1 Samuel 7:10 - De Beebaa Dabu

¹⁰ De masavaa a Samuel e hai ai ssigidaumaha dudu, gai de gau Philistia gu loomai e hebagi ange gi Israel. Aagai Tagi Maolunga ga hai gi babaa denga hatuli nnui i de laangi, e hai baasi ange ai gi de gau Philistia ma de hai gi ssenga ange gilaadeu; gai de gau Israel ga hagadee kii gilaadeu.

1 Samuel 7:10 Referans Kwoze

1 Samuel 2:10

hagadaumee o Tagi Maolunga e daa naa donu gi maakau. Ia e hagababaa denga hatuli i lo te langi e hai baasi ange ai gi gilaadeu; Tagi Maolunga e hagamodu muna o henua i lalo alodahi. Ia e hagammahi de hodooligi aana e hili, gai e hagaamua ssauaa o de ia aana gu hagadabu i de lolo.”

1 Samuel 12:17

E aha, e dee deenei de masavaa e hagihagi ai grain? Gai au e dalodalo ange naa gi Tagi Maolunga gi haia gi babaa denga hatuli ma de pala de langi. Gai gi iloo ai e goodou ma de gidee bolo goodou gu hai dahi hegau baubau laumalie i mada luu mada o Tagi Maolunga, i doodou dangidangi i dahi hodooligi.”

Judges 5:20

Denga heduu i de langi ne hebagi ange gi Sisera i olaadeu mommee i lo te langi.

Joshua 10:10

Gai Tagi Maolunga ne hai ga ssenga ange denga hagadaumee i hiidinga o Israel, gai de gau Israel ga hagadee kii gilaadeu i Gibeon, ma de doolohi gilaadeu i de haiava o de madadaagodo o Beth Horon, ga daa gilaadeu ga dae ai gi Azekah ma Makkedah.

Zechariah 4:6

Gai ia ne hai ma gi de au, “Aanei muna a Tagi Maolunga ne tala ange gi Zerubbabel: e dee go mahi aabe go ssauaa o tangada, aagai go mahi o dogu Hagasaalunga, aanei muna a Tagi o denga hagabuulinga hebagi.

Judges 5:8

De masavaa ne hili ange ai denga maadua hoou, gai de hebagi gu dae mai gi de henua. Gu deai mee hungihungi be se dao e gidee i daho e haasemada daane hebagi o Israel.

Judges 4:15

Gai de masavaa a Barak ne daamada ai de hebagi, gai Tagi Maolunga ga hai gu ssenga ange Sisera ma ono hada hebagi, ma dono hagabuulinga hebagi; gai Sisera ne iho mai i dono hada hebagi ga savini ga hano.

1 Samuel 7:11

Gai denga daane o Israel ga sasao mai i Mizpah ga doolohi de gau Philistia ga hulo ai gu tae gi de mommee e mua gi lalo i Beth Car, ga daa gilaadeu gu maakau.

1 Samuel 14:15

Gai de hagabuulinga hebagi laa gu maatagu mmao — gilaadeu i de mommee nnoho gaainga ma lo te duu malaelae, aama denga hagabuulinga e oohaa denga mommee — gai de henua gu ngalungalue. De madagu nei se mee mai i daho de Maadua.

Psalm 29:3

De leo o Tagi Maolunga i honga denga vai; de leo o de Maadua o de mahamaha e bei denga hatuli, Tagi Maolunga i honga vai lagolago.

Psalm 29:4

De leo o Tagi Maolunga e mmahi mmao, de leo o Tagi Maolunga e maolunga.

Deuteronomy 28:7

Gai Tagi Maolunga e dugu adu naa goe, gi hagadee kii ina denga hagadaumee e hebagi adu gi de goe. Gilaadeu e hagabuni naa ga loomai i dahi haiava, aagai e saavini naa ga hulo gee i e hidu haiava.

Psalm 18:15

Lodo ava o tai gu ssula age, gai dagelo o henua i lalo gu gidee, i dau hagasee e Tagi Maolunga, ma dau busi luoo bongaa usu.

Psalm 78:66

Ia e hagamaakulu ono hagadaumee, ma de hagadookaa gilaadeu ga hano ai.