1 Samuel 30:6 - De Beebaa Dabu

⁶ Gai David gu kona mmao tee baba ono lodo, go hiidinga denga daane gu llodo e maga ia i denga hadu, go hiidinga gilaadeu alodahi gu llili i hiidinga o alaadeu dama. Gai Tagi Maolunga dono Maadua ga hagammahi ange lodo o David.

1 Samuel 30:6 Referans Kwoze

Psalm 56:11

au e hagadonusia de Maadua; au e dee madagu donu. Gai se aha naa donu a dahi dangada e maua i de hai mai gi de au?

Psalm 62:5

Dogu hagasaalunga, go de Maadua donu huu aagu e tali, gai go ia dagu tali hagalodolodo.

Psalm 18:6

Au ne hagahi Tagi Maolunga i dogu duasala; au ne dangi ange gi dogu Maadua i de bale. Ia ne langona mai dogu leo i dono temple, gai dagu dangi gu dae ange ai gi luoono dalinga.

Psalm 25:17

Ogu hai ngadaa gu kona mmao de lagolago; haia gi ilaage au mai i ogu duasala.

Hebrews 13:6

Deenei ai, gidaadeu gi lo taane i de hagataba, “Go Tagi Maolunga e balea mai au; au e dee madagu donu. Ni aha naa donu a dangada e maua i de hai mai gi de au?”

Romans 4:18

Gai Abraham ne hagadonusia ma de tali hagalodolodo, i de masavaa e dagodo ai be e deai donu haigamaiana dana tali hagalodolodo, bolo ia e hai go tamana o denga huaahenua soa; bei de hai gu tala ange ai laa, “Deelaa naa hogi de soa o doo aamuli.”

Psalm 116:10

Au ne hagadonusia, gai ga hagadaba naa donu au, “Au gu duasala mmao.”

Romans 8:31

Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

Exodus 17:4

Gai Moses ga dangidangi ange gi Tagi Maolunga, ga hai ange, “Dee hee dagu hai e hai ai dangada nei? E momo ange donu huu gilaadeu gu maga ngau i denga hadu.”

Psalm 42:11

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola ma dogu Maadua.

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

2 Corinthians 4:8

Gimaadeu ne tuu ange gi denga hai ngadaa alodahi, aagai tee damaa llodo baageaa donu. Gimaadeu tee tonu ange gi mee gu hai, aagai tee helui donu demaadeu tali;

1 Samuel 1:10

Gai Hannah ne dalodalo ange gi Tagi Maolunga i de daemaha mmao ono lodo, ma de dangi mmao.

John 8:59

Gai gilaadeu ga poo age denga hadu e maga ai ia, gai Iesu ga hagalilo ga sao ga hano gee mai i de mommee o de temple.

Numbers 14:10

Gai de hagabuulingaa dangada laa alodahi gu llodo e magaa gilaau i denga hadu. De masavaa laa donu huu gai de gau Israel alodahi gu gidee de maalama o de mahamaha o Tagi Maolunga gu haoli de hale malo hagabuni.

2 Corinthians 7:5

De masavaa omaadeu ne tae ai gi Macedonia, gai gimaadeu tee maua donu i de hagammabu, aagai gimaadeu ne tuu ange gi denga hagadaagangaa hagaduasala; gimaadeu ne hagadaumee ange gi de gau ange laa aama de manavasaa omaadeu lodo.

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

De Beebaa go Job 13:15

Gai ga daia naa donu e ia ga magau au, gai au e dahi donu agu tali ange gi de ia; gai au e tala ange donu dogu donu gi de ia.

2 Corinthians 1:6

Noo gimaau gu duasala, gai ne hai e hagaaneane ai hogi ma de hagamouli ai goodou; noo gimaau gu hagaaneane ina omaau lodo, gai goodou e hagaaneane ai naa hogi, gi lodo mmahi ai goodou i de golomagi lodo i doodou hagaduasala ina bei omaau dagodo.

