1 Samuel 18:23 - De Beebaa Dabu

²³ Gai de gau hai hegau o Saul ne tala ange muna laa gi David. Gai ia ga hai ange, “E dee se mee hai ngaohie de hai gi se saulaba niio de hodooligi, go hiidinga au se daane hagaau aloha ma tee dau.”

1 Samuel 18:23 Referans Kwoze

1 John 3:1

Ga dae laa de laumalie de aloha o Tamana i gidaadeu, i dana hagabinga bolo gidaadeu go dama a de Maadua! Gai aanei donu odaadeu dagodo. Deenei ai, henua i lalo e dee iloo gidaadeu, go hiidinga e dee iloo de Maadua.

Proverbs 14:20

Dangada e paa ange gi tangada hagaau aloha e kino donu hogi i de ia, aagai tangada lava e soa dangada e hai soa ange gi de ia.

Psalm 119:141

Au se dangada maolalo ma de kino ai o dangada, gai au e dee ngalo donu au muna gu hagasauaa.

1 Samuel 9:21

Gai a Saul ga hai ange, “E aha, au e dee se dangada de aamuli o Benjamin, go de aamuli hugadoo damaa mee i Israel? Gai e aha, e dee go dogu hagadiilinga hugadoo e sogoisi ono dangada i hagadiilinga o Benjamin? Gai gu aha gu basa mai ai naa goe bee naa gi de au?”

Genesis 29:20

Gai Jacob ne hai hegau i e hidu ngadau e kave ai Rachel, gai e dagodo be ni laangi sogoisi donu huu, i hiidinga dono aloha i Rachel.

Genesis 34:12

Goodou daalaa mai be dee hee maa de hagaoanga, ma de mee ngadi gaavange aagu e gaavadu, gai au ga gaavadu donu gi bei doodou mee e llodo ai, aagai goodou gaamai doodou damaa hine e hai ai dogu bodu.”

1 Samuel 18:18

Gai David ne hai ange gi a Saul, “Au e dee bau ange gi de hai bodu ange gi tamaa hine a de hodooligi; dogu huaabodu ni dangada e dee dau i daho de gau Israel.”

1 Samuel 18:22

Gai Saul ne hai ange gi ono dangada hai hegau, “Goodou pasa hagammuni ange gi David, hai ange, ‘Tilo, de hodooligi e malangilangi i de goe, gai ono dangada hai hegau alodahi e aaloha i de goe; hai bodu ange gi dana damaa hine.’ ”

1 Samuel 18:24

Gai de gau hai hegau ga tala ange gi a Saul muna a David ne hai ange gi gilaadeu.

Proverbs 29:5

Be goai e hagasegesege ina ange tangada e bei tangada e dugua laa dahi galauna gi llave ai luoono vae.