1 Samuel 24:11 - De Beebaa Dabu

¹¹ Dogu damana, galo mai diiloo talaa malo aagu e poo nei i dogu lima. Au ne tuu talaa malo nei mai i doo malo, aagai au tee daa goe gi magau. Gai gi iloo e goe ma de gidee bolo au e dee lodo donu e hai de baubau aabe go lodo e hai baasi adu. Au tigi haisala adu donu gi de goe, aagai koe e ssala au e daa gi magau.

1 Samuel 24:11 Referans Kwoze

1 Samuel 26:20

Deenei ai, au e dee lodo e magau i dahi mommee gee ange ma mada luu mada o Tagi Maolunga. Gai de hodooligi o Israel gu humai e ssala dahi gudu gaaduu, bei de hai a tangada dili manu e tili ai laa denga partridge i honga denga mounga.”

1 Samuel 23:23

Gai goodou diiloo hagailonga ina mommee alodahi oona e mmuni ai, gai goodou ga aahe mai ga tala mai gi de au. Gai au ga hanadu madali goodou; gai noo ia goi noho huu i honga de henua, gai au e ssala naa gi gidee ia i magavaa o dangada soa e nnoho laa i Judah.”

1 Samuel 23:14

Gai David ne noho i lodo mommee makaga i de vao, ma mommee iai mounga i de vao o Ziph. Laangi alodahi gai a Saul ne ssala ia, aagai de Maadua tee dugu ange David gi de ia.

John 15:25

Gai de mee nei gu bei donu muna gu sisi laa, i lodo alaadeu hainga ma e hai ange, ‘Gilaadeu ne kino i de au, gai e deai donu hiidinga.’

2 Kings 5:13

Aagai ono daane hai hegau ne loomai ga hai ange gi de ia, “Demaadeu damana, noo de pelaabisi ne hai adu koe gi hano gi haia dahi hegau hai ngadaa, gai koe ne hai donu ga bei. Gai ia tee hai adu laa donu huu, ‘Hannoo gaugau gi ieiangi ai goe’?”

1 Samuel 26:18

Gai David ga hai ange, “Dogu dangada aamua, gu aha goe gu humai ai naa e doolohi au, doo dangada hai hegau? Se baubau aha aagu gu hai? Gai se sala aha aagu gu hai?

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Ezekiel 13:18

hai ange, ‘E hagadaba de Ia Aamua go Iahweh: E vakaa naa denga haahine e duuia laa mee e dau i olaadeu gubu lima, ma hagadaagangaa mee e haoli ai olaadeu biho, gai gilaadeu ga vaivai hai ai ogu dangada. E aha, goodou e vaivai hai mouli o ogu dangada, gai ga hagaola donu huu oodou mouli?

Lamentations 4:18

Gilaadeu e hagabaa gimaadeu, gimaadeu gu dee maua i de seesee i honga haiava. Gu baa mai de hagaodi o omaadeu mouli; omaadeu laangi gu sogoisi, go hiidinga gu odi donu omaadeu laangi.

Proverbs 15:1

De muna maamaane e tuu de bole, aagai muna pada e hai ga lili tangada.

Psalm 140:11

Haia de gau hai samu gi dee noho paba i honga de henua; gai de hai ngadaa gi duu ange gi de gau alasala.

Psalm 35:7

Go hiidinga gilaadeu ne hagammuni delaadeu galauna, gai teai donu agu mee ne hai, ma de geli dahi geelinga gi doo ange ai au gi ono lodo.

De Beebaa go Job 10:16

Noo au e hagamaolunga, gai koe e dagitilo au bei dagodo o de laiono, ma de ahe ange ga hai baasi mai ai gi de au i doo sauaa hagalele mouli.

1 Samuel 18:27

gai David ma ono daane ne hulo ga daa e lualau daane Philistia, ga duuduu olaadeu gili ga gaamai ga dau gi odi ange, ga gaavange gi de hodooligi, gi maua ai e ia i de hai go saulaba o de hodooligi. Gai a Saul ga gaavange Michal e hai ai dono bodu.

1 Samuel 25:28

Au e dangidangi adu, degi mai gi haisala o doo hahine hai hegau. Gai Tagi Maolunga e gaavadu naa gi de goe ma doo aamuli gi hodooligi ga hano ai, go hiidinga koe e hai hebagi a Tagi Maolunga. Gai gi deai ai se baubau daudahi e gidee i oo daha i taulooloa doo mouli.

Psalm 59:3

Tilo, gilaadeu e tali au e daa gi magau; denga daane alasala e hagasaele de hai baasi mai gi de au. Tagi Maolunga, e deai donu ogu haisala aabe ni baubau.

Psalm 119:161

Denga dagi e hagaduasala ngau gai e deai donu hiidinga, aagai au muna ni mee hagamaatagu mai gi de au.

1 Samuel 12:3

Deenei au; goodou daalaa mai gi de au, i mada luu mada o Tagi Maolunga ma tangada aana gu hagadabu: goai aagu gu kave laa dana kaau? Goai aagu gu kave laa dana donkey? Gai goai aagu gu gaiaa laa dahi ana mee? Gai goai aagu gu vaivai hai laa? Gai goai aagu gu kave laa dahi ngadi gaavange hagasenga i ono daha, gi dee hai hegau ai au i de mee heohi? Goodou daalaa mai gai au ga hagaahe adu oodou mee.”

1 Samuel 26:23

Tagi Maolunga e sui ange hegau danuaa a tangada i dono hai hegau i de muna abodonu. Tagi Maolunga ne dugu mai goe gi de au anailaa nei, gai au tee lodo e poo adu gi de goe, tangada a Tagi Maolunga gu lava i de hagadabu.

2 Samuel 1:14

David ne hai ange gi de ia, “E aha, koe tee madagu laa donu i de haalo doo lima e daa gi magau tangada a Tagi Maolunga ne hagadabu?”

Psalm 7:5

gai dogu hagadaumee gi dolohia gi daea e ia au; ia gi dagadagahia au gi lo te gelegele, ma de hai au gi dagodo i lodo gelegele. Selah