1 Samuel 25:21 - De Beebaa Dabu

²¹ Gai David ne hagadaba, “Ni muna abodonu, teai donu haigamaiana dagu hagaloosi ange mee alodahi a taane nei i de vao, ga hai gi deai sana mee daudahi ne dee maleva; gai ia ne sui mai dagu danuaa ne hai i de baubau.

1 Samuel 25:21 Referans Kwoze

Proverbs 17:13

Noo tangada e sui ange tanuaa i de baubau, gai de baubau e dee hano gee naa donu i dono hale.

Ephesians 4:31

Goodou dilia de golo age de baubau, ma de bole ma de lili, ma de hagadaumee, ma de hai samu, aama denga hagadaagangaa maanadu baubau alodahi.

Ephesians 4:26

Goodou llili aagai gi dee haisala; goodou gi dee daohia doodou llili ga danu ai de laa,

Romans 12:21

Goodou gi dee dugua ange gi kii de baubau i goodou, aagai goodou haia gi kii tanuaa i de baubau.

1 Peter 3:17

Gai e danuaa ange, noo goodou e hagaduasala i doodou hai tanuaa, noo go lodo o de Maadua, i doodou hagaduasala i doodou hai de baubau.

1 Thessalonians 5:15

Goodou dagidiiloo gi dee suuia ange e goodou de baubau i de baubau, aagai gi dee helui doodou hagadau hai tanuaa i oodou magavaa, aama ange hogi gi dangada alodahi.

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

Jeremiah 18:20

E aha, e heohi de sui ange tanuaa i de baubau? Aagai gilaadeu gu geli dahi geelinga moogu. Koe gi manadua dogu duu i mada luoo mada ga dangidangi ai i olaadeu hiidinga gi dee humai ai doo lili i gilaadeu.

Psalm 38:20

Dangada e sui mai agu hegau danuaa i de baubau e hagabaubau au i hiidinga dogu hagammahi e hai tanuaa.

Psalm 37:8

Koe gi dee lili, gai dilia de bole; Koe gi dee manavasaa, go hiidinga e hano ga duu ange gi de baubau.

Psalm 35:12

Gilaadeu e sui mai agu hegau danuaa i de baubau, ma de hai gi hagaaloha ogu dagodo.

De Beebaa go Job 30:8

Gilaadeu ni dama nii de gau llodo ssenga gai ni ngadi dangada, gilaadeu gu hai gi hulo gee mai i de henua.

1 Samuel 25:13

Gai David ga hai ange gi ono daane, “Goodou daulia oodou gadilaasa!” Gai denga daane alodahi ga dau alaadeu gadilaasa. David ne dau hogi dana gadilaasa, gai agu made e haalau daane ne hulo madali David, aagai e lualau daane ga tilo ange denga goloa.

Genesis 44:4

Gai de masavaa olaadeu ne ssao ai ga hulo gee, gai tigi mmao gee ai loo gilaadeu i de aduhale, gai Joseph ga hai ange gi taane e dagina dono hale, “Hannoo, dolohia gi daea adu e goe denga daane laa, gai koe ga siilia ange gi gilaadeu, ‘Gu aha goodou gu sui ange ai laa tanuaa i de baubau?

1 Samuel 25:7

Au gu langona bolo go de masavaa e duuduu huluhulu o au ssiibi. Gai de masavaa o oo dangada hagaloosi ssiibi nogo tilo ange au ssiibi i omaadeu gaogao, gai gimaadeu tee vaivai hai gilaadeu, teai donu hogi se mee daudahi ne gaavee, i taulooloa delaadeu nnoho i Carmel.

1 Samuel 25:15

Gai denga daane nei ne abodonu mai gi gimaadeu. Gilaadeu tee vaivai hai gimaadeu, gai taulooloa demaadeu nnoho i de mommee iai helii, gai teai donu se mee daudahi amaadeu ne gaavee.

1 Samuel 25:20

Gai ia ne gage i honga dana donkey ga hano gu dae gi gaogao dahi mounga, gai tilo, David ma ono daane hebagi e loomai i ono mada i mua; gai de hine laa ga hano ga hedae ange gi gilaadeu.