1 Samuel 2:29 - De Beebaa Dabu

²⁹ Gai gu aha goe gu hagangadi mee ai naa dagu sigidaumaha, ma dagu mee ngadi gaavange? Gai gu aha goe gu hai ai naa gi kii ange luaau dama daane dau hagadubu i de au, ma de hai gi pedi goodou i mee danuaa hugadoo, mai i sigidaumaha alodahi a ogu dangada, go de gau Israel?’

1 Samuel 2:29 Referans Kwoze

Matthew 10:37

Be goai e kii dono damana be go dono dinana i dono aloha ai i de au, e dee bau ange gi de hagabinga bolo se dangada agoago niiagu; gai be goai e kii dana dama daane be go dana damaa hine i dono aloha ai i de au, gai ia e dee bau ange i de hagabinga bolo se dangada agoago niiagu.

Deuteronomy 32:15

Aagai Jeshurun ne bedi, ga dagadagahi au; koe gu bedi i de gaimee ma de daemaha, ma de bungubungu. Koe gu tili de Maadua ne haia goe, ma de hagangadi mee de Baba, doo Ia Hagaola.

Luke 14:26

“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Micah 3:5

E hagadaba Tagi Maolunga: “Dagodo o denga pelaabisi e hagasengalia laa ogu dangada, noo dangada e haangai ange gilaadeu, gai gilaadeu ga hagataba, ‘De baba gi dagodo i oo daha;’ noo tangada e dee haangai ange gilaadeu, gai gilaadeu ga hagadabena e hebagi ange gi de ia.

Hosea 4:8

Gilaadeu e gaimee i mee e maua i haisala o ogu dangada, ma de llodo i alaadeu hegau baubau.

Ezekiel 34:2

“Tama a tangada, basa pelaabisi hai baasi ange gi de gau hagaloosi o Israel; basa pelaabisi hai ange gi gilaadeu, ‘E hagadaba de Ia Aamua go Iahweh: E vakaa naa de gau hagaloosi o Israel, e haangai laa donu huu gilaadeu! E aha, e dee go de gau hagaloosi e diiloo ange denga ssiibi?

Joshua 18:1

Gai dangada o Israel ne hagabuni i Shiloh, ga hagaduu de hale malo hagabuni i kilaa. De masavaa laa gai gilaadeu e huahua i de henua,

Deuteronomy 33:9

Ia ne hagadaba i dono damana ma dono dinana, ‘Au e dee anga ange donu gi gilaau.’ Ia ne hagangadi mee ono daina gai ne tili ana dama. Go hiidinga gilaadeu ne daudali i au muna, ma de daohi dau hagatoo donu hagaheloongoi.

Leviticus 19:15

Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

Romans 16:18

Go hiidinga de gau bee naa e dee hai hegau ange donu gi Klisdo taadeu Dagi Maolunga, aagai e maanadu donu huu de hhao olaadeu dinae. Gai gilaadeu e hagasegesege ange ma de hagasenga dangada tigi maua laa, i de vvae de mee danuaa mai i de mee baubau i alaadeu muna.

Ezekiel 13:19

Goodou ne hagangadi mee au i magavaa o dogu huaadangada i hiidinga o hanu momo barley ma hanu amuamu pelaoaa. Goodou ne daa dangada e dee heohi de daa gi maakau, aagai ne hagaola dangada e dee heohi de dugu gi mouli, i doodou hadu muna ange gi ogu dangada e hagalaangona oodou muna hhadu.

1 Samuel 3:13

Gai au gu tala ange gi de ia, bolo au e hagaduasala donu dono huaabodu ga hano ai, i hiidinga o haisala o luaana dama daane aana gu iloo laa; gilaau ne hagangadi mee au, aagai ia tee hai gilaau gi dee haia.

Psalm 26:8

Tagi Maolunga, au e malangilangi i de hale oou iai, go de mommee iai doo mahamaha.

Ezekiel 34:10

E hagadaba de Ia Aamua go Iahweh: Tilo, au e hai baasi ange gi de gau hagaloosi ssiibi ma de dau ange gi gilaadeu mee gu hai ange gi agu ssiibi. Au e aau gee naa gilaadeu gi dee diiloo ange de hagabuulingaa ssiibi, gi dee maua ai e gilaadeu i de haangai donu huu gilaadeu. Gai au e hagaola naa agu ssiibi mai i gilaadeu, gi dee gaina ai e gilaadeu agu ssiibi.

2 Kings 12:6

Aagai de madalua ma dolu ngadau huu o Joash ne hodooligi ai, gai de gau haimeedabu tigi hai ange donu mommee gu maoha laa i de temple.