1 Samuel 27:10 - De Beebaa Dabu

¹⁰ Gai ga siilia ange naa huu e Achish, ga hai ange, “Go hee aau ne hano naa ga hebagi ai anailaa nei?”, gai David ga hai ange, “Au ne hano ga hebagi ange gi hanu mommee i de bido i ngaage o Judah,” be, “Go de bido i ngaage de mommee o Jerahmeel,” aabe, “Go de bido i ngaage de henua o de aamuli o Ken.”

1 Samuel 27:10 Referans Kwoze

Judges 1:16

Gai de aamuli o Ken, ssaulaba o Moses, ne hulo gee mai i de aduhale o denga palm, madali dangada o Judah ga nnoho madali gilaadeu i de vao o Judah i Negev, i gaogao o Arad.

1 Chronicles 2:25

Dama daane a Jerahmeel, tama madua a Hezron: go Ram, dana dama madua, ma Bunah, ma Oren, ma Ozem, aama Ahijah.

1 Chronicles 2:9

Dama daane a Hezron ne hagadili: go Jerahmeel, ma Ram, aama Kelubai.

1 Samuel 30:29

ma Racal, ma denga aduhale o de gau Jerahmeel, ma denga aduhale o de gau Ken,

Judges 4:11

De masavaa laa gai Heber, taane Ken, ne hano gee mai i de mommee o de gau Ken, de aamuli o Hobab ssaulaba o Moses. Ia ne hano ga hagaduu dono hale malo i gaogao de oak i Zaanannim, de mommee laa e baa ange gi Kedesh.

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

Proverbs 29:25

Doo madagu i tangada e nnoa goe bei ssele, aagai be goai e hagadonusia Tagi Maolunga e ola.

Psalm 119:163

Au e dee lodo ma de kino i muna hhadu, aagai au e lodo mmao i dau hainga.

Psalm 119:29

Gaavee gee de hadu muna mai i ogu daha, gai agoagona mai au i au hainga i hiidinga doo abodonu.

2 Samuel 17:20

De masavaa o denga daane o Absalom ne loomai gi daho de hine i de hale laa, gai gilaadeu ne ssili ange, “I hee ai Ahimaaz ma Jonathan?” De hine laa ne hai ange gi gilaau, “Gilaau gu hulo laa lo te vai ma gu hulo ai gi de baasi laa.” Gai denga daane laa ne hulo ga ssala gilaau aagai gilaadeu tee gidee dahi dangada, gai gilaadeu ga aahe gi Jerusalem.

1 Samuel 23:27

gai dahi daane hagailoo ne humai gi daho Saul, ga hai ange, “Hagamoolau humai! De gau Philistia gu hebagi ange gi de henua.”

1 Samuel 21:2

David ne hai ange gi Ahimelek, tangada haimeedabu, “Go de hodooligi ne haia nei au gi humai gi haia dahi hegau, ia ne hai mai gi de au, ‘Aude daalaa ange gi dahi dangada dagodo o de hegau aagu ga kave nei goe gi haia.’ Gai au gu hai ange gi denga daane gilaadeu gi hedae mai gi de au i dahi mommee.

1 Samuel 15:6

Gai a Saul ga hai ange gi de gau Ken, “Goodou hulo gee mai i daho de gau Amalek, gi dee daia ai e au goodou gi maakau, go hiidinga goodou ne abodonu ange gi de gau Israel i de masavaa olaadeu ne ssao ai ga loomai i Egypt.” Gai de gau Ken ne hulo gee mai i daho de gau Amalek.

Judges 5:24

Jael, de bodu o Heber, taane Ken, e manuuia ange i denga haahine alodahi, i denga haahine e nnoho i lodo hale malo.

Numbers 24:21

Ia ne gidee hogi de gau Ken, gai ia ga tala ana muna, ga hagadaba, “Doo mommee noho e makaga, gai doo hoohanga e hili i lo te baba;

Genesis 27:24

Gai ia ga ssili ange, “Ni muna abodonu go koe go dagu dama go Esau?” Jacob ne hai ange, “Go au donu deenei.”

1 Samuel 27:11

Gai David tee dugu donu dahi daane be se hine daudahi gi ola, gi deai ai se gilaadeu e gaamai denga longo gi Gath, go hiidinga ia ne hagadaba, “Gilaadeu kana tala amaadeu mee ne hai, ga hai ange, ‘Aanei hegau a David ne hai.’ ” Gai aanei ana hegau ne hai i taulooloa dono noho i de henua o de gau Philistia.

1 Samuel 29:8

David ne ssili ange gi Achish, “Gai se baubau aha aagu gu hai? Gai se baubau aha aau gu gidee laa i ogu daha, doo dangada hai hegau, mai i de laangi oogu ne daamada ai de hai hegau adu gi de goe, ga dae mai ai gi anailaa nei? Dogu dangada aamua go de hodooligi, gu aha gu dee maua ai e au i de hano e hebagi ange gi oo hagadaumee?”