Romans 4:20

Gai ia tee lua lodo donu i dana hagadonu de hagatoo donu a de Maadua, aagai dono gai ne mmahi mmao aama de hagamahamaha de Maadua,

Matthew 27:22

Pilate ne hai ange hogi gi gilaadeu, “Gai ni aha aagu e hai ange gi Iesu e hagaingoo ange laa go de Klisdo?” Dangada alodahi ne hai ange gi de ia, “Daudau ina ia i de laagau lui!”

Matthew 21:9

Gai dangada e hulo laa i ono mada i mua ma gilaadeu e loadu i ono dua ne hevaalogi, ga hagataba, “Hosanna ange gi Tama a David! E manuuia Tangada e humai i de ingoo o Tagi Maolunga! Hosanna i de mommee maolunga mmao!”

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Psalm 62:1

Go de Maadua donu huu aagu e tali ange; gai go ia donu e hagaola ina mai au.

Psalm 42:7

De moana gelo e basa ange gi dahi moana gelo i de hadihadi o denga beau; gai au beau hadihadi alodahi gu hagaabulu au.

Judges 18:25

Gai de gau de aamuli o Dan ga hai ange gi de ia, “Aude hagalongaa, kana llili hanu omaadeu daane ga daa goodou ma de gau i doo hale gu maakau.”

Genesis 32:7

Gai Jacob gu madagu mmao ma de manavasaa ono lodo, gai ia ga vvae dangada madali ia, ga hai ai e lua hagabuulinga, madali denga ssiibi ma kaau aama gamelo.

Psalm 42:5

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola

2 Samuel 17:8

Hushai ne hai ange hogi, “Koe e iloo bolo doo damana ma ono daane hebagi ni daane mmahi, gai gilaadeu e bei dagodo o de bea gu bole laa i de gaavee o ana dama. Doo damana se daane hogi dau i de hebagi; ia e dee noho naa donu madali dangada i de boo.

2 Kings 4:27

Gai de masavaa huu o de hine laa ne dae mai ai gi daho taane o de Maadua i de mounga laa, gai ia ga humai ga poo luu vae o taane laa. Gai Gehazi ga humai e usu ia gi daha, gai taane o de Maadua ga hai ange, “Dugua donu huu ia! De hine nei gu daemaha mmao ono lodo, gai Tagi Maolunga tigi hagaago mai gi de au be aahee hiidinga.”

1 Samuel 23:16

Gai Jonathan, tama daane a Saul, ne humai gi daho David i Horesh, ga hagammahi ange ia i lodo o de Maadua.

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Psalm 31:24

Goodou alodahi e tali hagalodolodo ange gi Tagi Maolunga, goodou gi lodo mmahi ma de lo taane!

Psalm 71:4

Dogu Maadua, hagaola ina mai au i tangada alasala, ma mai i lodo lima o de gau baubau ma de alasala.

Psalm 71:5

Dogu Ia Aamua go Iahweh, go koe dagu tali hagalodolodo; au ne hagadonusia goe mai i dogu gauligi.

Jonah 2:2

ga hai ange, “Au ne dangidangi ange gi Tagi Maolunga i dogu hai ngadaa, gai ia ne basa mai gi dagu dangidangi; au ne hagahi ange ia mai i tagelo o de mommee o de gau maakau, gai koe ne hagallongo dagu dangidangi.

Judges 20:22

Gai denga daane o Israel ga hagadau hai gi lo taane gilaadeu, ma de hagatau i de mommee olaadeu ne hagatau ai laa i de laangi i mua.

1 Samuel 28:15

Gai Samuel ga hai ange gi a Saul, “Gu aha goe gu hakoso ai naa au ma de hai au gi hanage?” Gai a Saul ga hai ange, “Au gu hai ngadaa mmao; go hiidinga de gau Philistia gu loomai e hebagi mai gi de au, gai de Maadua gu huli gee i de au. Ia gu dee basa mai gi de au i daho denga pelaabisi, aabe go denga midi. Deenei ai, au ne hagahi adu goe gi daalaa mai be ni aha aagu e hai.”

Psalm 138:3

De masavaa aagu ne hagahi adu ai goe, gai koe ne basa mai gi dagu dangidangi; koe ne hai au gi lo taane ma de lodo mmahi.