1 Samuel 29:3 - De Beebaa Dabu

³ Gai dagi o de gau Philistia ne hai ange gi Achish, “Ni aha a denga daane Hebrew naa ne loomai nei e hai i kinei?” Achish ne hai ange gi dagi o de hebagi o Philistia, “Gilaadeu ne loomai madali David, tangada hai hegau o Saul, de hodooligi o Israel, gai ia gu noho i ogu daha i dahi ngadau ma hanu laangi. Mai i de laangi oona ne hano gee mai ai i daho Saul ga humai gi ogu daha, gai au tigi gidee donu dahi baubau daudahi i ono daha ga dae mai ai gi anailaa nei.”

1 Samuel 29:3 Referans Kwoze

Daniel 6:5

Gai denga daane laa ne hagataba, “Gidaadeu e dee maua gi gidee dahi mee daudahi e hagabaubau ai Daniel, deelaa donu huu noo gidaadeu e gidee dahi mee e hagabaubau ai ia i de hainga a dono Maadua.”

1 Samuel 27:7

Gai taulooloa de noho o David i de henua o de gau Philistia se dahi ngadau ma e haa malama.

1 Peter 3:16

gai goodou haia gi gilimalali tagi i oodou lodo, gi dookaa ai gilaadeu e hagabaubau ina oodou hegau danuaa i lodo o Klisdo, i delaadeu hagabaubau goodou.

Romans 12:17

Goodou gi dee suuia ange de baubau i de baubau, gai haia de mee heohi i madamada o dangada alodahi.

John 19:6

De masavaa huu a de gau haimeedabu maolunga ma de gau hagaloosi ne gidee ai ia, gai gilaadeu ga hevaalogi, ga hagataba, “Daudau ina ia i de laagau lui, daudau ina ia i de laagau lui!” Pilate ne hai ange gi gilaadeu, “Goodou gaavee ia daudau ina i de laagau lui, gai au tee gidee donu dahi haisala daudahi i ono daha.”

1 Samuel 25:28

Au e dangidangi adu, degi mai gi haisala o doo hahine hai hegau. Gai Tagi Maolunga e gaavadu naa gi de goe ma doo aamuli gi hodooligi ga hano ai, go hiidinga koe e hai hebagi a Tagi Maolunga. Gai gi deai ai se baubau daudahi e gidee i oo daha i taulooloa doo mouli.

1 Samuel 27:1

Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”

1 Samuel 29:6

Gai Achish ga hagahi David, ga hai ange gi de ia, “Au e hagatoo donu i de mouli o Tagi Maolunga, koe se daane e hai hegau i de mee abodonu, gai au ne maanadu bolo e danuaa doo humai madali au gi de hebagi. Go hiidinga au tigi gidee donu dahi hegau dee heohi i oo daha, mai i taamada doo humai gi ogu daha, ga dae mai ai gi anailaa nei. Aagai denga dagi e dee malangilangi i de goe.

1 Chronicles 12:19

E hanu hogi daane de aamuli o Manasseh ne hulo ga dau ange gi David, i de masavaa oona ne humai ai madali de gau Philistia e hebagi ange gi a Saul. (Gai David tee bale ange de gau Philistia, go hiidinga dagi o denga daane Philistia ne buni bolo e hai ia gi hano gee; gilaadeu ne hagataba, “E hagamanavasaa mai gi gidaadeu noo ia e tili gidaadeu gai ga hagabuni ange gi dono dangada aamua go Saul.”)

1 Chronicles 12:20

De masavaa o David ne hano ai gi Ziklag, gai hanu hagadiilinga o Manasseh ne loomai ga dau ange gi de ia: go Adnah, ma Jozabad, ma Jediael, ma Michael, ma Jozabad, ma Elihu, aama Zillethai, gilaadeu ni dagi o denga mano i de vaaenga o Manasseh.

Genesis 14:13

Gai dahi daane ne ola ga hano ga tala ange gi Abram, taane Hebrew. De masavaa laa gai Abram e noho i gaogao denga oak nnui o Mamre, taane Amor, go taina daane o Eshcol ma Aner; gilaadeu nei alodahi ne hagabuni ange gi Abram.

1 Samuel 4:6

Gai de gau Philistia gu langona delaadeu hevaalogi, gai gilaadeu ga hagataba, “Gu aha gu kona ai nei de hevaalogi o de gau Hebrew i delaadeu mommee nnoho gaainga?” De masavaa huu alaadeu ne iloo ai bolo de ngavesi a Tagi Maolunga gu dae mai gi de mommee nnoho gaainga,

1 Samuel 14:11

Gai gilaau ne hulo ga hai gi gidee e de hagabuulinga hebagi o de gau Philistia gilaau. Gai de gau Philistia ne hagataba, “Tilo, de gau Hebrew gu sasao mai i lodo haonga olaadeu e mmuni ai laa.”