1 Samuel 19:17 - De Beebaa Dabu

¹⁷ A Saul ne hai ange gi Michal, “Gu aha goe gu daahanga mai ai naa au, ma de hai dogu hagadaumee ga hano, gi ola ai ia?” Gai Michal ne hai ange gi de ia, “Ia ne hai mai, ‘Dugua mai au gi hano. Ni haigamaiana aha dagu daa goe gi magau?’ ”

1 Samuel 19:17 Referans Kwoze

2 Samuel 2:22

Gai Abner ne ahe ange ga hai ange gi Asahel, “Aude daudali mai i de au. Gai gu aha goe gu hai ai au gi daia goe gi magau? Gai aahee ai naa agu muna e tala ange gi doo daina go Joab i demaau hegide?”

Galatians 4:16

Au gu se hagadaumee nei niiodou i hiidinga dagu tala adu gi goodou de muna abodonu?

Matthew 2:16

De masavaa huu a Herod ne iloo ai bolo de gau heiangi laa gu daahanga ia, gai ia gu lili mmao, gai ia ga hai hanu gi hulo gi Bethlehem, gi daia ai gi maakau denga gauligi daane alodahi gu dagilua laa olaadeu ngadau ga hano iho ai, aama mommee alodahi e paa ange gi kilaa. Ia ne kumi ange gi dana masavaa ne hagadonu ai mee laa i daho denga daane heiangi.

1 Kings 21:20

Ahab ne hai ange gi Elijah, “Dogu hagadaumee, koe gu gidee ange naa hogi au?” Elijah ne hai ange, “Au gu gidee goe, go hiidinga koe gu lava i de hagao ange goe gi de baubau i mada luu mada o Tagi Maolunga.

2 Samuel 17:20

De masavaa o denga daane o Absalom ne loomai gi daho de hine i de hale laa, gai gilaadeu ne ssili ange, “I hee ai Ahimaaz ma Jonathan?” De hine laa ne hai ange gi gilaau, “Gilaau gu hulo laa lo te vai ma gu hulo ai gi de baasi laa.” Gai denga daane laa ne hulo ga ssala gilaau aagai gilaadeu tee gidee dahi dangada, gai gilaadeu ga aahe gi Jerusalem.

1 Samuel 28:12

Gai de masavaa huu a de hine laa ne gidee ai Samuel, gai ia ga oo ga hai ange gi a Saul, “Gu aha gu daahanga ai laa goe au? Koe go Saul.”

1 Samuel 22:17

Gai de hodooligi ga hai ange gi de gau hagaloosi e duu laa i ono gaogao, “Goodou daia gi maakau de gau haimeedabu o Tagi Maolunga; go hiidinga gilaadeu ne hagabuni ange gi David. Gilaadeu ne iloo donu bolo ia ne savini ga hano, aagai gilaadeu tee tala mai donu gi de au.” Gai denga daane hai hegau o de hodooligi tee lodo e daa gi maakau de gau haimeedabu o Tagi Maolunga.

1 Samuel 19:14

Gai de masavaa huu a Saul ne gaamai ai hanu daane gi boogia David, gai Michal ga hai ange, “David e magi.”

1 Samuel 19:16

Aagai de masavaa o denga daane laa ne ulu ai gi lodo, gai gilaadeu gu gidee bolo se diinonga e dagodo i honga de moenga, gai dono biho gu haoli i hanu huluhulu guudi.