1 Samuel 6:11 - De Beebaa Dabu

¹¹ Gai gilaadeu ne dugu ange de ngavesi a Tagi Maolunga gi honga de hada laa, ma de ngavesi e hhao ai laa denga gimoo goolo ma denga hagahoa goolo laa.

1 Samuel 6:11 Referans Kwoze

1 Chronicles 13:7

Gai gilaadeu ga hagauda ange de ngavesi a de Maadua gi honga dahi hada hoou mai i de hale o Abinadab, gai go Uzzah ma Ahio ne dagina de hada laa.

2 Samuel 6:3

Gai gilaadeu ga hagauda ange de ngavesi a de Maadua gi honga dahi hada hoou, ga kave gee ai i de hale o Abinadab, e duu laa i honga dahi duuduu. Gai go Uzzah ma Ahio, luu dama daane a Abinadab, e daangia de hada hoou,

Deuteronomy 28:27

Gai Tagi Maolunga e hai naa gi ssomo denga hagahoa, ne ssomo laa i de gau Egypt i de goe, ma maanuga nnui gu augau ina laa, ma mangeo manu hakadigadi e dee maua laa gi mmahu.

1 Samuel 6:4

Gai gilaadeu ga hai ange, “Gai se aha adaadeu e kave e hai ai ssigidaumaha o tagasala?” Gilaadeu ne pasa ange, ga hai ange, “Gaavee e lima mee be ni hagahoa e hai i goolo ma e lima gimoo goolo, go taelodo o denga dagi o de gau Philistia; go hiidinga de mee hagamaakau laa ne hai adu gi goodou alodahi ma oodou dagi.

1 Samuel 6:10

Gai denga daane laa ne hai ga bei alaadeu muna; gilaadeu ne kave e lua kaau ga noonooa ange gi dahi hada, ga kave alaau dama ga pono ange i lo te laadeu buibui.

1 Samuel 6:12

Gai luu kaau laa ne hagassoe ga hulo gi Beth Shemesh, i honga de haiava ma de koo ga hulo ai; gilaau tee taa donu gi de baasi madau be go de baasi masui. Gai denga dagi o de gau Philistia ne daudali ange i luu kaau laa ga hulo ai ga tae gi de ngaadonga o Beth Shemesh.