1 Samuel 20:32 - De Beebaa Dabu

³² Gai Jonathan ga hai ange gi dono damana go Saul, “Gu aha goe gu lodo ai laa e daa ia gi magau? Gai se baubau aha aana gu hai?”

1 Samuel 20:32 Referans Kwoze

Matthew 27:23

Gai Pilate ne ssili ange, “Gai se baubau aha aana gu hai?” Aagai dangada ne kii ange de hevaalogi, ga hai ange, “Daudau ina ia i de laagau lui!”

1 Samuel 19:5

Ia ne hagangadi mee dono mouli i de masavaa aana ne hano ai ga daa taane Philistia laa, gai Tagi Maolunga ne hai ga kii Israel alodahi. Gai koe ne malangilangi i de masavaa aau ne gidee ai mee laa. Gai gu aha gu lodo ai naa goe e daa David gi magau, gai tigi ai donu sana baubau ne hai?”

Luke 23:22

Aagai Pilate ga ssili ange gi gilaadeu i tolu hanonga, “Gai se baubau aha donu a taane nei gu hai? Au tee gidee dahi mee daudahi e heohi ai dono daa gi magau! Deenei ai, au ga hagaduasala nei ia i mua dagu dugu ia gi hano.”

Genesis 31:36

Gai Jacob gu lili mmao, gai ia ga hagadaumee ange gi Laban. Gai Jacob ne basa ange, ga hai ange gi Laban, “Se baubau aha aagu gu hai laa? Gai se haisala aha aagu gu hai adu gi de goe, gai koe ga doolohi mai ai nei au?

John 7:51

“E aha, taadeu hainga e hagabaubau laa dahi dangada noo tigi hai ssiilingaa muna ma de hai gi iloo be ni aha aana gu hai?”

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Ecclesiastes 9:3

Deenei de mee baubau e hai i mee alodahi e hai i lalo de laa: de hagaodi o dangada alodahi e dagodo daudahi donu huu. E dahi ange mee, lodo o dangada e hoohonu i de baubau, gai de llodo ssenga e dagodo i olaadeu lodo i de masavaa olaadeu e mouli ai, gai muli mai gilaadeu e hulo gi daho de gau maakau.

Ecclesiastes 7:9

Koe gi dee moolau doo lili; go hiidinga de lili e dagodo i lodo o tangada lodo senga.

Proverbs 22:24

Aude hai soa ange gi tangada e moolau laa de lili, gai gi dee hagabuni ange gi tangada lillili,

1 Samuel 20:7

Gai noo ia e hai adu, ‘E danuaa,’ gai au, doo dangada hai hegau, e danuaa donu huu; aagai noo ia e lili, gai koe gi iloo bolo ia gu baba ange e hai mai dahi doo gi de au.

1 Samuel 18:11

Gai ia ne hai tao laa ga velo ai David, go hiidinga ia ne hagadaba, “Au ga velo nei David gi pigi ange gi de baasi de hale.” Aagai David ne hagaui gee i tao laa i e lua hanonga.

1 Samuel 19:4

Gai Jonathan ne tuhi ange David gi a Saul, dono damana, ga hai ange gi de ia, “Aude haia ange dahi baubau gi doo dangada hai hegau go David, go hiidinga ia tigi hai adu donu dahi baubau gi de goe, gai ana hegau alodahi gu kona de bale danuaa adu goe.

1 Samuel 22:14

Gai Ahimelek ga hai ange gi de hodooligi, “Goai i magavaa o oo daane hai hegau, e bei dagodo o doo saulaba go David, i dono hai hegau i de mee abodonu, gai go tagi o oo daane hagaloosi, aama de laumalie dono hagadubu i daho dangada i doo hale?

1 Samuel 20:1

Gai David ne saavini mai i Naioth i Ramah ga humai gi daho Jonathan, ga ssili ange gi de ia, “Se aha aagu gu hai laa? Gai gu aha gu hagabuu mai ai nei ssala gi de au? Gai se haisala aha aagu gu hai ange gi doo damana, gai ia ga ssala ai nei au e daa gi magau?”