1 Samuel 5:10 - De Beebaa Dabu

¹⁰ Gai gilaadeu ga kave de ngavesi a de Maadua gi Ekron. Aagai de masavaa huu o de ngavesi a de Maadua ne dae ai gi Ekron, gai dangada o Ekron ga hevaalogi, ga hagataba, “Gilaadeu gu gaamai hogi de ngavesi a de Maadua o Israel e daa ai gidaadeu ma odaadeu dangada gi maakau.”

1 Samuel 5:10 Referans Kwoze

Amos 1:8

Au e daa naa gi maakau dangada e nnoho i Ashdod, ma de ia e hodooligi i Ashkelon. Au e hai baasi ange donu gi Ekron, ga dae ai gi de odi de gau Philistia i de maakau,” go de Ia Aamua go Iahweh e hagadaba.

2 Kings 1:2

De masavaa laa gai Ahaziah ne doo iho laa magavaa denga laagau i de aabi e mua gi lunga i dono hale i Samaria ga magi ga dagodo ai; gai ia ne kave hanu dangada gi hulo gi siilia gi iloo i daho Baal-Zebub, tiinonga o Ekron, be ia e ieiangi mai naa i dono magi be deai.

Judges 1:18

Gai de aamuli o Judah ne hebagi ange ga kave de aduhale go Gaza aama mommee e paa ange gi kilaa, ma Ashkelon ma mommee e paa ange gi kilaa, ma Ekron aama mommee e paa ange gi kilaa.

Joshua 15:45

Go Ekron ma aduhale alodahi nnui e paa ange aama aduhale vaaligiligi;

Joshua 13:3

mai i ssaalingaa vai go Shihor i baasi i dua o Egypt, ga hano ai gi de mommee o Ekron i baasi ngaiho, de mommee nei alodahi niio de gau Canaan (go de mommee a denga dagi e dogolima o de gau Philistia e dagi ai i Gaza, ma Ashdod, ma Ashkelon, ma Gad, aama Ekron), go de mommee o de gau Av,

1 Samuel 5:9

Aagai dua huu delaadeu kave de ngavesi laa gi kilaa, gai de lima sauaa o Tagi Maolunga ga hagaduasala dangada i de aduhale laa, ga hai gilaadeu gi hellumi ma de gaamai dahi magi hagamaakau gi dangada alodahi i de aduhale, go denga gauligi ga dae ai gi de gau maatua.

1 Samuel 5:11

Gai gilaadeu ga aalu gi denga dagi alodahi o de gau Philistia, ga hai ange, “Hagaahea de ngavesi a de Maadua o Israel gi dono mommee donu, gi dee maakau ai gidaadeu ma odaadeu dangada.” Go hiidinga dangada i lo te aduhale laa alodahi gu maatagu mmao. Gai de lima sauaa o de Maadua gu kona mmao de hagaduasala dangada i kilaa;

2 Samuel 7:9

Gai au ne noho madali goe i mommee alodahi oou ne hano aagena, ma de dugu adu goe gi hagadee kii ina oo hagadaumee alodahi. Gai au e hai naa goe gi se dangada maolunga, bei dagodo o de gau maolunga o henua i lalo.

Joshua 15:11

Gai e hano hogi laa gaogao de madadaagodo i baasi ngaiho o Ekron, ga lava ga hano gi Shikkeron ga hano ai laa gi de mounga go Baalah aama Jabneel. Gai dono ngaadonga go Mediterranean.

1 Samuel 6:1

Gai de ngavesi a Tagi Maolunga ne dagodo i de henua o de gau Philistia i e hidu malama.

1 Samuel 17:52

Gai denga daane o Israel ma Judah ga hiihidi age ga hevaalogi ma de doolohi denga daane Philistia ga tae ai gi Gath ma denga haitoga o Ekron. Gai denga daane Philistia gu lagolagohia laa gu daakodo i luu baasi de haiava e hano laa gi Shaaraim ga dae ai loo gi Gath ma Ekron.

1 Chronicles 7:21

dana dama go Zabad, dana dama go Shuthelah. Gai Ezer ma Elead ne daia ga maakau i denga daane o Gath, i de masavaa alaau ne hulo ai e hai gi de mahi alaadeu manu haangai.

Amos 6:2

Goodou hulo diiloo i Calneh, gai loadu gi de mommee maolunga go Hamath; ma de loiho gi Gath o de gau Philistia. E aha, gilaadeu e kii ange laa i luu nohoanga hodooligi nei? Olaadeu ungaamee e nnui ange laa i oodou ungaamee?