1 Samuel 2:28 - De Beebaa Dabu

²⁸ Au ne hili ia mai i denga aamuli alodahi o Israel e hai ai dogu dangada haimeedabu, gai ia ga hai ai hegau i gaogao de mommee o ssigidaumaha, ma de dudu mee maanongi, ma de gahu i de ephod i mada luoogu mada. Gai au ne gaavange gi de aamuli o doo damana dahi duuhanga mai i denga sigidaumaha alodahi a de gau Israel.

1 Samuel 2:28 Referans Kwoze

Exodus 28:1

“Gai koe ga gaamai doo daina go Aaron ma ana dama daane, go Nadab, ma Abihu, ma Eleazar, aama Ithamar; ga vvae gee gilaadeu mai i de gau Israel, ga hai gilaadeu gi ni gau haimeedabu e hai hegau mai ai gi de au.

Numbers 18:19

Au gu gaavadu hogi gi goodou ma oodou dama, denga sigidaumaha dabu alodahi a de gau Israel e gaavange gi Tagi Maolunga, e hai ai doodou duuhanga ga hano ai. De mee nei se hagatoo donu hagaheloongoi e hai i soolo i mada luu mada o Tagi Maolunga, gai se mee adu gi goodou ma oo hagadiilinga ga hano ai.”

Leviticus 6:16

Gai Aaron ma ana dama gi haia mee e doe gi haia ai pelaoaa dee hagahua ga gai i de mommee dabu, i lo te buibui o de hale malo hagabuni.

Leviticus 2:10

Gai mee e doe go tuuhanga a Aaron ma ana dama daane; deenei tiba dabu mmao mai i ssigidaumaha e hai laa i de ahi ange gi Tagi Maolunga.

Leviticus 2:3

Gai mee e doe i pelaoaa laa go tuuhanga o Aaron ma ana dama daane; deenei tiba dabu mmao mai i ssigidaumaha e hai laa i de ahi, ange gi Tagi Maolunga.

Exodus 28:4

Aanei malo alaadeu e hai: e dahi mee e dau i hadahada, e dahi ephod, e dahi malo laa daha, e dahi malo belee, e dahi goobai malo, aama e dahi mee e nnoa ai lo te ungaalodo. Gilaadeu gi haia malo o doo daina go Aaron ma ana dama daane, e hai hegau mai gi de au i hegau a de gau haimeedabu.

2 Samuel 12:7

Gai Nathan ne hai ange gi David, “Go koe deenaa! Aanei muna a Tagi Maolunga, de Maadua o Israel, e tala adu, ‘Au ne hagadabu goe gi hodooligi i Israel, ma de hagaola goe mai i a Saul,

Numbers 16:5

ga hai ange gi Korah ma denga daane madali ia, “Boo taiao gai Tagi Maolunga e hagaago mai naa be goai ono dangada gai goai e dabu, gai goai e maua i de hano e hagabaa ange gi de ia. Gai tangada naa huu aana e hili, gai ia gi humai gi hagabaa ange gi de ia.

Leviticus 7:32

Gai de aalanga o de vae madau o ssigidaumaha hagadanuaa magavaa e gaavange gi tangada haimeedabu e hai ai donu duuhanga;

Exodus 30:7

Gai Aaron ga dudu mee maanongi i ono elunga i daiao alodahi, i de masavaa aana e hagadabena ai denga laama.

Exodus 30:8

Gai de masavaa naa huu a Aaron e haula ai denga laama i de ahiahi, gai ia ga dudu mee nei, denga mee nei ni mee e dudu i mada luu mada o Tagi Maolunga i daho oodou atangada alodahi.

Leviticus 7:36

De laangi laa gai Tagi Maolunga ne hagadaba, bolo de gau Israel gi gaavange de mee nei gi gilaadeu; de mee nei se hainga ange gi olaadeu atangada alodahi e loomai i muli.

1 Samuel 2:18

Gai Samuel e hai hegau i mada luu mada o Tagi Maolunga, gai e gahu i de ephod linen mai i dono gauligi.

1 Samuel 14:3

ma Ahijah, tama daane a Ahitub, taina daane o Ichabod, tama daane a Phinehas, tama daane a Eli, tangada haimeedabu o Tagi Maolunga i Shiloh, gai ia e gahu i de ephod. Gai denga daane tee iloo donu bolo Jonathan gu hano.

2 Samuel 6:14

Gai David ga hagaodi ange ono mahi i de anu i mada luu mada o Tagi Maolunga; gai ia ne gahu i dahi ephod e hai i linen.