1 Samuel 30:24 - De Beebaa Dabu

²⁴ E deai donu dangada e buni adu gi oodou maanadu naa! Go hiidinga tuuhanga o taane ne hano laa gi de hebagi ma tuuhanga o tangada ne nnoho laa ga diiloo ange denga goloa e hagahedae donu huu.”

1 Samuel 30:24 Referans Kwoze

Joshua 22:8

gai ia ne hai ange, “Goodou aahe gi oodou hale ga kave denga goloa lagolago ma oodou manu haangai, ma selevaa ma goolo, ma bronze, ma iron, aama malo lagolago mmao. Gai goodou vaaea ange hanu goloa oodou ne maua mai i de hebagi moo oodou daina.”

Numbers 31:27

ga vvae lua, dahi baasi nii denga daane ne hulo gi de hebagi, gai de baasi ange laa nii dangada alodahi o Israel ange laa.

Psalm 68:12

“Denga hodooligi ma olaadeu hagabuulinga hebagi gu saavini ma gu hulo gee; denga haahine i mommee nnoho gaainga gu duha goloa ne maua i de hebagi,

1 Samuel 25:13

Gai David ga hai ange gi ono daane, “Goodou daulia oodou gadilaasa!” Gai denga daane alodahi ga dau alaadeu gadilaasa. David ne dau hogi dana gadilaasa, gai agu made e haalau daane ne hulo madali David, aagai e lualau daane ga tilo ange denga goloa.

1 Samuel 30:23

Aagai David ga hai ange, “Denga daina, goodou e dee hai hegau bee naa i mee a Tagi Maolunga ne gaamai gi gidaadeu; ia ne hagaola gidaadeu, ga dugu mai gidaadeu gi hagadee kii ina de hagabuulinga hebagi laa.

1 Samuel 30:25

Gai David ne hagasauaa de mee laa ga hai gi se hainga ange gi de gau Israel i de laangi laa, ga dae mai ai gi anailaa nei.

1 Samuel 22:2

Gai dangada alodahi gu duasala laa, ma gilaadeu e muli, aama gilaadeu e dee nnoho paba ga hagabuni mai gi ono daha; gai ia gu sula go delaadeu dagi. Gai agu made se haalau daane madali ia.