de hagadonusia ia, gai ia e gaavange naa gi gilaadeu ssauaa e hai ai gi ni dama nii de Maadua,

Luke 5:32

Au tee humai e hagahi gilaadeu e heohi, aagai ne humai e hagahi gilaadeu e haisala gi daahuli olaadeu lodo.”

1 John 3:5

Aagai goodou e iloo bolo Klisdo ne humai, gai ia ga kave gee ai odaadeu haisala. Gai ia e deai donu ono haisala.

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

1 Corinthians 15:9

Gai go au hugadoo e maolalo i de gau tala, gai e dee bau ange gi de hagabinga bolo se dangada tala, go hiidinga au ne vaivai hai de nohoanga dabu o de Maadua.

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

Matthew 9:13

Goodou hulo haia gi iloo e goodou de hagadoonunga o muna a de Beebaa Dabu e hai ange laa, ‘Au e lodo i de degi, e dee go ssigidaumaha.’  Go hiidinga au tee humai e hagahi gilaadeu e heohi, aagai go gilaadeu e haisala.”

Matthew 1:21

Ia e haanau naa dahi dama daane, gai koe ga hagaingoo ange ia go Iesu, go hiidinga ia e hagaola naa ono dangada mai i olaadeu haisala.”

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

1 Timothy 4:9

Muna nei ni muna abodonu gai e heohi taadeu daohi.

Romans 5:6

De masavaa odaadeu e deai ai odaadeu mahi, gai Klisdo ne magau i hiidinga o de gau baubau, i de masavaa gu lava laa i de hagamodu.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

1 Timothy 3:1

Muna nei ni muna abodonu: noo dahi dangada e lodo ia gi se dagi i de nohoanga dabu, gai ia e lodo i dahi hegau danuaa.

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Revelation 22:6

Gai tangada de langi laa ne hai mai gi de au, “Muna nei ni muna abodonu gai e heohi. Tagi Maolunga, de Maadua ne hagangaalue ina laa lodo o denga pelaabisi i dono Hagasaalunga, ne hai dono dangada de langi gi humai gi hagaagona ange gi ono dangada hai hegau mee gu dai loomai.”

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Titus 3:8

Muna nei ni muna abodonu. Gai au e lodo koe gi hagamanadua ina ange gi dangada mee nei, gi kana ange ai dangada gu hagadonusia laa de Maadua gi haia denga hegau danuaa. Mee nei ni mee e danuaa ma de haigamaiana ange gi dangada alodahi.

2 Timothy 2:11

Muna nei ni muna abodonu: Noo gidaadeu e maakau madali ia, gai gidaadeu e mouli age hogi madali ia.

Acts 3:26

De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”

John 3:36

Be goai e hagadonusia Tama gai e maua e ia de mouli e dee ngado mai, aagai be goai e dee hagadonusia Tama e dee gidee e ia de mouli, aagai de bole o de Maadua e dagodo i ono elunga.

Revelation 21:5

Gai de ia e noho laa i honga de nohoanga laa ga hagadaba, “Tilo, au e hai mee alodahi gi hoou.” Ia ne hagadaba hogi, “Siia mee nei, go hiidinga muna nei ni muna abodonu gai e heohi.”

1 John 5:11

Gai aanei muna o de tala hagadonu: de Maadua gu gaamai gi gidaadeu de mouli e dee ngado mai, gai de mouli nei e dagodo i daho dana Dama.

1 Timothy 1:19

aama de daohi de gai ma tagi o de lodo e dee haisala laa. Hanu gu tili mee nei, gai olaadeu kai gu maoha bei dagodo o de vaga gu maoha laa.

Matthew 18:10

“Goodou dagidiiloo gi dee hagangadi mee ina e goodou dahi dangada maolalo bee nei. Go hiidinga au e hai adu gi goodou, bolo olaadeu dangada de langi e gidee luu mada o dogu Damana i de langi i masavaa alodahi.

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Acts 11:1

Gai de gau tala ma denga daina i Judea ne langona bolo denga Gentile gu kave hogi muna a de Maadua.

Ezekiel 16:63

Gai koe e manadua naa ma de dogaa; koe e dee ahe ange naa donu e tala hanu muna, i hiidinga doo dogaa, i dagu masavaa e hagaheohi ai au mee alodahi gu hai, go de Ia Aamua go Iahweh e hagadaba.’ ”

De Beebaa go Job 42:6

deenei ai, au gu kino i ogu dagodo, gai au gu dahuli ogu lodo ma gu noho i lodo lehu.”

Luke 15:2

Aagai denga Pharisee ma de gau sisi ne nnanu ga hagataba, “Tangada nei e abodonu ange gi de gau haisala ma de gaimee madali gilaadeu!”

Romans 11:14

gai au ga hai ai gi llodo gaiaa ogu dangada go de gau Ssuu, gi hagamouli ai hanu gilaadeu.

1 Timothy 6:13

Au e tala hagasoe adu gi de goe i mada luu mada o de Maadua, go de ia ne gaavange de mouli gi mee alodahi aama Klisdo Iesu, go ia ne daalaa hagadonu dagodo o dono gai i mada i mua o Pontius Pilate,

Matthew 18:11

[Go hiidinga Tama a Tangada ne humai e hagamouli gilaadeu gu dee maaleva.]