1 Samuel 2:2 - De Beebaa Dabu

² E deai ange donu se dangada e dabu bei Tagi Maolunga, e deai ange donu e bei oo dagodo; e deai ange donu se baba e bei taadeu Maadua.

1 Samuel 2:2 Referans Kwoze

2 Samuel 22:32

Goai de Maadua, e dee go Iahweh donu huu? Gai goai de baba makaga, e dee go taadeu Maadua donu huu?

Isaiah 44:6

E hagadaba Tagi Maolunga, de hodooligi o Israel, ma dono Ia Hagaola, go Tagi o denga hagabuulinga hebagi: “Go au taamada gai go au de hagaodi, e deai ange donu se maadua, go au donu huu.

Psalm 86:8

Dogu Ia Aamua, e deai ange donu i magavaa o denga maadua e bei oo dagodo, e deai ange hogi hegau e bei dagodo o au hegau.

Psalm 89:8

Tagi Maolunga, de Maadua o denga hagabuulinga hebagi, goai e bei goe? Tagi Maolunga, koe e mmahi, ma de hai hegau i de muna abodonu.

Exodus 15:11

Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

1 Peter 1:16

Gai gu sisi e hai ange, “Goodou gi dabu, go hiidinga au e dabu.”

Jeremiah 10:6

Tagi Maolunga, e deai donu e bei oo dagodo; go hiidinga koe e maolunga, gai doo ingoo iai de mmahi.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Deuteronomy 3:24

“Dogu Ia Aamua go Iahweh, koe gu daamada de hagaago mai gi de au, doo dangada hai hegau, dagodo o doo maolunga aama doo mmahi; go hiidinga e deai ange donu se maadua i de langi, aabe go henua i lalo, e maua i de hai hegau hagalele mouli aau gu hai.

Leviticus 19:2

“Basa ange gi de hagabuulingaa dangada o Israel, hai ange: ‘Goodou gi dabu, go hiidinga au e dabu, go au go Iahweh doodou Maadua.

Romans 15:4

Gai mee alodahi ne sisi laa madagidagi ne sisi e agoago ai gidaadeu, gi tuu ai gidaadeu gi makaga, ma de lo taane i taadeu iloo de Beebaa Dabu, gai gi dahi ai adaadeu tali.

Isaiah 44:8

Goodou aude bolebole, goodou aude maatagu. E aha, tee hagailoo ina e au ma de tala mee nei madagidagi loo? Go goodou ogu dangada hagadonu. E aha, e dahi ange maadua bei au? E deai, e deai ange donu se Baba mmahi; au e dee iloo bolo e dahi ange.”

Isaiah 40:18

Gai goai oodou e hagahedae ange de Maadua aagena? Gai goai oodou e hagadulagi ange ia aagena?

Isaiah 6:3

Gai gilaadeu e hagadau pasa ma e hagataba, “E dabu, e dabu, e dabu Tagi o denga hagabuulinga hebagi, henua i lalo alodahi gu honu i dono mahamaha.”

Psalm 111:9

Ia ne hagaola ono dangada; ia ne hai dana hagatoo donu hagaheloongoi gi dagodo ga hano ai, dono ingoo e dabu gai e hagamaatagu.

Psalm 99:5

Hagaamua ina Tagi Maolunga taadeu Maadua, gai ino i gaogao luoono vae daumaha ange gi de ia! Ia e dabu mmao.

Psalm 89:6

Tagi Maolunga, goai e bei oo dagodo i de langi? Tagi Maolunga, goai i de gau de langi e bei oo dagodo?

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Psalm 99:9

Hagaamua ina Tagi Maolunga taadeu Maadua, gai daumaha ange i dono mounga dabu; go hiidinga Iahweh taadeu Maadua e dabu.

Psalm 73:25

E deai ange donu sogu bale i de langi, go koe donu huu! Gai e deai ange donu se mee oogu e lodo ai i henua i lalo, go koe donu huu!

Psalm 71:19

De Maadua, doo heohi e hano ga dae gi lo te langi, go koe donu huu e haia denga hegau nnui, de Maadua, e deai ange donu e bei oo dagodo.

Psalm 71:3

Go koe de baba makaga oogu e buibui ai, go de mommee oogu e maua i de hano aagena i masavaa alodahi; koe gu hagadaba bolo au gi hagaola ina mai au, gai go koe dogu baba ma dogu mommee buibui makaga.

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Deuteronomy 32:20

Gai ia ga hagadaba, “Au e huli gee naa i gilaadeu, e tilo ai be aahee olaadeu dagodo. Go hiidinga gilaadeu se atangada baubau, gai ni dama e dee hai hegau i de muna abodonu.

Deuteronomy 4:35

Gai mee nei ne hagaago adu gi iloo ai e goodou bolo Tagi Maolunga go de Maadua donu, gai e deai ange donu se Maadua e bei ono dagodo.

Romans 4:8

E manuuia tangada a Tagi Maolunga e dee dau ange ono haisala gi de ia.”

2 Samuel 7:22

De Ia Aamua go Iahweh, koe e maolunga mmao. Gai e deai ange donu e bei oo dagodo, e deai ange hogi se Maadua go koe donu huu, bei demaadeu hai gu langona ai laa.

2 Samuel 22:3

dogu Maadua go dogu baba makaga, go ono daha oogu e mmuni ai, go ia dagu mee hungihungi ma de hanga manu e hagaola ina mai au. Go ia dogu mommee buibui makaga ma dogu mommee mmuni, aama dogu Ia Hagaola, e hagaola ina mai au i de gau alasala.

1 Kings 8:23

ga hai ange: “Tagi Maolunga, de Maadua o Israel, e deai ange donu se Maadua i de langi i lunga, aabe go honga henua i lalo e bei oo dagodo. Koe e daohi de hagatoo donu hagaheloongoi o doo aloha ange gi oo dangada hai hegau e seesee i mada luoo mada i de muna abodonu i olaadeu lodo alodahi;

Psalm 18:31

Goai de Maadua, e dee go Iahweh donu huu? Gai goai de baba makaga, e dee go taadeu Maadua donu huu?

Psalm 99:3

Dangada gi duuhia doo ingoo maolunga ma de hagamaatagu! Ia e dabu mmao.

Leviticus 11:44

Go au go Tagi Maolunga doodou Maadua; goodou vaaea gee goodou ma de hai gi dabu goodou, go hiidinga au e dabu. Goodou e dee hai gi dee gilimalali goodou i hanu manu e tolo i honga de gelegele.

Leviticus 11:45

Go au Tagi Maolunga ne hagassao ina mai laa goodou i de henua go Egypt, gai au ga hai ai go doodou Maadua; deenei ai, goodou gi dabu, i hiidinga au e dabu.

Deuteronomy 4:39

Deenei ai, ailaa nei gai goodou haia gi tonu ange goodou aama de dugu mee nei i oodou lodo, bolo Tagi Maolunga go de Maadua donu o de langi ma henua i lalo, gai e deai ange donu e bei ono dagodo.