1 Samuel 2:32 - De Beebaa Dabu

³² Gai koe e lodo gaiaa naa i dau gidee de manuuia aagu e gaavange gi de gau Israel ange laa; gai e deai ange naa donu se daane madumadua i doo huaabodu ga hano ai.

1 Samuel 2:32 Referans Kwoze

Zechariah 8:4

E hagadaba Tagi o denga hagabuulinga hebagi: Denga daane ma haahine madumaatua e aahe ange naa ga nnoho i gaogao denga haiava o Jerusalem, dahi ma dahi e poo naa dono dogo i dono lima i hiidinga gilaadeu gu madumaatua.

1 Samuel 4:11

Gai de ngavesi a de Maadua gu gaavee; gai luu dama daane a Eli, Hophni ma Phinehas, gu maakau.

1 Samuel 4:22

Gai de hine laa ga hagadaba, “De mahamaha gu hano gee mai i Israel, go hiidinga de ngavesi a de Maadua gu gaavee gee.”

1 Samuel 4:4

Gai denga daane hebagi ne hai gi hulo gi Shiloh, gi gaamai ai de ngavesi o de hagatoo donu hagaheloongoi a Tagi o denga hagabuulinga hebagi, go de ia e noho laa i magavaa luu cherubim. Gai luu dama daane a Eli, go Hophni ma Phinehas, ne hulo madali de ngavesi o de hagatoo donu hagaheloongoi a de Maadua.

1 Samuel 2:33

Gai tangada aagu e dugu gi hai hegau i dogu mommee o ssigidaumaha, e dangi naa i de daemaha ono lodo, gai oo hagadiilinga ange laa alodahi e maakau naa i de masavaa olaadeu e dama daane ai.