1 Samuel 6:5 - De Beebaa Dabu

⁵ Gai goodou haia hanu mee be ni hagahoa i goolo ma gimoo ne oohaa laa de henua, e hagadubu ai de Maadua o Israel. Kana adu ia e aau gee naa dono lima e hagaduasala ai nei goodou ma oodou diinonga aama doodou henua.

1 Samuel 6:5 Referans Kwoze

Joshua 7:19

Aagai Joshua ga hai ange gi Achan, “Dagu dama, au e hai adu gi de goe, koe gi hagamahamaha ina Tagi Maolunga, de Maadua o Israel, ma de tuhi ia; koe daalaa mai gi de au be se aha aau gu hai, aude hagamuunia donu i de au.”

1 Samuel 5:11

Gai gilaadeu ga aalu gi denga dagi alodahi o de gau Philistia, ga hai ange, “Hagaahea de ngavesi a de Maadua o Israel gi dono mommee donu, gi dee maakau ai gidaadeu ma odaadeu dangada.” Go hiidinga dangada i lo te aduhale laa alodahi gu maatagu mmao. Gai de lima sauaa o de Maadua gu kona mmao de hagaduasala dangada i kilaa;

John 9:24

Gai gilaadeu ga hagahi ange hogi taane nogo dee gide laa i de lua hanonga ga ssili ange gi de ia, “Koe gi hagamahamaha ina de Maadua. Gimaadeu e iloo bolo taane naa se daane haisala.”

Isaiah 42:12

Gilaadeu gi hagamahamaha ina Tagi Maolunga, ma de tala dono tuhi i mommee i tagudai.

Jeremiah 13:16

Hagamahamaha ina Tagi Maolunga doodou Maadua i mua dana gaamai de gohu, ma mua doodou baakuu i honga denga mounga gohu. Goodou e tali gi humai de maalama, aagai ia e hai gi kona de gohu, ma de hai gi gohu boo dangodango.

Psalm 32:4

De laangi ma de boo gai doo lima e hagadaemaha mmao au; gai gu deai ogu mahi bei de mahana o de masavaa hagamahana. Selah

1 Samuel 5:9

Aagai dua huu delaadeu kave de ngavesi laa gi kilaa, gai de lima sauaa o Tagi Maolunga ga hagaduasala dangada i de aduhale laa, ga hai gilaadeu gi hellumi ma de gaamai dahi magi hagamaakau gi dangada alodahi i de aduhale, go denga gauligi ga dae ai gi de gau maatua.

Revelation 16:9

Gai dangada gu vvela olaadeu angaanga i de mmahi o de laa, gai gilaadeu ga pasa baubau i de ingoo o de Maadua niiona laa ssauaa e hai ai denga mee hagamaakau laa. Aagai gilaadeu tee daahuli donu olaadeu lodo e hagamahamaha ia.

Revelation 14:7

Gai ia ne oo i de leo mmahi ga hagadaba, “Goodou maatagu i de Maadua, gai hagamahamaha ina ia, go hiidinga de aoaa aana e hagamodu ai muna gu dae mai donu; gai daumaha ange gi de ia ne haia de langi ma henua i lalo, ma tai aama denga saalingaa vai.”

Revelation 11:13

De masavaa laa donu huu gai gu kona de ngalungalue o de henua, gai dahi diba i diba e madaangahulu o de aduhale laa gu maoha. Gai gu maakau e hidumano dangada i de ngalungalue o de henua, gai dangada e doe gu kona mmao de maatagu, gai gilaadeu ga hagamahamaha de Maadua o de langi.

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

Joel 2:25

Au e hagaahe adu naa gi goodou mee i ngadau a de hagabuulingaa itebuubuu gu gai — go itebuubuu e tolo, ma de oha, aama de duuduudia mee — go de hagabuulinga hebagi soa aagu ne hai gi loadu gi oodou magavaa.

Jeremiah 3:13

Gai goodou gi daalaa bolo goodou gu haisala; goodou gu hai baasi ange donu gi Tagi Maolunga doodou Maadua, goodou gu dagodo haisala madali denga diinonga o de gau henua gee ma lalo denga manu ssomo alodahi, goodou tee hagallongo mai gi de au, go Tagi Maolunga e hagadaba.

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Psalm 39:10

Duudia dau hagailiili au; au gu dee vaangalue i de kona dau hagailiili au.

Psalm 18:44

De masavaa donu huu alaadeu ne langona ai agu muna, gai gilaadeu ga hagallongo mai gi de au; de gau henua gee e bolebole i ogu mada i mua.

Numbers 33:4

i de masavaa a de gau Egypt e danu ai alaadeu dama daane maatua, go dama a Tagi Maolunga ne daa ga maakau; go hiidinga Tagi Maolunga ne hagaduasala olaadeu diinonga.

Exodus 12:12

Gai lo te madohi boo naa huu, gai au ga hagadaga i Egypt e daa gi maakau denga dama daane maatua a dangada, ma manu dolodolo alodahi a de gau Egypt, aama de hagaduasala denga diinonga alodahi o Egypt. Go au donu go Iahweh.

Exodus 8:24

Gai Tagi Maolunga ne hai ga bei mee nei. De hagabuulingaa lango ne loomai ga ulu gi lo te hale o Pharaoh ma hale o ono dangada hai hegau, aama de loomai gi honga de henua alodahi o Egypt. Gai de henua gu hakino gee i hiidinga gu honu de lango.

Exodus 8:17

Gai Moses ma Aaron ne hai ga bei muna laa; Aaron ne hai dono dogo ga hagaili ai honga de gelegele, gai denga gelegele gu sui ga ni manu hakadigadi e toga ange gi honga o dangada ma honga o denga manu dolodolo. Gai gelegele alodahi i honga de henua go Egypt gu ni manu hakadigadi.

Exodus 8:5

Gai Tagi Maolunga ga hai ange gi Moses, “Hai ange gi Aaron ia gi haalo ina ange dono dogo gi honga denga leevaa ma saalingaa vai, ma geelonga iai laa vai, ma gi haia ai gi loage denga kailu gi honga de henua go Egypt.”

1 Samuel 6:8

Gai goodou gaavee de ngavesi a Tagi Maolunga dugu ange gi honga de hada laa, ga dugu ange de ngavesi damaa mee iai laa denga mee goolo, oodou e kave naa e hai ai ssigidaumaha o tagasala. Gai goodou ga hai luu manu naa gi daangia de hada laa gi hulo ai,

1 Chronicles 16:28

Huaabodu o denga huaahenua, goodou daalaa dagodo o Tagi Maolunga, daalaa dagodo de mahamaha ma de mmahi o Tagi Maolunga.

1 Chronicles 16:29

Goodou daalaa dagodo de mahamaha o de ingoo o Tagi Maolunga. Goodou gaamai dahi sigidaumaha loomai ai gi mada luoono mada. Daumaha ange gi Tagi Maolunga i de mahamaha o dono dabu.

Jonah 3:9

Goai e iloo! Kana adu de Maadua e sui naa dana maanadu ga dee hagahai hegau dono lili laumalie mmao, gi dee maakau ai gidaadeu.”