1 Samuel 27:1 - De Beebaa Dabu

¹ Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”

1 Samuel 27:1 Referans Kwoze

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?

1 Samuel 23:17

Jonathan ne hai ange gi de ia, “Aude madagu, go hiidinga dogu damana go Saul e dee gidee naa donu goe. Gai koe e sula naa donu ga hodooligi i Israel, gai go au doo dogolua. Gai dogu damana e iloo donu de mee nei.”

Proverbs 13:12

Noo de tali hagalodolodo a tangada tee sula, gai ono lodo e daemaha, aagai de hai ga ssula lodo o tangada e bei de manu somo o de mouli.

Psalm 116:11

Gai au ne hagadaba i dogu madagu, “Dangada alodahi ni dangada hadu muna.”

1 Samuel 29:2

Gai dagi o de gau Philistia ne daga mai madali olaadeu hagabuulinga; hanu e dagillau, gai hanu e dagimano, aagai David ma ono daane e daga adu i muli madali Achish.

1 Samuel 25:30

Gai de masavaa naa huu a Tagi Maolunga e hagassula ai mee danuaa alodahi aana gu tala adu gi de goe, ma de hai goe gi dagina Israel,

1 Samuel 22:5

Aagai de pelaabisi go Gad ne hai ange gi David, “Aude noho i lo te haonga naa; ahe hannoo gi de henua o Judah.” Gai David ga hano gee mai i kilaa, ga hano gi de lodo mee muimui i Hereth.

1 Samuel 16:13

Gai Samuel ne poo mai de lolo ga hagasulu ai David i madamada o ono daina daane. Mai i de laangi laa, gai de Hagasaalunga o Tagi Maolunga gu hano iho gi ono elunga i de mmahi. Gai Samuel ga ahe ai loo gi Ramah.

1 Samuel 16:1

Gai Tagi Maolunga ga hai ange gi Samuel, “Dee hee maa taulooloa doo hinangalosaa i a Saul, gai au gu kino i de hai ia gi hodooligi i Israel? Haaoa dau hanga manu i lolo hannoo ai; au e hai goe gi hano gi de hale o Jesse, taane Bethlehem; go hiidinga au gu hili dahi ana dama daane gi hodooligi.”

Exodus 14:12

Gai koe e manadua bolo gimaadeu ne hai adu gi de goe i Egypt, bolo koe gi dugua donu huu gimaadeu gi hai hegau ange gi de gau Egypt. E danuaa ange demaadeu hai hegau ange gi de gau Egypt i demaadeu maakau i de vao.”

2 Corinthians 7:5

De masavaa omaadeu ne tae ai gi Macedonia, gai gimaadeu tee maua donu i de hagammabu, aagai gimaadeu ne tuu ange gi denga hagadaagangaa hagaduasala; gimaadeu ne hagadaumee ange gi de gau ange laa aama de manavasaa omaadeu lodo.

Mark 4:40

Gai ia ga hai ange gi ana dangada agoago, “Gu aha gu maatagu ai naa goodou? Goodou e deai naa donu oodou kai?”

Matthew 14:31

De masavaa laa donu huu gai Iesu ga haalo ange dono lima ga poo Peter, ga hai ange gi de ia, “E damaa mee mmao doo gai. Gu aha gu lua lodo ai naa goe?”

Numbers 14:3

Gai gu aha Tagi Maolunga gu gaamai ai nei gimaadeu gi de henua nei e daa ai gi maakau? Omaadeu bodu ma amaadeu dama e gaavee naa e omaadeu hagadaumee; gai e dee danuaa ange demaadeu aahe gi Egypt?”

1 Samuel 26:19

Deenei ai, dogu dangada aamua go de hodooligi, aude haihaia hagalaangona muna a doo dangada hai hegau. Noo go Tagi Maolunga ne gaavadu gi oo lodo, koe gi humai gi hai baasi mai gi de au, gai ia gi gaavee dahi sigidaumaha mai i ogu daha; aagai noo go dangada, gai Tagi Maolunga gi hagamalaia ina gilaadeu, go hiidinga anailaa nei gai gilaadeu gu hai au gi hano gee mai i de henua o Tagi Maolunga, gi daumaha ange gi denga diinonga.

1 Samuel 29:3

Gai dagi o de gau Philistia ne hai ange gi Achish, “Ni aha a denga daane Hebrew naa ne loomai nei e hai i kinei?” Achish ne hai ange gi dagi o de hebagi o Philistia, “Gilaadeu ne loomai madali David, tangada hai hegau o Saul, de hodooligi o Israel, gai ia gu noho i ogu daha i dahi ngadau ma hanu laangi. Mai i de laangi oona ne hano gee mai ai i daho Saul ga humai gi ogu daha, gai au tigi gidee donu dahi baubau daudahi i ono daha ga dae mai ai gi anailaa nei.”

1 Samuel 20:3

Aagai David ne hai dahi hagatoo donu ga hai ange, “Doo damana e iloo bolo koe gu abodonu mai gi de au; gai ia gu hagadaba i ono lodo, ‘E dee tala ange mee nei gi Jonathan gi dee daemaha ai ia.’ Aagai au e hagatoo donu i de mouli o Tagi Maolunga ma doo mouli, bolo gu baa ange donu gi dogu daa ga magau!”

1 Kings 12:26

Gai Jeroboam ne hagadaba i ono lodo, “De nohoanga hodooligi e aahe ange naa donu gi de huaabodu o David.

1 Kings 12:28

Gai Jeroboam ne madaangudu ange gi ono daane bale, gai ia ga hai e lua kaau goolo. Gai ia ga hai ange gi dangada, “Gu lava oodou hulo gi Jerusalem e daumaha ai. De gau Israel, goodou kalo ange diiloo, aanei diinonga ne hagassao ina mai goodou i de henua go Egypt.”

1 Kings 19:3

Gai Elijah gu madagu ga savini ga hano. Gai de masavaa oona ne hano ai ga dae gi Beersheba o Judah, gai ia ne dugu dono dangada hai hegau i kilaa,

2 Chronicles 25:17

Gai Amaziah de hodooligi o Judah ne hagabuni ga hagasaele madali ono dangada bale, gai ia ne aalu ga hai ange gi Jehoash, tama daane a Jehoahaz, tama daane a Jehu, de hodooligi o Israel, “Humai e hedae gidaau.”

Psalm 55:7

au e hano naa gi dahi mommee mmao, au e hano naa ga noho i de vao. Selah