1 Samuel 4:13 - De Beebaa Dabu

¹³ De masavaa oona ne dae mai ai gi kilaa, gai Eli e noho i honga dono seaa i gaogao de haiava ma e tilo adu ai, go hiidinga ia gu manavasaa i de ngavesi a de Maadua. Gai de masavaa huu o taane laa ne dae mai ai gi lo te aduhale, ga tala ange ai longo o de hebagi, gai dangada alodahi i de aduhale ga hevaalogi ga tangi.

1 Samuel 4:13 Referans Kwoze

1 Samuel 1:9

Dahi laangi i dua de lava delaadeu gaimee i Shiloh, gai Hannah ga hidi age ga hano. Gai Eli, tangada haimeedabu, e noho i honga dono seaa i gaogao de haitoga o de temple o Tagi Maolunga.

1 Samuel 4:18

De masavaa a taane laa ne tala ange ai dagodo o de ngavesi a de Maadua, gai Eli ga baguu dua i honga dono seaa, e hagaduu laa i gaogao de haitoga o de buibui; gai ia gu magau i de hadi dono ua, go hiidinga ia gu madumadua ma de daemaha. Gai ia ne dagi de gau Israel i e madahaa ngadau.

Psalm 26:8

Tagi Maolunga, au e malangilangi i de hale oou iai, go de mommee iai doo mahamaha.

Joshua 7:9

Go hiidinga de gau Canaan ma dangada e nnoho i de henua e langona naa e gilaadeu mee gu hai nei, gai gilaadeu e loomai naa ga duuli gidaadeu, ga daa gidaadeu gu deai gidaadeu e doe i honga de henua. Gai aahee ai naa dagodo o doo ingoo maolunga naa?”

1 Samuel 4:14

Gai de masavaa huu a Eli ne langona ai de tangi o dangada, gai ia ga hagadaba, “Ni aha o dangada gu tangi ai nei?” Gai taane ne gaamai de longo ne hagamoolau ga humai gi daho Eli, ga tala ange mee alodahi gi de ia.

Jeremiah 48:19

Dangada e nnoho i Aroer, goodou tuu i gaogao de haiava ma gi dagidiiloo ai; goodou ga ssili ange gi taane e savini laa ga hano aama de hine e ola laa, ga hai ange, ‘Ni aha gu hai naa?’