1 Timothy 1:1 - De Beebaa Dabu

¹ Mai i daho Paul, tangada tala o Klisdo Iesu bei de hagamodu a de Maadua, taadeu Ia Hagamouli ma Klisdo Iesu taadeu tali hagalodolodo.

1 Timothy 1:1 Referans Kwoze

Titus 1:3

gai ga dae huu de masavaa, gai ia ga hagaago mai i ana muna i agu agoago gu lava i de tala adu ai goodou, bei de hai a de Maadua taadeu Ia Hagaola gu tala mai ai gi de au.

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Jude 1:25

aama ange gi de Maadua e dahi laa donu huu, go taadeu Ia Hagaola, i hiidinga o Iesu Klisdo taadeu Dagi Maolunga, de mahamaha, ma de maolunga, ma ssauaa e dagi ai, ma de mmahi, mai i mua de hai o mee alodahi aama iainei ga hano ai e dee ngado mai. Amen.

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

1 Timothy 1:12

Au e hagaahe ange de abodonu gi Klisdo Iesu taadeu Dagi Maolunga, go de ia ne hagammahi ina ogu lodo, ia ne hagabinga bolo au se daane e hai hegau i de mee abodonu, ga hili au gi haia ana hegau.

Galatians 1:1

Mai i daho Paul, dahi dangada tala — tee hili laa i daho dangada aabe go ssauaa o dangada, aagai ne hili i daho Iesu Klisdo ma de Maadua Tamana, ne hagamouli ina age laa Iesu i de magau,

2 Corinthians 1:1

Mai i daho Paul, tangada tala o Klisdo Iesu, bei dagodo de hagatau a de Maadua, aama taadeu daina go Timothy. Ange gi de nohoanga dabu o de Maadua i Corinth, aama dangada alodahi o de Maadua i Achaia.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

1 Timothy 2:7

Deenei de hiidinga oogu ne hilia ai nei gi se dangada agoago, gai gi se dangada tala — au e tala adu de muna abodonu, au e dee hadu muna — gai se dangada e agoagona ange denga Gentile i de gai ma de mee abodonu.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

1 Corinthians 1:1

Mai i daho Paul, taane ne hagahia laa gi se dangada tala niio Klisdo Iesu, bei dagodo de hagatau a de Maadua, aama taadeu daina go Sosthenes.

1 John 4:14

Gai gimaadeu ne gidee ma de tala hagadonu, bolo Tamana ne gaamai dana Dama Daane e hai ai de Ia Hagaola o henua i lalo.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

Titus 3:6

go de ia a de Maadua ne hai gi hano iho gi odaadeu elunga, i hiidinga o Iesu Klisdo taadeu Ia Hagaola,

Titus 3:4

Aagai de masavaa huu o de abodonu ma de aloha o de Maadua taadeu Ia Hagaola ne hagasula mai ai,

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Titus 2:10

Gilaadeu gi dee gaiaadia mee a olaadeu dangada aamua, gai gilaadeu gi hagaagona ange bolo gilaadeu ni dangada e dee hadu muna gai e hai hegau i de muna abodonu, gai alaadeu hegau danuaa gi hagamahamaha ina muna a de Maadua taadeu Ia Hagaola.

1 Timothy 4:10

Gai deenei taadeu mee e hai hegau ange ma de hagammahi ange aagena, go hiidinga taadeu tali hagalodolodo go daho de Maadua e mouli laa iai, go de Ia Hagamouli o dangada alodahi, gai ange donu gi gilaadeu e hagadonusia.

1 Timothy 2:3

De mee nei se mee danuaa, gai e hagamalangilangi i mada luu mada o de Maadua taadeu Ia Hagamouli.

Galatians 1:11

Denga daina, au e lodo goodou gi tonu ange bolo de longo danuaa aagu gu agoago adu ai goodou, e dee se mee mai i daho dangada.

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Isaiah 45:15

Ni muna abodonu, koe se Maadua e hagamuunia goe, go koe de Maadua ma de Ia Hagaola i Israel.

1 Corinthians 9:17

Gai noo go au ne hilihilia de hai de hegau nei, aagai e dahi donu ogu hagaoanga. Aagai noo e dee go au ne hilihilia, gai au e hai donu huu de hegau gu gaamai laa gi de au.

Romans 1:1

Mai i daho Paul, tangada hai hegau o Klisdo Iesu gu hagahia laa gi se dangada tala, ma de hili ange gi daalaa de longo danuaa a de Maadua,

Luke 1:47

gai dogu hagasaalunga gu malangilangi i de Maadua dogu Ia Hagaola,

Hosea 13:4

Aagai go au donu go Iahweh doo Maadua mai loo i de henua go Egypt. Gai e deai ange donu soo Maadua, go au donu huu; e deai ange hogi soo Ia Hagaola, go au donu huu.

Isaiah 63:8

Gai ia ne hagadaba, “Ni muna abodonu, gilaadeu go ogu dangada donu, gai ni dama e dee hai hegau i de hagasenga;” gai ia gu hai ai delaadeu Ia Hagaola.

Isaiah 60:16

Koe e unu naa vai uu a denga huaahenua, ma de gaimee i gai danuaa a denga hodooligi. Gai koe e iloo naa bolo go au donu go Iahweh, doo Ia Hagaola, go au ne hagaola ina goe, de Ia Mmahi o Jacob.

Isaiah 49:26

Au e hai naa gilaadeu ne vaivai haia goodou gi gaina olaadeu kano donu; gilaadeu e unu naa olaadeu dodo bei denga uvaini maimai. Gai gi iloo ai e dangada alodahi bolo go au donu go Iahweh, doo Ia Hagaola, go au ne hagaola ina goe, go au de Ia Mmahi o Jacob.”

Isaiah 43:11

Go au, go au donu go Iahweh, gai e deai ange donu se Ia Hagaola bei au.

Isaiah 43:3

Go au donu go Iahweh, doo Maadua, de Ia Dabu o Israel, gai go doo Ia Hagaola; au ne gaavange Egypt e hagaola ai goe, gai Ethiopia ma Seba e sui ai goe.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Psalm 106:21

Gai gilaadeu ne ngalo de Maadua, delaadeu Ia Hagaola, go de ia ne haia denga hegau maolunga i Egypt,

Luke 2:11

Anailaa nei gai gu haanau i de aduhale o David doodou Dangada Hagaola, go Klisdo Tagi Maolunga.