1 Samuel 23:17 - De Beebaa Dabu

¹⁷ Jonathan ne hai ange gi de ia, “Aude madagu, go hiidinga dogu damana go Saul e dee gidee naa donu goe. Gai koe e sula naa donu ga hodooligi i Israel, gai go au doo dogolua. Gai dogu damana e iloo donu de mee nei.”

1 Samuel 23:17 Referans Kwoze

1 Samuel 20:31

Gai taulooloa de mouli o tama daane a Jesse, gai koe ma doo nohoanga hodooligi e dee maua donu gi sula. Iainei gai koe alumia David gi humai gi ogu daha, gai au ga daa ia gi magau.”

1 Samuel 24:20

Gai tilo, au e iloo bolo koe e sula naa donu ga hodooligi, gai de nohoanga hodooligi o Israel e duu naa ga makaga i oo lalo.

Hebrews 13:6

Deenei ai, gidaadeu gi lo taane i de hagataba, “Go Tagi Maolunga e balea mai au; au e dee madagu donu. Ni aha naa donu a dangada e maua i de hai mai gi de au?”

Acts 28:16

Gai de masavaa huu omaadeu ne tae ai gi Rome, gai gu dugu ange a Paul gi noho donu huu i de ia, madali taane hebagi e hagaloosia ange laa ia.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Romans 15:24

Au e tali hagalodolodo bolo gidaadeu e hedae naa donu i dogu hanadu e hano gi Spain, gai goodou ga bale mai ai au i dogu hano gi kilaa, i dua dogu damaa noho ange i oodou daha.

Acts 5:39

Aagai noo se mee mai i daho de Maadua, gai goodou e dee maua donu i de hai gi dee sula. Gai goodou e gidee naa bolo goodou e hai baasi ange donu gi de Maadua!” Gai de hagabuulinga hagasaele ne daudali i muna a Gamaliel.

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Proverbs 19:21

E lagolago hagatau i lodo o tangada, aagai go hagatau donu huu a Tagi Maolunga e ssula.

Proverbs 14:26

Tangada e madagu laa i Tagi Maolunga e lodo mmahi, gai se buibui ange gi ana dama.

1 Samuel 24:4

Gai denga daane ga hai ange gi David, “Deenei de laangi a Tagi Maolunga gu hai adu laa gi de goe, ‘Tilo, au e dugu adu naa doo hagadaumee gi de goe, gai koe ga hai be ni aha aau e lodo e hai ange gi de ia.’ ” Gai David ne mudimudi adu ga tuu dahi dalaa malo mai i de malo laa daha o Saul.

1 Samuel 24:19

Noo tangada gu gidee dono hagadaumee, gai ia e dugua naa ia gi hano? Deenei ai, Tagi Maolunga gi haia adu tanuaa gi de goe, i hiidinga dau hegau ne hai mai nei gi de au anailaa nei.

Psalm 118:6

Tagi Maolunga e hagabuni mai donu gi de au; au e dee madagu donu. Ni aha naa donu a dahi dangada e maua i de hai mai gi de au?

1 Samuel 22:23

Noho i ogu daha, aude madagu donu, go hiidinga tangada e saalaa goe e daa gi magau, e ssala donu hogi au e daa gi magau. Gai koe e ola donu i doo noho i ogu daha.”

1 Samuel 24:21

Deenei ai, hagatoo donu mai gi de au i de ingoo o Tagi Maolunga, bolo koe e dee daa gi maakau dogu hagadiilinga e loomai i muli, aabe e hai gi lilo dogu ingoo mai i daho dogu huaabodu.”

1 Samuel 25:30

Gai de masavaa naa huu a Tagi Maolunga e hagassula ai mee danuaa alodahi aana gu tala adu gi de goe, ma de hai goe gi dagina Israel,

Isaiah 35:3

Hagammahi ina oodou lima gu ngadi daudau naa, gai hagammahi ina oodou duli gu baageaa naa;

Isaiah 35:4

hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”