1 Samuel 25:13 - De Beebaa Dabu

¹³ Gai David ga hai ange gi ono daane, “Goodou daulia oodou gadilaasa!” Gai denga daane alodahi ga dau alaadeu gadilaasa. David ne dau hogi dana gadilaasa, gai agu made e haalau daane ne hulo madali David, aagai e lualau daane ga tilo ange denga goloa.

1 Samuel 25:13 Referans Kwoze

1 Samuel 23:13

Gai David ma ono daane, agu made se onolau gilaadeu alodahi, ne hulo gee mai i Keilah ga silivaahea saele. Gai ga langona huu e Saul bolo David gu sao ma gu hano gee mai i Keilah, gai ia tee hano gi kilaa.

Proverbs 25:8

gai koe aude hagamoolau gi gaavange gi de hainga, gai ni aha naa aau e hai i muli mai, noo dahi dangada e hai goe ga dogaa?

Proverbs 19:11

Tangada maanetonu e dee moolau de lili, gai ia e hagadubulia i dono dee anga ange gi de haisala ange o dahi gi de ia.

Proverbs 19:2

E dee danuaa de lodo o tangada i dahi mee gai e deai sono iloo mee, gai be goai e hagamoolau e hano, e dee gidee naa e ia de haiava.

Proverbs 14:29

Tangada e dee moolau laa de lili se dangada e laumalie dono donu, aagai tangada e moolau laa de lili e hagaago mai dono lodo senga.

Joshua 9:14

Gai denga daane Israel ne kave hanu alaadeu gai, aagai gilaadeu tee ssili gi iloo e gilaadeu lodo o Tagi Maolunga.

Proverbs 16:32

Tangada e golomagi ina laa ono lodo e danuaa ange i dahi daane dau o de hebagi, tangada e golomagi ina ono lodo i dono lili e danuaa ange i taane e hagadee kii ina dahi aduhale.

1 Samuel 22:2

Gai dangada alodahi gu duasala laa, ma gilaadeu e muli, aama gilaadeu e dee nnoho paba ga hagabuni mai gi ono daha; gai ia gu sula go delaadeu dagi. Gai agu made se haalau daane madali ia.

1 Samuel 25:12

Gai denga daane hai hegau o David ne ngadi aahe ga tala ange gi de ia muna laa alodahi.

1 Samuel 27:2

Deelaa ai, David ma denga daane e onolau madali ia ne hulo gi daho Achish, tama daane a Maok, de hodooligi o Gath.

2 Samuel 15:18

Gai ono daane hai hegau alodahi ne hulo laa ono gaogao, madali de gau Kereth ma de gau Peleth alodahi; gai de onolau daane alodahi o Gath ne hulo laa madali ia ne hulo i mada i mua o de hodooligi.

Proverbs 20:22

Aude hagadaba, “Au e sui ange donu hegau baubau a dahi!” Koe haia Tagi Maolunga go dau tali, gai ia ga hagaola ai goe.