1 Samuel 6:20 - De Beebaa Dabu

²⁰ Gai dangada o Beth Shemesh ne hagataba, “Goai e maua i de duu i mada luu mada o Tagi Maolunga, de Maadua dabu nei? Gai go daho ai adaadeu e kave aagena de ngavesi nei gi dee dagodo ai i odaadeu daha?”

1 Samuel 6:20 Referans Kwoze

Malachi 3:2

Aagai goai e maua i de lodo mmahi i de laangi oona e humai ai? Gai goai e maua i de duu i de masavaa oona e hagasula mai ai? Ia e bei naa dagodo o de ahi a de ia e hagagilimalali ina denga baalanga, ma soobe a de ia daa malo.

2 Samuel 6:9

Gai David gu madagu i Tagi Maolunga i de laangi laa, ga hagadaba, “Dee hee dagu hai e kave ai de ngavesi a Tagi Maolunga gi dogu hale?”

Revelation 6:17

Go hiidinga gu dae mai de laangi olaau e pole ai, gai goai naa donu e maua i de hai baasi ange?”

Luke 8:37

Aagai dangada alodahi i de ungaamee go Gerasene ga dangidangi ange ia gi hano gee mai i olaadeu daha, go hiidinga gilaadeu gu maatagu mmao. Gai ia ga gage i de boose ga ahe.

Luke 5:8

Aagai de masavaa huu a Simon Peter ne gidee ai mee laa, gai ia ga humai ga duuduli i gaogao luu vae o Iesu, ga hai ange, “De Ia Aamua, hano gee mai i ogu daha, au se dangada haisala!”

Psalm 76:7

Aagai go koe donu huu e heohi de maatagu ai o dangada! Goai e maua i de duu i mada luoo mada i de masavaa oou e lili ai?

2 Samuel 6:7

Gai Tagi Maolunga gu lili mmao i Uzzah i hiidinga de hegau aana ne hai laa; gai de Maadua ga daa ia gu magau, gai ia ne magau donu huu i gaogao de ngavesi a de Maadua.

Leviticus 11:45

Go au Tagi Maolunga ne hagassao ina mai laa goodou i de henua go Egypt, gai au ga hai ai go doodou Maadua; deenei ai, goodou gi dabu, i hiidinga au e dabu.

Leviticus 11:44

Go au go Tagi Maolunga doodou Maadua; goodou vaaea gee goodou ma de hai gi dabu goodou, go hiidinga au e dabu. Goodou e dee hai gi dee gilimalali goodou i hanu manu e tolo i honga de gelegele.

1 Samuel 5:7

Gai ga gidee huu e de gau Ashdod mee nei, gai gilaadeu ga hagataba, “De ngavesi a de Maadua o Israel e dee dugu donu i odaadeu daha, go hiidinga dono lima sauaa gu kona mmao de hagaduasala gidaadeu ma taadeu diinonga go Dagon.”