1 Samuel 26:19 - De Beebaa Dabu

¹⁹ Deenei ai, dogu dangada aamua go de hodooligi, aude haihaia hagalaangona muna a doo dangada hai hegau. Noo go Tagi Maolunga ne gaavadu gi oo lodo, koe gi humai gi hai baasi mai gi de au, gai ia gi gaavee dahi sigidaumaha mai i ogu daha; aagai noo go dangada, gai Tagi Maolunga gi hagamalaia ina gilaadeu, go hiidinga anailaa nei gai gilaadeu gu hai au gi hano gee mai i de henua o Tagi Maolunga, gi daumaha ange gi denga diinonga.

1 Samuel 26:19 Referans Kwoze

2 Samuel 20:19

Au se hine madali gilaadeu e llodo i de nnoho paba ma de hai hegau i de muna abodonu i Israel; goodou gu loomai e oha dahi aduhale hagamogomogo i Israel. Gai gu aha goodou gu llodo ai naa e oha de boolonga o Tagi Maolunga?”

2 Samuel 16:11

Gai David ga hai ange gi Abishai ma denga dagi alodahi, “Tilo, dagu dama donu gu ssala dana hai e daa ai au gi magau. Gai taane de aamuli o Benjamin nei e kii ange naa donu dono lodo e daa au gi magau. Dugua donu huu ia gi daalaa ana muna hagamalaia, i hiidinga go Tagi Maolunga ne hagaagona ia.

2 Samuel 14:16

Gai de hodooligi e hagallongo naa ma de hagaola mai au, dono dangada hai hegau, i tangada e lodo e aaua gee gimaau ma dagu dama i de mee a de Maadua gu bolo mai gi gimaau.’

Psalm 120:5

Gu vakaa loo au, au gu noho gaainga i Meshek, gai e noho i de mommee iai hale malo o Kedar!

1 Chronicles 21:1

Gai Satan ne hai baasi ange gi de gau Israel, ga hai David gi daulia de gau Israel.

1 Samuel 18:10

Taiao age gai dahi hagasaalunga hagammae mai i daho Maadua ne humai gi honga o Saul i de mmahi, gai ia gu bei dagodo o tangada senga i dono noho i dono hale, gai David e hagadangidangi i de harp bei ana hegau e hai i de laa tubua. Gai a Saul e poo dahi dao i dono lima.

Genesis 8:21

Gai Tagi Maolunga gu dungua de kala o ssigidaumaha laa, gai Tagi Maolunga ga hagadaba i ono lodo: “Au gu dee ahe ange naa donu e hagamalaia de gelegele i hiidinga o dangada, e dee galemu donu maanadu i lodo o tangada, e baubau donu mai i dono gauligi. Au gu dee ahe ange naa donu e daa gi maakau mee alodahi e mouli, bei dagu hai ne hai ai nei i de haonga nei.

2 Timothy 4:14

Alexander, de labagau o denga bronze, gu hai mai dahi hegau baubau mmao gi de au; gai Tagi Maolunga gi hagao ina ange ana hegau baubau.

Galatians 5:12

Mee naa dangada e hakoso ina naa goodou gi duuduudia donu huu gilaadeu bei dagodo o denga eunuch!

Romans 14:15

Noo dahi oo daina gu daemaha ono lodo, i hiidinga o au mee e gai, gai koe gu dee hai hegau i de aloha. Koe gi dee hagahaisala ina dahi dangada o Klisdo ne magau laa i ono hiidinga i au mee e gai.

Isaiah 60:5

Gai luoo mada e maalama age naa i dau gidee, koe e lodo danuaa naa ma de malangilangi mmao. De lava o honga lausedi e gaavadu naa gi de goe gai de lava o denga huaahenua e gaavadu naa gi de goe.

Proverbs 30:10

Aude hagabaubau ina ange dahi dangada hai hegau gi dono dangada aamua, ia kana hagabaubau goe, gai koe gu haisala.

1 Kings 22:22

Gai Tagi Maolunga ga ssili ange, ‘Dee hee dau hai e usuusu ange ai ia?’ Ia ne hai ange, ‘Au e hano naa ga hai gi se hagasaalunga hadu muna i lodo ngudu o ono pelaabisi alodahi.’ Gai Tagi Maolunga ne hai ange, ‘Koe e maua naa donu i de usuusu ange ia, hannoo haia gi bei au muna.’

2 Samuel 24:1

Gai Tagi Maolunga gu lili mmao ange i de gau Israel, gai ia ga usuusu ange David gi hai baasi ange gi gilaadeu, ga hai ange, “Hannoo daulia dangada o Israel ma Judah.”

1 Samuel 25:24

Ia ne hagabaguu gi lalo i gaogao luoono vae, ga hai ange, “Dogu dangada aamua, hagabuu ina mai ssala nei gi de au. Au e dangidangi adu koe gi dugua mai au, doo hahine hai hegau, gi daalaa adu agu muna gi de goe, gai koe hagalaangona muna a doo hahine hai hegau.

Leviticus 26:31

Au e oha naa gi maoha oodou aduhale, gai ni mommee dabu gi ngadi daakodo, gai au e dee hagadungu naa donu oodou sigidaumaha nnamu kala.

Genesis 44:18

Aagai Judah ga humai ga hagabaa ange gi de ia, ga hai ange, “Dogu dangada aamua, aude haihaia, au e lodo e tala adu agu muna. Gai koe gi dee lili i de au, doo dangada hai hegau, e dee galemu donu koe e maolunga donu bei Pharaoh.

1 Samuel 24:9

Gai David ne hai ange gi a Saul, “Gu aha gu hagallongo ai naa goe muna a dangada, i delaadeu hagataba, ‘Tilo, David gu noho e daa goe’?

1 Samuel 27:1

Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”

2 Samuel 21:3

Gai David ne hai ange gi de gau Gibeon, “Se aha aagu e hai e sui ai mee gu hai adu gi goodou, gai goodou ga hagamanuuia ai dangada o Tagi Maolunga?”

Numbers 36:7

Gai de gelegele gu bolo ange laa gi dahi aamuli o de gau Israel e dee maua donu i de gaavange gi dahi aamuli gee; de gau Israel alodahi gi daohia gelegele gu bolo ange laa gi denga aamuli o olaadeu dubuna madagidagi.

Numbers 36:9

gai e deai donu gelegele i de boolonga o dahi aamuli e gaavange gi dahi aamuli gee; gai denga aamuli alodahi o de gau Israel gi daohi gelegele ne bolo ange laa gi gilaadeu.”

Deuteronomy 13:3

gai goodou e dee hagallongo muna a de pelaabisi laa, aabe go tangada e haia midi bee nei. Go hiidinga Tagi Maolunga doodou Maadua e lodo e hagatale goodou, e tilo ai be goodou e aaloha abodonu i Tagi Maolunga doodou Maadua, i oodou lodo alodahi aama oodou hagasaalunga alodahi.

2 Samuel 16:10

Aagai de hodooligi ga hai ange, “Luu dama daane a Zeruiah, e deai donu ooluu mee e hai i mee nei. Noo taane nei e hagamalaia au, i hiidinga Tagi Maolunga gu hai ange ia gi hagamalaia ina au, gai goai e maua i de ssili ange, ‘Gu aha gu hai ai naa goe de hegau naa?’ ”

Psalm 20:4

Gai ia gi gaavadu gi de goe doo mee e lodo ai, ma de hagassula au hagatau alodahi.