1 Samuel 30:26 - De Beebaa Dabu

²⁶ De masavaa huu o David ne ahe mai ai gi Ziklag, gai ia ga kave hanu goloa ne mau i de hebagi gi ono soa, go denga daane maatua o Judah, ga hai ange, “Goloa nei se mee ngadi gaavadu gi goodou mai i denga goloa o denga hagadaumee o Tagi Maolunga.”

1 Samuel 30:26 Referans Kwoze

1 Samuel 25:27

Dogu dangada aamua, gaavee de ngadi gaavange a doo hahine hai hegau ne gaamai nei e gaavadu gi de goe, mage gaavange gi denga daane e daudali adu naa i de goe.

2 Corinthians 9:5

Deenei ai, au ne maanadu bolo se mee danuaa de hai denga daina nei gi loadu i mua dogu hanadu, gi hagadabena ina ai de mee ngadi gaavange oodou gu lava laa i de hagatoo donu ai, gai gi baba ai doodou mee ngadi gaavange i doodou malangilangi, e dee se mee e hai gi de mahi.

Isaiah 32:8

Aagai tangada abodonu e hai denga hagatau abodonu; gai ia e duudagi de abodonu.

Psalm 68:18

Koe ne hanage gi de mommee maolunga, ma de dagi de gau dee kii madali goe, koe ne kave mee ngadi gaavange mai i daho dangada; aama daho dangada hogi e hai baasi adu, gai koe, Tagi Maolunga de Maadua, ga noho ai i kilaa.

Psalm 35:27

Haia gi hevaalogi i de malangilangi ma de llodo danuaa, gilaadeu e llodo danuaa i dogu hagaheohi; gai gilaadeu gi hagataba i masavaa alodahi, “Hagaamua ina Tagi Maolunga, go de ia e malangilangi i de duadonu o dono dangada hai hegau.”

2 Kings 5:15

Gai ia ga ahe gi daho taane o de Maadua madali dangada alodahi ne loomai laa madali ia, ga duu i mada i mua o taane laa ga hai ange, “Tilo, au e iloo bolo e deai ange donu se Maadua abodonu i henua i lalo, go Israel donu huu. Aude haihaia gaavee denga mee ngadi gaavange nei mai i daho doo dangada hai hegau.”

Genesis 33:11

Aude haihaia, gaavee dagu mee ngadi gaavange gu gaamai nei gi de goe, go hiidinga de Maadua gu abodonu mai gi de au, ma gu gaamai gi de au mee alodahi oogu e mouli ai.” Gai ia ga usuusu ange ia, gai Esau ga kave mee laa.

1 Samuel 18:17

Gai a Saul ne hai ange gi David, “Deenei dagu damaa hine madua go Merab; au e gaavadu ia e hai ai doo bodu. Gai koe haia gi se daane dau goe i de hebagi ma de hai hebagi a Tagi Maolunga.” Gai a Saul ne maanadu i ono lodo, “Au e dee daa ia gi magau, aagai dugua ange denga daane hebagi o Philistia gi daia gi magau!”

1 Samuel 25:28

Au e dangidangi adu, degi mai gi haisala o doo hahine hai hegau. Gai Tagi Maolunga e gaavadu naa gi de goe ma doo aamuli gi hodooligi ga hano ai, go hiidinga koe e hai hebagi a Tagi Maolunga. Gai gi deai ai se baubau daudahi e gidee i oo daha i taulooloa doo mouli.

1 Samuel 30:20

Gai David ne hagaahe denga ssiibi ma kaau alodahi; gai gilaadeu ne hagabaa de hagabuulingaa manu gi hulo i mada i mua, ga hagataba, “Denga goloa ne maua i de hebagi niio David.”

1 Samuel 30:25

Gai David ne hagasauaa de mee laa ga hai gi se hainga ange gi de gau Israel i de laangi laa, ga dae mai ai gi anailaa nei.

2 Samuel 1:1

Dua de magau o Saul, gai David gu ahe mai i dono hano ga daa de gau Amalek, gai ia ne noho i Ziklag i e lua laangi.