1 Samuel 18:6 - De Beebaa Dabu

⁶ Gai de masavaa o denga daane ne aahe mai ai i de hebagi, i dua de daa a David taane Philistia laa, gai denga haahine ne loomai i denga aduhale o Israel alodahi, e hedae ange gi de hodooligi go Saul. Gai gilaadeu ga daahili ga aanu ma de hagadangidangi i denga tambourine ma lute, i de malangilangi.

1 Samuel 18:6 Referans Kwoze

Judges 11:34

Dua mee nei gai Jephthah ne ahe mai gi dono hale i Mizpah; gai tilo, dana damaa hine gu humai e hedae ange gi de ia, gai ia e hagadangidangi i denga tambourine ma de anu. Gai ia go tama dagidahi a Jephthah.

Exodus 15:20

Gai de pelaabisi go Miriam, taina hahine o Aaron, ne dagidagi dana tambourine i lo tono lima; gai denga haahine alodahi ga daudali ange i de ia ma alaadeu tambourine, gai gilaadeu ga hagadangidangi ma de aanu.

Psalm 68:25

Go de gau daahili i mua, olaadeu dua go de gau hagadangidangi, gai lo te ungaalodo go denga damaa hine e hagailiilia denga tambourine.

Exodus 15:21

Gai Miriam ne daahili ga hagadaba: “Daahili ange gi Tagi Maolunga, go hiidinga ia gu kii i de hebagi. Ia gu maga ange denga hoosa ma dangada e savini ai gi lo te vai.”

1 Samuel 18:5

Gai masavaa alodahi a Saul e hai ai David gi hano gi hebagi gai ia e kii; deelaa ai, a Saul ne hai ia gi dagina de hagabuulinga hebagi. Gai denga dagi ma daane hebagi alodahi gu malangilangi.

2 Samuel 1:20

Goodou gi dee daalaa mee nei i Gath, gai gi dee hagadele ina i honga haiava i Ashkelon, gi dee malangilangi ai de gau Philistia; gi dee lodo danuaa ai gilaadeu tigi tuu dagaholiage.

2 Samuel 6:5

Gai David ma de gau Israel alodahi ne malangilangi mmao i mada luu mada o Tagi Maolunga, ma de hagadangidangi i denga hagadaagangaa mee hagadangidangi e hai i laagau, go denga lyre, ma harp, ma tambourine, ma denga castanet aama cymbal.

Psalm 68:11

De Ia Aamua e hagailoo ana muna, gai e soa haahine ne hagadele ina muna nei:

Psalm 149:3

Gilaadeu gi duuhia dono ingoo i de aanu, ma de hagadangidangi i de tambourine ma de lyre.

Isaiah 30:32

Gai hanonga alodahi a Tagi Maolunga e hagailiili ai gilaadeu i dana laagau hagaduasala, gai e hai gi bei hagadangidangi o denga tambourine ma harp, gai ia e hagaabo dono lima e hebagi ange ai gi gilaadeu.